ەل ەگەمەندىگىنىڭ وتىز جىلدىق بەدەرىندە قۇرىلىس سالاسى ءبىر دامىل تاپقان ەمەس. اسىرەسە باسپانا قۇرىلىسىنا باسىمدىق بەرىلىپ، «قول جەتىمدى باسپانا – 2020» سىندى مەملەكەتتىك باعدارلامالار تالاي جانعا قونىس تويىن تويلاتۋدا. جامبىل جەرىندە دە بۇل باعىتتاعى جۇمىستار باعدارىن تاۋىپ، تالاي تىرلىك تەتىگىن تاۋىپ جاتىر، دەپ جازادى Qamshy.kz اقپارات اگەنتتىگى. 

ماسەلەن تالاس اۋدانىندا 2019 جىلدىڭ 8 ايىندا 3 ملرد. 882 ملن. 900 مىڭ تەڭگەنى قۇراپ، وتكەن جىلمەن سالىستىرعاندا 107،9%-عا ورىندالعان. (2018 جىلى 3597،9 ملن.تەڭگە).

اۋدان بويىنشا پايدالانۋعا بەرىلگەن تۇرعىن ۇيلەردىڭ جالپى كولەمى 2019 جىلدىڭ 8 ايىندا 5706 شارشى مەتردى قۇراپ، ينديكاتورلىق جوسپار 706 شارشى مەترگە ارتىق ورىندالدى (8 ايدىڭ جوسپارى 5000 شارشى مەتر).

«قول جەتىمدى باسپانا – 2020» باعدارلاماسى بويىنشا اۋداندا 2019 جىلدىڭ 1 قىركۇيەككە كەزەكتە تۇرعان تۇرعىن ۇيگە مۇقتاج ازاماتتار سانى 1701 ادامدى قۇرادى.

باعدارلاما اياسىندا قاراتاۋ قالاسىندا جالپى اۋدانى 27 752 شارشى مەتردى قۇرايتىن 440 پاتەرلى 6 كوپقاباتتى تۇرعىن ۇيلەر (3 مولتەك اۋدانى № 49،51 جانە 5 مولتەك اۋدانى №51،52،55،58 ۇيلەر) جوندەۋدەن وتكىزىلىپ، كەزەكتە تۇرعان ازاماتتارعا كەزەك رەتىمەن بەرىلۋدە (5 ءۇي بەرىلىپ، 1 ءۇي بەرىلۋدە).

3 مولتەك اۋدانى №49، 51 جانە 5 مولتەك اۋدانداعى №51، 52، 55، 58 تۇرعىن ۇيلەردى قايتا جاڭعىرتۋعا جانە ينفراقۇرىلىمدى قايتا قۇرۋعا 2018 جىلعا 870 ملن. 408 مىڭ تەڭگە ءبولىنىپ، جۇمىستار جۇرگىزىلدى (2017 جىلى 234 ملن. 444 مىڭ تەڭگە).

سونىمەن قاتار، قالاداعى بوس تۇرعان 3 كوپقاباتتى تۇرعىن ۇيلەر كوممۋنالدىق مەنشىككە الىنىپ، اۋداندىق بيۋدجەتتەن 14 ملن. 910 مىڭ تەڭگە ءبولىنىپ، ەكى ۇيلەردىڭ جوبالىق-سمەتالىق قۇجاتتار ازىرلەنىپ، وبلىستىق قۇرىلىس باسقارماسىنا 629 ملن. 198 مىڭ تەڭگەگە بيۋدجەتتىك ءوتىنىم تاپسىرىلىپ، ءبىر ءۇيدىڭ جوبالىق-سمەتالىق قۇجاتتار ازىرلەنۋدە.

5 مولتەك اۋدانداعى №26 ءۇي-55 پاتەرلى، جوبا قۇنى 341 ملن. 277 مىڭ تەڭگە،

3 مولتەك اۋدانداعى №22 ءۇي-60 پاتەرلى، جوبا قۇنى 287 ملن. 921 مىڭ تەڭگە،

3 مولتەك اۋدانى №17 ءۇي- 64 پاتەرلى، بارلىعى 179 پاتەر.

بۇگىنگى كۇنگە كوپ بالالى نەمەسە جاعدايى تومەن وتباسىلاردى ۋاقىتشا تۇرعىن ۇيمەن قامتاماسىز ەتۋ ماقساتىندا، قاراتاۋ قالاسىنداعى 3 مولتەك اۋدانى №3 جانە №4 جاتاقحانالارى تالاس اۋداندىق سوتىنىڭ شەشىمىمەن اعىمداعى جىلدىڭ ءساۋىر ايىندا كوممۋنالدىق مەنشىككە الىنىپ، قايتا جاڭعىرتۋ جۇمىستارىنا 504 ملن. 484 مىڭ تەڭگەگە جوبالىق سمەتالىق قۇجاتتاما جاسالىنىپ، 3 مولتەك اۋدانى №3 جاتاقحانا مەملەكەتتىك ساراپتامادان ءوتتى، №4 جاتاقحانا وتۋدە. (ءبىر جاتاقحانانىن قۇنى 252 ملن 242 مىڭ تەڭگە).