قاندايدا بولماسىن مەملەكەتتىڭ قارىشتاپ دامۋى ەكونوميكا مەن ساياسي تۇراقتىلىققا بايلانىستى ەكەنى بەلگىلى. مەملەكەت باسشىسى قاسىم-جومارت توقايەۆ تا جۋىرداعى جولداۋىندا وسىناۋ ساياساتتى بەرىك ۇستانىپ، جاسامپاز مەملەكەتىمىزدى جاڭا بەلەستەرگە جەتەلەيتىن جولدى كورسەتتى. بۇل ورايدا بۇل باعىتتا وبلىس ورتالىقتارى عانا ەمەس، اۋدانداردىڭ دا اتقارار ءرولى وراسان. ال جامبىل وبلىسى تالاس اۋدانىندا جىل ىشىندە اتقارىلعان تىندىرىمدى تىرلىكتەر جەتەرلىك، دەپ جازادى Qamshy.kz اقپارات اگەنتتىگى.  زەردەلەپ قاراساق، اعىمداعى جىلدىڭ 8 ايىندا تالاس اۋدانى تۇرعىندارىنىڭ ىنتىماعى مەن بىرلىگى ارقاسىندا جوسپارلى جۇمىستار جۇزەگە اسىپ، بارلىق سالا بويىنشا نەگىزگى كورسەتكىشتەردىڭ وسىمىنە قول جەتكىزىلىپ، وڭ ديناميكا قالىپتاسقان.

جالپى وندىرىلگەن ءونىمنىڭ جانە قىزمەتتەردىڭ كولەمى 27 ميلليارد 473 ميلليون 100 مىڭ تەڭگەنى قۇراپ (2018 جىلدىڭ قاڭتار-تامىز ايىندا 22 ميلليارد 479 ميلليون تەڭگە)، 122،2 پايىزعا ورىندالعان. نەمەسە 4 ميلليارد 994 ميلليون 100 مىڭ تەڭگەگە ارتىق ءتۇسىم ءتۇسىپ وتىر.

ونەركاسىپ ونىمدەرى 15 ميلليارد 838 ميلليون 500 مىڭ تەڭگەگە ءوندىرىلىپ، 2018 جىلدىڭ ەسەپتى كەزەڭىمەن سالىستىرعاندا ونەركاسىپ ءوندىرىسىنىڭ كورسەتكىشتەرى 4 ميلليارد 101 ميلليون 900 مىڭ تەڭگەگە ارتىق نەمەسە 134،9 پايىزعا ورىندالعان. ناقتى كولەم يندەكسى 102،9 پايىزدى قۇرادى. (2018 قاڭتار-تامىز 11 ميلليارد 736 ميلليون 600 مىڭ تەڭگە)

2019 جىلدىڭ قاڭتار-تامىز ايلارىنا نەگىزگى كاپيتالعا سالىنعان ينۆەستيسيالاردىڭ جالپى كولەمى 6 ميلليارد 496 ميلليون 500 مىڭ تەڭگەنى قۇراپ، بىلتىرعى جىلدىڭ ەسەپتى كەزەڭىمەن سالىستىرعاندا 103،5 پايىزعا نەمەسە 218 ميلليون 700 مىڭ تەڭگەگە ارتىق ءتۇسىپ وتىر. (2018 قاڭتار-تامىز 6 ميلليارد 277 ميلليون 800 مىڭ تەڭگە)

بايقاپ تۇرساڭىزدار نەگىزگى سالادا ءوسىم بار. جانە ءبىر ەمەس بىرنەشە ەسەگە وسكەن. ارينە بۇل جانعا جىلۋ بەرەتىن اقپار. وعان قوسا، تالاس اۋدانى كەيىنگى ونجىلدىقتىڭ بەدەرىندە ادام تانىماستاي وزگەرگەنى جاسىرىن ەمەس. ءبىر جىلدارى قاراتاۋ قالاسىنان ۇدەرە كوشكەن جۇرت بۇگىندە اتاقونىستارىنا ورالىپ، تىندىرىمدى تىرلىككە ۇيىتقى بولۋدا. ودان بولەك، «قازفوسفات» مينەرالدى تىڭايتقىشتار زاۋىتىنىڭ ءبىر بولىگى وسى ەلدى مەكەندە جاندانىپ، تالاي ادامدى جۇمىسپەن قامتىپ وتىر. سونداي-اق «تالاسينۆەستكومپانيي» جاۋاپكەرشىلىگى شەكتەۋلى سەرىكتەستىگى دە ەلىمىزدە بالاماسى جوق كاسىپورنىنا اينالىپ، التىن ءوندىرۋ سالاسىنداعى تەڭدەسسىز ءونىم شىعارىپ وتىر.

بۇنىڭ بارلىعى تالاستى تۇلەتىپ، تۇرعىنداردىڭ تۇرمىسىن تۇزەۋگە باعىتتالىپ جاتقان شارۋالار ەكەنى انىق.