جۇمىسسىزدىقپەن كۇرەس بۇگىندە مەملەكەت تاراپىنان قارقىندى جۇرگىزىلۋدە. ەل ساياساتىنىڭ نەگىزگى ۇستانىمى دا وسى. سوندىقتان بۇل باعىتتا جىلدا ءتۇرلى مەملەكەتتىك باعدارلامالار جاندانىپ، سالالىق ماماندارعا ناقتى تاپسىرمالار جۇكتەلۋدە. سونىڭ ناتيجەسىندە جىل ساناپ جۇمىسسىزدار سانى ازايىپ كەلەدى. بۇل ءۇردىس جامبىل جەرىندە دە كەڭ كورىنىس تابۋدا، دەپ جازادى Qamshy.kz اقپارات اگەنتتىگى. ماسەلەن تالاس اۋدانىندا حالىقتىڭ سانى 55045 ادامدى قۇراپ، قاراتاۋ قالاسىندا 30481 ادام، اۋىلدا 24564 ادام (2018 جىلى-55010)، جالپى حالىق سانى 35 ادامعا وسكەن.

حالىقتىڭ ورتاشا ايلىق جالاقىسى 114196 تەڭگەنى قۇراپ، 22،9 پايىزعا ارتقان (2018 جىلى-92868).

2019 جىلدىڭ 8 ايىندا از قامتىلعان وتباسىلارىنا كورسەتىلەتىن مەملەكەتتىك الەۋمەتتىك كومەككە جوسپارلانعان 668 ميلليون 902 مىڭ تەڭگە تولىعىمەن يگەرىلدى. سونىڭ ىشىندە مەملەكەتتىك اتاۋلى الەۋمەتتىك كومەككە 1516 وتباسىنداعى 7658 ادامعا 649 ميلليون 657 مىڭ تەڭگە، تۇرعىن ءۇي كومەگىنە 530 وتباسىنداعى 2453 ادامعا 13 ميلليون 320 مىڭ تەڭگە، ءبىرجولعى الەۋمەتتىك كومەك 81 ادامعا 5 ميلليون 925 مىڭ تەڭگە تاعايىندالىپ، تولىق تولەندى.

2019 جىلدىڭ 8 ايىندا جۇمىسپەن قامتۋ ورگانىنا جۇمىسسىز رەتىندە ءوتىنىش جاساعان 2241 ادامنىڭ جۇمىسپەن قامتىلعاندار سانى 1162 ادام.

2019 جىلى 198 ادامدى قىسقا مەرزىمدى كاسىپتىك وقىتۋ جانە قايتا دايارلاۋ كۋرسىمەن قامتاماسىز ەتۋ جوسپارلانىپ، وعان وبلىستىق بيۋدجەت ەسەبىنەن 37 ميلليون 715 مىڭ تەڭگە جوسپارلانعان. وقۋ كۋرستارىنا جوسپارلانعان 198 ادام تولىق جولدانىپ، 8 ايدىڭ ناتيجەسىمەن 29 ميلليون 407 مىڭ تەڭگە يگەرىلدى. وقۋدى 60 ادام اياقتاپ، ونىڭ 8ء-ى جۇمىسپەن قامتىلدى.

جالپى جۇمىسسىزدىقپەن كۇرەس – ەل دامۋىنا ۇلەس ەكەنى داۋسىز. وسىنى ءجىتى تۇسىنگەن سالا ماماندارى كۇندەلىكتى ءوتىنىش بىلدىرۋشىلەر مەن جاستارعا ەكى قولعا ءبىر كۇرەك تاۋىپ بەرۋگە تىرىسۋدا. كۇنى كەشە عانا جۇرت ۇدەرە كوشىپ، ءوندىرىس ورىندارى جابىلىپ، كەدەيشىلىك شىدام شەگىنەن شىعىپ، تۇرعىنداردىڭ تۇرمىسى قيىنداپ كەلەشەگى بۇلىنعىر كورىنگەي قاراتاۋ قالاسىنىڭ بويىنا قايتا قان جۇگىرىپ جاتقانى قۋانتادى. ەسەسىنە حالىقتىڭ سانى ارتسا، جاڭا جۇمىس ورىندارى دا كوپتەپ اشىلعانى ابزال. بۇل سەنىم ۇدەسىنەن بۇگىندە تالاستىقتار شىعىپ جاتقانى انىق. ەندەشە اۋداننىڭ ءاربىر ىسىنە تەك ساتتىلىك تىلەيمىز.