قازاقستان حالقى اسسامبلەياسى ۇيىمداستىرۋىمەن ەتنومادەني بىرلەستىكتەر اراسىندا «مادەنيەتتەر كالەيدوسكوبى» اتتى جامبىل جانە الماتى وبلىستارىنىڭ «جاڭعىرۋ جولى» جاستار قوزعالىسىنىڭ شتابى مۇشەلەرىنىڭ قاتىسۋىمەن ءوڭىرارالىق تۋر ءوتتى، دەپ جازادى Qamshy.kz اقپارات اگەنتتىگى. ەكى وبلىس جاستارىنىڭ كەزدەسۋ تۋرى ولاردىڭ بويىندا ءبىرتۇتاس ورتاق قۇندىلىقتاردى قالىپتاستىرۋدىڭ نەگىزى رەتىندە قازاق حالقىنىڭ تاريحىن، مادەنيەتىن، فيلوسوفياسىن، ەتنيكاسىن دارىپتەۋگە، سونداي-اق قازاقستان ەتنوستارىنىڭ اراسىندا «رۋحاني جاڭعىرۋ» باعدارلاماسىنىڭ جوبالارىن ىلگەرىلەتۋگە باعدارلانعان. كەزدەسۋدىڭ باسى جامبىل وبلىسى اكىمى اپپاراتىنىڭ «قوعامدىق كەلىسىم» كوممۋنالدىق مەملەكەتتىك مەكەمەسىنىڭ باسشىسى ۋبايدۋللايەۆا رانو ماحسۋد قىزى جانە الماتى وبلىستىق قازاقستان حالقى اسسامبلەياسى ءتوراعاسىنىڭ ورىنباسارى، حاتشىلىق مەڭگەرۋشىسى تۇرسىنباي عابيت تۇرسىنباي ۇلىنىڭ ىزگى تىلەكتەرىمەن باستالدى.

«قوعامدىق كەلىسىم» كمم باسشىسى رانو ماحسۋد قىزى: «ءبىزدىڭ كەلۋىمىزدىڭ ماقساتى - «رۋحاني جاڭعىرۋ» باعدارلاماسى اياسىندا جالپى قۇندىلىقتاردى قالىپتاستىرۋعا، قازاق ەلىنىڭ تاريحىن، مادەنيەتىن، ادەبيەتىن، وركەنيەتىن، دۇنيەتانىمىن قازاقستان حالقى اراسىندا ناسيحاتتاۋعا باعىتتالعان «قازاقتانۋ» جوباسىن جۇزەگە اسىرۋ. ءوڭىرارالىق تۋردىڭ نەگىزگى مىندەتىنىڭ ءوزى - ۇلتتىق مۇرانى نىعايتۋعا جانە قازاقستاندىق جاس بۋىندارعا مادەني-رۋحاني تاربيە بەرۋگە ىقپال ەتۋ بولاتىن. وسى تۇستا الماتى وبلىسىنىڭ تاريحى مەن مادەنيەتىن تانىستىرۋ ەكسكۋرسياسى جامبىلدىق جاستارعا رۋحاني سەرپىلىس ءارى شىعارماشىلىق الەۋەتىن اشادى دەگەن سەنىمدەمىن. وبلىستار اراسىنداعى وسىنداي بىرلەسكەن ءىس-شارالار ەتنومادەني بىرلەستىكتەردىڭ تاجىريبە الماسىپ، ەكى ءوڭىردىڭ جاستارى اراسىندا دوستىق قارىم-قاتىناس ورناتۋعا مۇمكىندىك بەرەدى» - دەدى ءوز سوزىندە.

سونداي-اق، كەزدەسۋ بارىسىندا جامبىل وبلىسىنىڭ «جانعىرۋ جولى» جاستار قوزعالىسىنىڭ اتقارعان جۇمىسى تۋرالى وڭىرلىك شتابتىڭ بەلسەندىسى الييەۆ حابيب ءسوز سويلەپ، جىل بويىنداعى جولعا قويىلعان جوسپارلاردىڭ جۇيەلى ناتەجيەلەرىمەن ءبولىسىپ، ەكى وبلىستىڭ جاستار قاناتى تاجىريبە الماستى. كەزدەسۋ كەزىندە ق ر پرەزيدەنتىنىڭ جولداۋى بويىنشا جامبىل وبلىسىنىڭ ەتنومادەني بىرلەستىكتەرىنىڭ مۇشەلەرى ليگوستايەۆ ارتۋر مەن پرياحينا رۋسالينا جانە الماتى وبلىسىنىڭ وزگە ەتنوس وكىلدەرى ءوزارا پىكىر الماسىپ، وي قوزعادى.

ءوڭىرارالىق كەزدەسۋدە جاستار تالدىقورعان قالاسىنداعى م. تىنىشپايەۆ اتىنداعى تاريحي-ولكەتانۋ جانە ءى. جانسۇگىروۆ اتىنداعى وبلىستىق ادەبيەت مۇراجايلارىمەن تانىستى. سونداي-اق، جامبىل وبلىسىنىڭ «جاڭعىرۋ جولى» جق شتابى مۇشەلەرى الماتىلىق اعايىنعا تارازدىقتاردىڭ ىستىق ىقىلاسىن جەتكىزۋ ءۇشىن مەرەكەلىك كونسەرت ۇيىمداستىردى. الماتى قالاسىنىڭ «جاڭعىرۋ جولى» جق وكىلدەرى جامبىلدىقتاردى الماتى وبلىسى، ۇشتوبە قالاسىنداعى «قازاق حالقىنا العىس!» اتاۋمەن دەپورتاسيالانعان ەتنوستاردىڭ ريزاشىلىعى رەتىندە سالىنعان ەسكەرتكىشپەن تانىستىردى. سان جىلدىق تاريحتان سىر شەرتەر ەسكەرتكىش جاستاردىڭ نازارىنا ەرەكشە ءىلىندى. سونىمەن قاتار، كەزدەسۋ كەزىندە جاستار الماتى وبلىسى، قاراتال اۋدانىنداعى كەمەل توقايەۆ اتىنداعى ساياباققا ساياحات تا جاساپ ۇلگەردى.

كەزدەسۋ سوڭىندا جاستار ءوڭىرارالىق تۋردان العان اسەرلەرىن ورتاعا سالدى.