مەملەكەت باسشىسى قاسىم-جومارت كەمەل ۇلى توقايەۆتىڭ العاشقى قازاقستان حالقىنا جولداۋى ەلىمىزدىڭ قوعامدىق-ساياسي، الەۋمەتتىك جاڭعىرۋىنىڭ جاڭا كەزەڭىنىڭ باستالعاندىعىنىڭ ايقىن كورىنىسى. جولداۋداعى باسىم باعىتتاردا بەرىلگەن تاپسىرمالاردى جۇزەگە اسىرۋ ماقساتىندا جانە زاماناۋي ءتيىمدى مەملەكەت قۇرۋ ءۇشىن بارلىعىمىز ازاماتتىق جاۋاپكەرشىلىكتى ارتتىرىپ، ەل يگىلىگى ءۇشىن بىرلەسە ەڭبەك ەتۋىمىز كەرەك. بۇل ورايدا پرەزيدەنت جولداۋدا ۇلت ساۋلىعى مەن سالاماتتى ءومىر سالتىن قالىپتاستىرۋ تۋرالى باسا ايتتى. ەندىگى كەزەكتە وسىناۋ مىندەتتى ءمىنسىز ورىنداۋ الدىمىزدا ماقساتى تۇر دەپ جازادى Qamshy.kz اقپارات اگەنتتىگى. جالپى جامبىل وبلىسى تالاس اۋدانىنداعى دەنە شىنىقتىرۋ جانە سپورت سالاسىنا توقتالساق، ەلدى مەكەندە 213 سپورت نىسانى بار. دەنە شىنىقتىرۋ جانە سپورتپەن جۇيەلى تۇردە 16 مىڭ 534 ادام شۇعىلدانادى، اۋدان تۇرعىندارىنىڭ 29،9 پايىزىن قۇرادى. 2018 جىلدىڭ ءتيىستى كەزەنىمەن سالىستىرعاندا 0،7 پايىزعا وسكەن.

2019 جىلى اۋداندىق بيۋدجەتتەن قاراتاۋ قالاسىنداعى بوكستان جانە سپورت ويىندارى تۇرلەرىنەن بالالار-جاسوسپىرىمدەر سپورت مەكتەبىنىڭ ستاديونىن اعىمداعى جوندەۋ جۇمىستارىنا 6 ميلليون 496 مىڭ تەڭگە ءبولىنىپ، جوندەۋ جۇمىستارى جۇرگىزىلۋدە. اقكول اۋىلىنداعى سپورت الاڭشاسىنىڭ اعىمداعى جوندەۋ جۇمىستارىنا 4 ميلليون 230 مىڭ تەڭگە ءبولىنىپ، كەلىسىم شارت جاساۋ جۇمىستارى جۇرگىزىلۋدە. سونداي-اق، بولتىرىك شەشەن اۋىلىنداعى سپورت الاڭشاسىنىڭ اعىمداعى جوندەۋ جۇمىستارىنا 3 ميلليون 500 مىڭ تەڭگە ءبولىنىپ، كونكۋرستىق كوميسسيانىڭ قاراۋىندا.

سونىمەن قاتار، اۋداندىق ايماقتىق «جول كارتاسى» ازىرلەنىپ 6 سپورت نىساندارىنىڭ قۇرىلىسى بەلگىلەندى. ولاردىڭ قۇرىلىسى تولىعىمەن دەمەۋشىلەر ەسەبىنەن قارجىلاندىرىلادى. ولار ءقىزىلاۋىت 2 نىسان، مايتوبە، ەسەيحان، تامدى، ءۇشارال اۋىلدارىندا ءبىر-بىر نىسان.

ەلباسىنىڭ «رۋحاني جاڭعىرۋ» مەملەكەتتىك باعدارلاماسىنىڭ ءبىر تارماعى تۋعان جەرگە تۋ تىگۋگە باعىتتالعانى بەلگىلى. ال تالاستىق جومارت جۇرەك دەمەۋشىلەردىڭ اۋىلدارعا سپورت نىساندارىن سالىپ بەرىپ، ەلدىڭ ەڭسەسىن تىكتەپ جاتقانى قۋانتادى. ال سونداي كاسىپكەرلەردىڭ ءتىلىن تاۋىپ، تىرلىگىنە ارالاستىرىپ وتىرعان جەرگىلىكتى بيلىكتىڭ دە جۇمىسى ماقتاۋعا تۇرارلىق. ەندەشە ىسكە ءسات دەيمىز. تالاستىقتاردىڭ سپورتتى جانىنا سەرىك ەتكەن حالىقتىڭ ۇلەس سالماعى وسە بەرگەي.