جامبىل وبلىسى اكىمىنىڭ ورىنباسارى سۇلۋشاش قۇرمانبەكوۆا ىسساپارمەن سارىسۋ اۋدانىندا بولدى دەپ جازادى Qamshy.kz اقپارات اگەنتتىگى.
سۇلۋشاش ساتبەك قىزى ساپارى كەزىندە ول اۋدان جۇرتشىلىعىمەن جۇزدەسىپ، الەۋمەتتىك نىسانداردىڭ تىنىس-تىرشىلىگىمەن تانىستى.
سۇلۋشاش ساتبەك قىزى جۇمىس ساپارىن جاڭاتالاپ اۋىلدىق وكرۋگىنە قاراستى ۇيىم اۋىلىنداعى ى.سۇلەيمەنوۆ اتىنداعى ورتا مەكتەبىندەگى سپورت زال قۇرىلىسىنىڭ جۇمىستارىمەن تانىسۋدان باستادى.
سونان سوڭ وبلىس اكىمىنىڭ ورىنباسارى ساۋداكەنت اۋىلىنداعى «اقبوتا» بوبەكجاي- باقشاسىنا سوعىپ، ونداعى بۇلدىرشىندەرگە جاسالعان جاعدايدى كوردى. بالاباقشا مەڭگەرۋشىسى عيماراتى 1972 جىلى پايدالانۋعا بەرىلگەندىگى مەن سىيىمدىلىعى 280 ورىندىقتى بالاباقشا ەكەندىگىن باسقا دا كەزەكتە تۇرعان بالالار سانى مەن قاجەتتىلىكتەرىن جەتكىزدى.
ال،ساۋداكەنت اۋىلىنداعى تەحنيكالىق شىعارماشىلىق ورتالىعىنا كەلگەندە سۇلۋشاش ساتبەك قىزى ونداعى وقۋشىلار قولىمەن جاسالعان روبوتتارمەن تانىسىپ، ولاردىڭ جۇمىس اتقارۋىن ىسكە قوسۋ ارقىلى تەكسەرىپ كورىپ، ءتانتى بولدى. مۇنداي تەحنيكالىق شىعارماشىلىق ورتالىقتىڭ جۇمىسىن باعالاۋ كەرەك دەپ كوڭىلى تولدى. اۋدان اكىمى قاناتبەك مادىبەك ءوز كەزەگىندە اتالمىش ۇجىمنىڭ ىسكەرلىگىن تىلگە تيەك ەتە كەلە، جەتىستىكتەرى اۋىز تولتىرىپ ايتارلىقتاي ەكەنىن ايتتى.
سونان سوڭ ايماق باسشىسىنىڭ ورىنباسارى اۋدان ورتالىعى جاڭاتاس قالاسىنداعى اۋداندىق مادەنيەت ۇيىندە ورنالاسقان «رۋحاني جاڭعىرۋ» جوبالىق ءوفيسىنىڭ جانە «كوۆوركينگ» ءبىلىم ورتالىعىنىڭ جۇمىستارىمەن دە تانىسىپ، زاماناۋي تەحنولوگيامەن جابدىقتالعاندىعىن، جۇمىس ناتيجەلى ەكەندىگىنە قۋاندى.
جاڭاتاس كوپسالالى كوللەدجىندە بىلىمگەرلەرمەن وتكەن كەزدەسۋدە سارىسۋلىق جاستار سۇلۋشاش ساتبەكقىزىنا ويلارىندا جۇرگەن ساۋالدارىن قويىپ، تۇشىمدى جاۋاپتار الدى. جاستار بويىنداعى ىنتا مەن جىگەرلەرىنە ريزا بولعان س.ساتبەك قىزى ەستەلىككە سۋرەتكە ءتۇسىپ، قاشاندا ۇسىنىس-پىكىرلەرىن تىڭداپ، قولداۋ كورسەتۋگە ءازىر ەكەندىگىن ايتتى.
كەلەسى كەزەكتە س. قۇرمانبەكوۆا اۋدانداعى «Nur Otan» پارتياسى فيليالىنىڭ عيماراتىندا ازاماتتاردى قابىلداپ، ساۋالدارىنا جاۋاپتار بەردى. وندا تۇرعىندار اۋىل-ايماقتارداعى شەشىمىن كۇتكەن الەۋمەتتىك ماسەلەلەردى العا تارتىپ، شەشۋ جولدارىن قاراستىرۋدى سۇرادى.
ساپار سوڭىندا سۇلۋشاش ساتبەك قىزى اۋدان اكىمدىگىنىڭ ءماجىلىس زالىندا اكتيۆ وتىرىسىن وتكىزدى. ءىسسپار بارىسىندا كورگەن-بىلگەنىن تولىق سارالاي كەلە، سۇلۋشاش ساتبەك قىزى ءبىرقاتار اتقارىلۋى ءتيىستى تاپسىرمالارعا دا توقتالدى.
پىكىر قالدىرۋ