جامبىل وبلىسىندا مال باسى ارتىپ، ءونىمى وسۋدە دەپ جازادى Qamshy.kz اقپارات اگەنتتىگى.

اۋىل شارۋاشىلى – حالىقتىڭ نەگىزگى تابىس كوزى، اۋليەاتا ءوڭىرىنىڭ اسىراۋشى سالاسى. ونى دامىتۋ ارقىلى ايماق ەكونوميكاسىن كوتەرىپ، تۇرعىندار تۇرمىسىنىڭ تىكتەلۋىنە جول اشا الامىز. مۇنى تالاستىقتار جەتە تۇسىنەدى. سوندىقتان، اتالمىش سالاداعى جۇمىس قارقىنىن جىل ساناپ ارتتىرىپ كەلەدى.

بۇعان دالەل – بيىل اۋداندا 6 ملرد. 608 ملن. 900 مىڭ تەڭگەنىڭ اۋىل شارۋاشىلىعى ءونىمى وندىرىلگەن. نەمەسە وتكەن جىلداعى كورسەتكىشتەن 498 ملن. 200 مىڭ تەڭگەگە ارتىپ وتىر.

–2018 جىلدىڭ 8 ايىمەن سالىستىرعاندا مال باسىنىڭ دا ارتقانى بايقالىپ وتىر. ماسەلەن، بيىل ءمۇيىزدى ءىرى قارا مالى 27 769 باستى قۇراپ، 3،7 پايىزعا، قوي-ەشكى 395 650 باستى قۇراپ، 3،2 پايىزعا، جىلقى 10 989 باستى قۇراپ، 4،1 پايىزعا، تۇيە 2 458 باستى قۇراپ 9،9 پايىزعا، ءۇي قۇستارى 34 633 باستى قۇراپ 8،3 پايىزعا ءوستى.

تيىسىنشە، ولاردان الىناتىن ءونىم كولەمى دە ارتىپ وتىر. اتاپ ايتقاندا، وتكەن جىلدىڭ ەسەپتى كەزەڭىمەن سالىستىرعاندا ەت 8 مىڭ 138،4 توننا قۇراپ، 2،9 پايىزعا، ءسۇت 6 مىڭ 360 توننا قۇراپ، 2،7 پايىزعا، جۇمىرتقا 1 ملن. 949 مىڭ دانا ءوندىرىلىپ، 0،4 پايىزعا، ءجۇن 289،7 توننا قۇراپ، 1،9 پايىزعا ارتىق ورىندالعان، – دەيدى اۋدان اكىمى د. الييەۆ.

بۇل ونىمدەر جەرگىلىكتى تۇتىنۋشىلاردى عانا قامتاماسىز ەتىپ قويماي، ەكسپورتقا جونەلتىلىپ جاتقانى دا بارشىلىق. مىسالى، 2019 جىلدىڭ 8 ايىندا «مەركى ەت كومبيناتى» جشس-نا 26،7 توننا قوزى ەتى وتكىزىلگەن. ءۇشارال اۋىلدىق وكرۋگىندەگى «ادەن» شارۋا قوجالىعى مال بورداقىلاپ، ءوزىنىڭ تاراز قالاسىنداعى كونسەرۆى وڭدەۋ سەحىندا قوي، سيىر، جىلقى جانە تۇيە ەتىن كونسەرۆلەپ وتكىزۋدە.

– سول سياقتى، «اقباس» جانە «ىنتىماق» شارۋا قوجالىقتارى 500 باستىق جانە 1000 باستىق مال بورداقىلاۋ الاندار سالۋدا. 2020 جىلدان باستاپ مالدى بورداقىلاۋ جوسپارلانۋدا.

2019 جىلدىڭ 8 ايىندا «سىباعا» باعدارلاماسى بويىنشا ءقىزىلاۋىت اۋىلدىق وكرۋگىندەگى «ىنتىماق» «كاۋسار» شارۋا قوجالىقتارى شەتەلدەن 114 باس ەتتى-سۇتتى باعىتىنداعى «Cيممەنتال» تۇقىمدى ءمۇيىزدى ءىرى قارانىڭ انالىق باسىن اكەلدى. سونىمەن قاتار، «قازىنا» جانە «نايزا-قىزىل» شارۋا قوجالىقتارى شەت ەلدەن 100 باس ەتتى-سۇتتى باعىتىنداعى ءىرى قارا مالىن اكەلۋ جوسپارلانۋدا.

قاراتاۋ قالاسىندا تاۋلىگىنە 2 توننا ءسۇت ونىمدەرىن وندىرەتىن سەحتى اشۋ ماقساتىندا جەكە كاسىپكەر «سەرجانوۆ» تاراپىنان جۇمىستار جاسالۋدا. جوبانىڭ قۇنى 28 ملن. تەڭگەنى قۇرايدى. قازىرگى تاڭدا نەسيە الۋ باعىتىندا جۇمىستار جۇرگىزىلۋدە. ءقىزىلاۋىت اۋىلىنداعى «كاۋسار» شارۋا قوجالىعى ءوز قارجىسىنا 200 باسقا ارنالعان تاۋارلى ءسۇت فەرماسىن سالىپ جاتىر.

بوستاندىق اۋىلىنداعى «ءتاجىباي» اۋىل شارۋاشىلىق وندىرىستىك كووپەراتيۆى بيىلعى جىلى «اۋىل شارۋاشىلىعى قولداۋ قورى» اق ارقىلى نەسيەگە ءسۇت جينايتىن تانكەر جانە ءسۇت تاسيتىن اۆتوماشينا الىپ، ءسۇت ونىمدەرىن قايتا وڭدەۋ باعىتىندا جۇمىستارىن جوسپارلاۋدا، – دەيدى دوسماحانبەت قاسىم ۇلى.