تالاس اۋدانىندا بارلىعى 23 ەلدى مەكەن مەن 1 قالا بار. اۋدان اكىمى دوسماحانبەت الييەۆتىڭ ايتۋى بويىنشا، بۇگىنگى تاڭدا ولاردى گازداردىرۋ جانە اۋىز سۋمەن قامتۋ جۇمىستارى قارقىندى جۇرۋدە دەپ جازادى Qamshy.kz اقپارات اگەنتتىگى.

– قازىرگى تاڭدا قاراتاۋ قالاسى مەن 14 اۋىلدىق ەلدى مەكەنىنە گاز قۇبىرى تارتىلعان. جالپى العاندا، ەلدى مەكەندەردىڭ 62،5 پايىزى گازداندىرىلعان.

جالپى گاز قۇبىرى تارتىلعان 14 ەلدى مەكەننىڭ 9 ەلدى مەكەندەگى 1563 ءۇيدىڭ گازعا قوسىلعانى 1554 ءۇي، ياعني 97 پايىزدى قۇرايدى.

بۇدان بولەك، تالاس اۋدانىنىڭ 5 ەلدى مەكەنى – بولتىرىك شەشەن، كوشەك باتىر، ءۇشارال، ارال جانە قايىرعا تاراتىلاتىن گاز قۇبىرىن سالۋعا 2018 جىلى 2 ملرد. 344 ملن. 588 مىڭ تەڭگە بولىنگەن، 2019 جىلى 220 ملن. 840 مىڭ تەڭگە ءبولىنىپ، جۇمىستار اياقتالدى. اتالعان ەلدى مەكەندەردە ىشكى گاز تاراتۋ جەلىسىنىڭ قۇرىلىسىنا وبلىستىق بيۋدجەتتەن 100 ملن. تەڭگە ءبولىنىپ، قۇرىلىس-مونتاج جۇمىستارى جۇرگىزىلۋدە. سونىمەن قاتار، اقكول، ءقىزىلاۋىت جانە اقتوبە ەلدى مەكەنىنە گاز قۇبىرىن جەتكىزۋ جسق ازىرلەنىپ، مەملەكەتتىك ساراپتامادان وتكىزىلدى. جوبانىڭ قۇنى 3 ملرد. 221 ملن. 700 مىڭ تەڭگەنى قۇرايدى. بۇگىنگى تاڭدا وبلىستىق ەنەرگەتيكا باسكارماسى ارقىلى ەنەرگەتيكا مينيسترلىگىنە بيۋدجەتتىك ءوتىنىم بەرىلگەن، – دەيدى اۋدان اكىمى.

سونداي-اق، مەملەكەتتىك باعدارلامالار بويىنشا اۋدانداعى 23 اۋىلدىق ەلدى مەكەننىڭ بۇگىنگى كۇنى 13ء-ى نەمەسە 18 793 ادام اۋىز سۋ جۇيەسىنە قوسىلعان. سول سياقتى قاراتاۋ قالاسى اۋىز سۋ جۇيەسىنە 100 پايىز قوسىلعان.

12 ەلدى مەكەندەگى 20632 ادامنىڭ 16760 ادامى اۋىز سۋمەن قامتىلعان. جالپى 23 ەلدى مەكەندەگى 25018 ادامنىڭ 16760 ادامى قامتىلىپ وتىر.

ەسەيحان اۋىلىندا سۋ قۇبىرى جۇيەسىنىڭ قۇرىلىسىنا 2018 جىلعا 302 ملن. 201 مىڭ تەڭگە بولىنگەن، 2019 جىلى جۇمىستاردى اياقتاۋعا 303 ملن. 359 مىڭ تەڭگە ءبولىنىپ، جۇمىستار جۇرگىزىلۋدە. سمەتالىق قۇنى 620 ملن. 857 مىڭ تەڭگە. سونىمەن قاتار، قاسقابۇلاق اۋىلىنداعى سۋ جۇيەسىنىڭ قۇرىلىسىنا 767 ملن. 178 مىڭ تەڭگە ءبولىنىپ، جۇمىستار جۇرگىزىلۋدە. مەردىگەر «Fortis» ج ش س. بۇدان بولەك، مايتوبە اۋىلى سۋ جۇيەسىنىڭ قۇرىلىسىنا 111 ملن. 111 مىڭ تەڭگە ءبولىنىپ، جۇمىستار جۇرگىزىلۋدە. جوبا قۇنى 336 ملن. 707 مىڭ تەڭگە.

– قاراتاۋ قالاسىنداعى نىساندارعا اۋىز سۋدىڭ سەرۆيستىك جۇيەنىڭ قالپىنا كەلتىرۋ نىسانىنىڭ قۇرىلىس جۇمىستارىنا اۋداندىق بيۋدجەتتەن 62 ملن. 892 مىڭ تەڭگە ءبولىنىپ، جۇمىستار اياقتالدى.

قاراتاۋ قالاسىنىڭ سۋ جۇيەسىندە ەكى پروبلەمالىق نىساندار بويىنشا جوبالىق-سمەتالىق قۇجاتتار دايىندالىپ، مەملەكەتتىك ساراپتامادان ءوتتى. كوكتال سۋ قويماسىنان شىعاتىن 32 شاقىرىمدى قۇرايتىن سۋ قۇبىرى جانە «كيرپيچنىي» سۋ قويماسىنان «يگىلىك» كاسىپورنىنىڭ جىلۋ قازاندىعىنا

دەيىن 4،6 شاقىرىمدى قۇرايتىن سۋ قۇبىرى. جالپى جوبالاردىڭ قۇنى 3 ملرد. 420 ملن. 19 مىڭ تەڭگەنى قۇراۋدا.

1963 جىلى پايدالانۋعا بەرىلگەن كوكتال سۋ قويماسىنان شىعاتىن 32 شاقىرىمدى قۇرايتىن سۋ قۇبىرىنىڭ توزىعى جەتكەن. بۇل بويىنشا وبلىستىق بيۋدجەتتەن 11 ملن 609 مىڭ. تەڭگە ءبولىنىپ، جسق جاسالىندى، جوبا قۇنى 2 ملرد. 848 ملن.300 مىڭ تەڭگە.

قاراتاۋ قالاسىنىڭ ورتالىق جىلۋ قازاندىعىنا جىلىتۋ ماۋسىمىندا سۋ الاتىن «كيرپيچنىي» سۋ قويماسىنان «يگىلىك» كمك-نىڭ جىلۋ قازاندىعىنا دەيىن 4،6 شاقىرىمدى قۇرايتىن سۋ قۇبىرىنىڭ توزىعى جەتكەن. اتالعان سۋ قۇبىرى 1984 جىلى پايدالانۋعا بەرىلگەن. سول سەبەپتى رەزەرۆتى سۋ قۇبىرىن تارتۋ ءۇشىن وبلىستىق بيۋدجەتتەن 11 ملن. 365 مىڭ تەڭگە ءبولىنىپ، جسق جاسالىندى. جالپى جوبانىڭ قۇنى 571 ملن. 719 مىڭ تەڭگە، – دەيدى دوسماحانبەت قاسىم ۇلى.