تالاستىق ديقاندار جەر-انانىڭ جومارتتىعىن جاقسى تۇسىنەدى. سول سەبەپتى، مۇمكىندىگىنشە كەڭ القاپقا ءدان سەۋىپ، مول ءونىم الۋعا ۇمتىلىپ تۇرادى. «ديقان جەرگە تويماس» دەگەن وسى بولسا كەرەك دەپ جازادى Qamshy.kz اقپارات اگەنتتىگى.

جالپى، 2019 جىلدىڭ ءونىمى ءۇشىن تالاس اۋدانىندا بارلىعى 12 171 گەكتار القاپقا اۋىلشارۋاشىلىعى داقىلدارىن ورنالاستىرۋ جانە 1 600 گەكتار پار دايىنداۋ جوسپارلانعان. ونىڭ ىشىندە، كۇزدىك بيداي 4 000 گەكتار جانە بۇرىنعى جىلدارداعى كوپجىلدىق ءشوپ 4 221 گەكتاردى قۇرايدى. كوكتەم ايلارىندا 3950 گەكتار القاپقا جازدىق اۋىل شارۋاشىلىعى داقىلدارىن ەگۋ جوسپارلانىپ، 3286 گەكتارعا اۋىلشارۋاشىلىعى داقىلدارى ورنالاستىرىلعان. ونىڭ ىشىندە، 1310 گەكتار جازدىق ارپا، 380 گەكتار داندىك جۇگەرى، 600 گەكتار ماقسارى، 100 گەكتار كۇنباعىس، 130 گەكتار كارتوپ، 320 گەكتار باقشا، 230 گەكتار كوكونىس بار. وسى تۇستا ايتا كەتەتىن جاي، 2019 جىلدىڭ ءونىمى ءۇشىن جوسپارلانعان 3200 گەكتار كۇزدىك بيدايدىڭ ورنىنا 4000 گەكتار جەرگە كۇزدىك بيداي ارتىعىمەن ەگىلدى.

اعىمداعى جىلى اقكول اۋىلدىق وكرۋگىندەگى «بەكەن» شارۋا قوجالىعىندا 130 گەكتار قانت قىزىلشاسى، 50 گەكتار كارتوپ، 30 گەكتار پياز، 20 گەكتار ءسابىز ەگىلگەن القاپقا تامشىلاتىپ سۋارۋ تەحنولوگياسىن ەنگىزىپ وتىر.

تامدى اۋىلدىق وكرۋگىندە ورنالاسقان «تامدى» تەمىر بەتون جۇيەسىن اعىمداعى جوندەۋ جۇمىستارىنا وبلىستىق بيۋدجەتتەن 35 ملن. تەڭگە ءبولىندى. تەمىر بەتون لوتوكتارىن قايتا قالپىنا كەلتىرگەن جاعدايدا 1200 گەكتار القاپتى تولىعىمەن جانە ۋاقىتىلى سۋمەن قامتۋعا بولادى

– جالپى، جوبانىڭ قۇنى 70 ميلليون تەڭگەنى قۇرايدى. قازىرگى تاڭدا مەملەكەتتىك ساتىپ الۋ جۇمىستارى جۇرگىزىلۋدە، مەردىگەر قىركۇيەك ايىندا انىقتالادى. «تامدى» سۋ جۇيەسى ءماسسيۆىن مەحانيكالىق وترياد ارقىلى قايتا قالپىنا كەلتىرۋ ۇسىنىلدى. بۇل ماسسيۆ «تامدى» - 2،14 ملن. تەكشە مەتر، «جارتاس» - 5،05 ملن. تەكشە مەتر، «مىڭشۇقىر» - 7،0 ملن. تەكشە مەتر سۋ قويمالارىنان سۋ جەتكىزىلەدى. لوتوك جۇيەسىنىڭ ماگيسترالدى لوتوكتارىنىڭ ۇزىندىعى 6،1 كم، سۋارىلاتىن القاپ 1200 گەكتار، – دەيدى اۋدان اكىمى د. الييەۆ.

جالپى، تالاس اۋدانىنىڭ جەر كولەمى 1 ملن. 220 مىڭ 562 گەكتاردى قۇرايدى. ونىڭ ىشىندە ەگىستىك جەرلەر 21 مىڭ 439 گەكتار، شابىندىق 22 مىڭ 785 گەكتار، جايىلىمدىق 414 مىڭ 450 گەكتار.

2019 جىلدىڭ ناۋرىز ايىندا 1 كونكۋرس وتكىزىلىپ 21 جەر ۋچاسكەسى، جەر كولەمى 9 667 گەكتار، ونىڭ ىشىندە 123،3 گەكتار سۋارمالى ەگىستىك، 9543،7 گەكتار جايىلىم جەر كونكۋرس ارقىلى بەرىلدى جانە ەسەپتى مەرزىمدە 2 اۋكسيون وتكىزىلىپ 2،1 گەكتار جەر ۋچاسكەسى اۋكسيونعا بەرىلىپ، جەرگىلىكتى بيۋدجەتكە تۇسەتىن قارجى 17 ملن. 239 مىڭ تەڭگەنى قۇرادى.