تالاس اۋدانىندا تۇرعىنداردىڭ تۇرمىستىق تابىسىن جاقسارتۋ ماقساتىندا «ءۇي ىرگەسىندەگى جەرلەردى ءتيىمدى پايدالانۋ»، «مال شارۋاشىلىعىن دامىتۋ»، «اۋىل سىرتىنداعى جەرلەردىڭ تيىمدىلىگىن ارتتىرۋ»، «كووپەراتيۆتەر قۇرۋ» جانە «شاعىن كاسىپكەرلىك جوبالاردى قولداۋ» جوبالارى جۇزەگە اسۋدا. حالىقتىڭ ءومىر ساپاسىن جاقسارتۋعا باعىتتالعان بۇل 5 باعىت بويىنشا اۋداندا 4 ملرد. 415 ملن. تەڭگە قۇرايتىن 1647 جوبا ازىرلەنگەن دەپ جازادى Qamshy.kz اقپارات اگەنتتىگى.
– بيىلعى جىلعا ءۇشارال اۋىلدىق وكرۋگى پيلوتتىق جوباعا ەنىپ، 626 ملن. تەڭگەگە 261 جوباعا جەڭىلدەتىلگەن نەسيەلەر الۋعا جۇمىستار اتقارىلۋدا.
جوبانى جۇزەگە اسىرۋ ماقساتىندا قۇرىلعان جۇمىس توبى تاراپىنان 17 قىركۇيەككە دەيىن وكرۋگتەگى 232 ءۇيدىڭ قۇجاتتارى تەكسەرىلدى. ولاردى تۇزەتۋگە قاتىستى ءتيىستى مەكەمەلەردىڭ ماماندارى جەرگىلىكتى جەردە جۇمىس جۇرگىزىپ جاتىر.
2019 جىلعى 17 قىركۇيەككە «تاراز» الەۋمەتتىك-كاسىپكەرلىك كورپوراسياسىنا بارلىعى 19 قۇجات توپتاماسى تاپسىرىلدى. بۇل ماقساتتاعى جۇمىستار ءتيىستى مەكەمەلەردىڭ قاتىسۋىمەن تۇراقتى جۇرگىزىلۋدە.
بۇدان بولەك، كووپەراتيۆ قۇرۋ، جابدىقتاۋ بويىنشا 227 ميلليون 375 مىڭ 239 تەڭگەگە «تالاس-2020» اۋىلشارۋاشىلىق كووپەراتيۆى قۇرىلدى، – دەيدى اۋدان اكىمى دوسماحانبەت الييەۆ.
اۋداندا، بۇدان بولەك، ينۆەستيسيالاردى تارتۋ باعىتىندا دا بىرنەشە جوبالار جۇزەگە اسىرىپ جاتىر. اتاپ ايتقاندا، قۇنى 3،7 ملرد. تەڭگەنى قۇرايتىن، قۋاتتىلىعى 9،0 مۆت بولاتىن جەل ەلەكتر ەنەرگياسىن ءوندىرۋ ماقساتىندا «ۆيند پاۋەر سيتي» جانە «ۆيند ەلەكتريسيتي» ءجشس-نىڭ قۇرىلىس-مونتاج جۇمىستارى جۇرگىزىلۋدە. «امانگەلدى گاز» ءجشس-نىڭ «قايراقتى» كەن ورنىندا قوسىمشا ۇڭعىمالار ىسكە قوسىلدى.
– سونداي-اق، «ۋربان سولار ساس» فرانسيالىق كومپانياسى تاراپىنان قۋاتتىلىعى 50 مۆت كۇن ەلەكتر ستانسياسىن سوعۋ ماقساتىندا 150 گەكتار جەر ءبولۋ تۋرالى سۇرانىس ءتۇسىپ وتىر. قازىرگى تاڭدا جەر قاراستىرۋ جۇمىستارى جۇرگىزىلۋدە.
«تالاس ينۆەستمەنت كومپاني» جاۋاپكەرشىلىگى شەكتەۋلى سەرىكتەستىگى سيانيد-ناتريي ءونىمىن جىلىنا قۋاتتىلىعى 15 مىڭ توننادان 30 مىڭ تونناعا ارتتىرۋ ماقساتىندا قوسىمشا زاۋىتتىڭ قۇرىلىسى سوعىلاتىن بولادى. جوبا قۇنى 18 ملرد. تەڭگە.
سونىمەن قاتار، اۋداندا 64 تاريحي مادەني ەسكەرتكىشتەرىمىز بار، الداعى ۋاقىتتا وسى مۇمكىندىكتەردى پايدالانا وتىرىپ، ىشكى جانە سىرتقى ءتۋريزمدى دامىتۋ بويىنشا جۇمىستار جۇرگىزىلەتىن بولادى. جۇمىستاردى ىسكە اسىرعان جاعدايدا قوناق ءۇي، مەيرامحانالار جانە وزگە دە سەرۆيستىك قىزمەت
كورسەتۋمەن اينالىساتىن جەرگىلىكتى كاسىپكەرلەر جۇمىسپەن قامتىلادى، – دەيدى اۋدان باسشىسى.
پىكىر قالدىرۋ