جامبىل وبلىسىندا كىتاپحاناشىسى جوق كىتاپحانالار جەلىسى دامۋ ۇستىندە دەپ جازادى Qamshy.kz اقپارات اگەنتتىگى.

اشىقتىق ءپريسيپىنىڭ نەگىزگى قاعيدالارىنا ساي ستۋدەنتتەر مەن جالپى وقىرمانداردىڭ پاراساتتىلىعىنا سەنىم ارتاتىن ەرەكشە جوبا بۇعان دەيىن شوقان ءۋاليحانوۆ اتىنداعى وبلىستىق عىلىمي-امبەباپ كىتاپحاناسىندا قولعا الىنسا، جاقىندا عانا تاراز مەملەكەتتىك پەداگوگيكالىق ۋنيۆەرسيتەتى ستۋدەنتتەرىنە «ادال كىتاپحانانى» كادەگە جاراتۋ مۇمكىندىگى بەرىلدى، دەپ جازادى Qamshy.kz اقپاراتتىق اگەنتتىگى.

بۇل كىتاپحانالاردىڭ باستى ەرەكشەلىگى مۇندا وقىرماندارعا وزدەرىنە وزدەرى قىزمەت كورسەتەدى. قالاۋى تۇسكەن كىتاپتى قولىنا العان وقىرمان ءوزىنىڭ كىتاپتى العانىن راستايتىن قۇجاتتى دا ءوز قولىمەن تولتىرادى. وندا ءتىپتى كىتاپتى كەرى قايتارۋ كۇنى دە ناقتى كورسەتىلەدى. بۇل جوبا «جامبىل ادالدىق الاڭى» نەگىزىندە جۇزەگە اسىرىلىپ وتىر. ادىلەتتى قوعام قۇرۋدىڭ العىشارتى سانالاتىن كىتاپحان جۇمىسى وقىرمانداردىڭ ادالدىعى مەن پاراساتتىلىعىنا زور سەنىم ارتادى.

–ارينە كۇندەلىكتى وقۋ پروسەسىنە قاجەتتى قاراپايىم كىتاپحانادان الىپ وقۋ ستۋدەنتتەر ءۇشىن قالىپتى جاعداي. سونىڭ وزىندە ولار كىتاپتى بەلگىلى ءبىر ۋاقىتتا كەرى قايتارۋ جاۋاپكەرشىلىگىن موينىنا الادى. ال «ادال كىتاپحاناعا» باس سۇققان وقىرماننىڭ بۇل جاۋاپكەرشىلىگى ەكى ەسەلەنە تۇسەدى.وسى ءبىر داعدىلار ارقىلى ءبىز جاستاردىڭ اسا كۇردەلى ماسەلەلەردى شەشۋدە ادالدىق پەن پاراساتتىلىققا يەك ارتۋىنا ۇندەيمىز، –دەيدى قازاقستان رەسپۋبليكاسى سىبايلاس جەمقورلىقا قارسى ءىس قيمىل اگەنتتىگى وبلىس بويىنشا دەپارتامەنت باسشىسىنىڭ ورىنباسارى راۆيل تولەبايەۆ.

وڭىردەگى ۇستازدار ۇستاحاناسى اتانعان وقۋ ورداسىندا جۇمىسىن باستاعان «ادال كىتاپحانا» اتالعان جوبا قولعا الىنعاننان بەرگى ارالىقتاعى ەكىنشى «ەرەكشە كىتاپحانا»سانالادى. بۇعان دەيىن بۇل جوبا اياسىندا وقىرماننىڭ ادالدىعى مەن پاراساتتىلىعىنا سەنىم ارتقان ورتالىقتىڭ شوقان ءۋاليحانوۆ اتىنداعى وبلىستىق امبەباپ عىلىمي كىتاپحاناسىندا اشىلعان بولاتىن. بۇل كىتاپحانالاردىڭ نەگىزگى اۋديتورياسىن جاسى 15-تەن اسقان جانە زەينەت جاسىنا دەيىنگى كەز كەلگەن وبلىس تۇرعىنى قۇرايدى. الداعى ۋاقىتتا وڭىردە ءدال وسىندا 7 كىتاپحانا اشىلاتىن بولادى. جامبىل-ادالدىق الاڭى» جوباسى اياسىندا تاراز مەملەكەتتىك پەداگوگيكالىق ۋنيۆەرسيتەتىندە اشىلعان «ادال كىتاپحاناسىندا» وقىرماندارى ءوز قالاۋىنداعى كىتاپتى وقىپ قانا قويماي جەكە، ەركىن جانە توپتىق جۇمىستاردى جاسايتىن ورىنداردى كادەسىنە جاراتا الادى. سونداي-اق دارىستەردەن تىس ۋاقىتتا شاحمات، دويبى ويناۋعا دا بولادى. پەداگوگ-عالىمدار دا بۇل كىتاپحانالاردان ستۋدەنتتەر وزىنە قاجەتتى وقۋ قۇرالدارىن ءوزى تاڭداپ، تاۋىپ الۋى ىزدەنىمپازدىعىن نىعايتا تۇسەتىندىگىنە سەنىم ءبىلدىردى.