ەلباسى-قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ ازاتتىقتىڭ العاشقى جىلدارىنان ءبىلىم سالاسىن دامىتۋ ماسەلەسىنە ايرىقشا نازار اۋدارىپ، بۇل باعىتتا باياندى باعدارلامالاردىڭ قابىلدانۋىنا، كەشەندى شارالاردىڭ قولعا الىنۋىنا ىقپال ەتىپ كەلەدى. مەملەكەت باسشىسى قاسىم-جومارت توقايەۆ تا ۇرپاق تاربيەسىنە جان-جاقتى كوڭىل ءبولىپ، ۇكىمەتكە ناقتى تاپسىرمالار بەرۋدە. پرەزيدەنت «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا دا سالاعا سەرپىلىس سىيلايتىن قاداۋ-قاداۋ مىندەتتەردى ايقىندادى.

قازىرگى تاڭدا قورداي اۋدانىندا بۇل باعىتتا جەمىستى جۇمىستار جۇزەگە اسۋدا. 2019 جىلدىڭ 1-قازانىنداعى مالىمەت بويىنشا اۋدان بيۋدجەتى ەسەبىنەن قارجىلاندىرىلاتىن 48 مەكتەپتە 30462 وقۋشى جانە 9 مەكتەپتەن تىس مەكەمەدە 6507 بالا ءبىلىم الۋدا. 21 مەملەكەتتىك بالاباقشادا 2764، 40 جەكەمەنشىك بالاباقشادا 3955، 7 شاعىن ورتالىقتا 340، 2 جەكەمەنشىك شاعىن ورتالىقتا 215، بارلىعى 7474 ءبۇلدىرشىن مەكتەپكە دەيىنگى تاربيەمەن قامتىلعان.

اۋدان بويىنشا مەكتەپكە دەيىنگى تاربيەمەن قامتىلعان بالالار ۇلەسى 1-6 جاس ارالىعىندا 92 پايىزدى، 3-6 جاس ارالىعىندا 100 پايىزدى قۇراپ وتىر.

«مەكتەپكە دەيىنگى ءبىلىم بەرۋ ۇيىمدارىندا مەملەكەتتىك ءبىلىم بەرۋ تاپسىرىسىن ىسكە اسىرۋ» باعدارلاماسى جەلىسىندە 2019 جىلى 525 ورىنعا 6 جەكەمەنشىك بالاباقشا مەن قوسىمشا توپتار اشىلدى.

سونىمەن قاتار 2019 جىلى 14،5 ميلليون تەڭگەگە 2 فيزيكا كابينەتى، 30،3 ميلليون تەڭگەگە وتار جانە ماسانچي اۋىلدارىندا 4 IT سىنىپ جانە 54،6 ميلليون تەڭگەگە 10 جيىنتىق روبوتوتەحنيكا كابينەتتەرى (№7،9،14،18،24،31،35،27،34،47 مەكتەپتەردە) ساتىپ الىندى.

بەكىتىلگەن مەجەگە سايكەس، مەكتەپتەردە وقۋ كابينەتتەرىن ينتەراكتيۆتى قۇرىلعىلارمەن قامتاماسىز ەتۋ ۇلەسى 100 پايىزعا جوسپارلانىپ، ناقتى 87،2 پايىزدى قۇرادى. ينديكاتوردى ورىنداۋ ءۇشىن جالپى 179،5 ميلليون تەڭگەگە 359 دانا ينتەراكتيۆتى قۇرىلعىلار ساتىپ الىندى. ءبىراق ينديكاتوردى تولىق ورىنداۋ ءۇشىن 171 دانا كومپيۋتەر قاجەت. جالپى كەرەكتى سوماسى 85،5 ميلليون تەڭگە. ءقازىر وسى باعىتتا قارجى قاراستىرۋ جۇمىستارى جۇرگىزىلۋدە.

ايتا كەتۋ كەرەك، قورداي اۋدانىندا ءبىلىم بەرۋ مەكەمەلەرىنىڭ ماتەريالدىق-تەحنيكالىق بازاسىن جاقسارتۋعا باسا كوڭىل ءبولىنىپ كەلەدى. بيىلدىڭ وزىندە اۋدانداعى 3 مەكتەپتەرگە جالپى 392،6 ميلليون تەڭگەگە كۇردەلى جوندەۋ جۇمىستارى جۇرگىزىلگەن. ناقتىراق ايتقاندا №4 بولتريكرۆا اتىنداعى ورتا مەكتەبىنە 136،5 ميلليون تەڭگە، №32 ماياكوۆسكيي اتىنداعى ورتا مەكتەبىنە 79،6 ميلليون تەڭگە، №14 قاراكەمەر اۋىلىنداعى مەكتەپكە 176،5 ميلليون تەڭگە ءبولىنىپ، ماقساتتى يگەرىلدى.