ادىلەتتى سالىق سالۋ جۇيەسى جانە ءتيىمدى قارجىلىق رەتتەۋ-مەملەكەت باسشىسى قاسىم-جومارت توقايەۆتىڭ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا ايقىندالعان باستى باعىتتىڭ ءبىرى. بۇل تۇرعىدا پرەزيدەنت: «جالپى ىشكى ءونىم مەن حالىق تابىسىنىڭ ارتۋىنا قاراماستان، قوعامداعى مۇلىكتىك جىكتەلۋ ۇدەرىسى ساقتالىپ وتىر، ءتىپتى كۇشەيىپ بارادى.

بۇل – الاڭداتارلىق فاكتور. سوندىقتان وعان ەرەكشە نازار اۋدارۋ كەرەك. ۇلتتىق تابىستىڭ ءادىل بولىنۋىنە باسا ءمان بەرە وتىرىپ، سالىق جۇيەسىن جاڭعىرتۋ قاجەت دەپ سانايمىن» دەپ اتاپ كورسەتىپ، ۇكىمەتكە ناقتى مىندەتتەر جۇكتەدى.

جامبىل وبلىسىنداعى قورداي اۋدانىندا مەملەكەتتىك بيۋدجەتكە تۇسەتىن سالىقتىق جانە باسقا دا مىندەتتى تولەمدەر بويىنشا جالپى سالىق ءتۇسىمى 4131،9 ميلليون تەڭگەگە جوسپارلانسا، ناقتى ورىندالعانى 4820،4 ميلليون تەڭگەنى قۇراپ وتىر. ياعني جوسپار 688،5 ميلليون تەڭگەگە ارتىق ورىندالىپ، 116،7 پايىزدى مەجەلەدى.

2019 جىلعا قورداي اۋدانىنىڭ ناقتىلانعان جالپى بيۋدجەتىنىڭ كىرىس كولەمى 21 267 929،0 مىڭ تەڭگەنى قۇراعان. ونىڭ ىشىندە اۋداندىق بيۋدجەت 20 679 382 مىڭ تەڭگە بولسا، اۋىلدىق بيۋدجەت 2393050،0 مىڭ تەڭگە كولەمىندە. ال اۋداندىق بيۋدجەتتىڭ شىعىس بولىگى 21 563 216 مىڭ تەڭگەنى قۇراعان.

سونىمەن قاتار بيىلعا اۋداندىق بيۋدجەتتىڭ كىرىس بولىگى 16 613 168 مىڭ تەڭگەگە بەكىتىلگەن. دەگەنمەن 2019 جىلدىڭ ناقتىلانعان بيۋدجەتىمەن سالىستىرعاندا سوما 4 066 214 مىڭ تەڭگەگە ۇلعايىپ، 20 679 382 مىڭ تەڭگەنى قۇرايدى.

2019 جىلعا اۋداندىق بيۋدجەتتىڭ بەكىتىلگەن وزىندىك كىرىستەرىنىڭ جوسپارى 2 255 173 مىڭ تەڭگە جىل باسىنان بەكىتىلگەن جوسپاردان 41 500 مىڭ تەڭگەگە ۇلعايىپ، 2 296 673،0 مىڭ تەڭگەنى قۇرادى.

اۋداندىق بيۋدجەتتىڭ بەكىتىلگەن شىعىس بولىگى 16 613 168 مىڭ تەڭگە ناقتىلانعان بيۋدجەتىمەن سالىستىرعاندا 4 341 527 مىڭ تەڭگەگە ۇلعايىپ، 20 954 695 مىڭ تەڭگەنى قۇرادى.

حالىق سانى 2 000-نان اساتىن 16 اۋىلدىق وكرۋگتەردىڭ 2019 جىلعا بەكىتىلگەن بيۋدجەتى 1 954 408 مىڭ تەڭگە بولسا، ناقتىلانعان بيۋدجەت 2 393 050 مىڭ تەڭگەنى قۇراعان. ال 2019 جىلعا اۋىلدىق وكرۋگتەردىڭ شىعىس كولەمى 2 485 927 مىڭ تەڭگە كولەمىندە قالىپتاسىپ وتىر.

جالپى، بۇگىندە اۋدان بيۋدجەتىنىڭ شىعىس بولىگى جوسپارداعى 13029،3 ميلليون تەڭگەنىڭ 12941،0 ميلليون تەڭگەسى نەمەسە 99،2 پايىزعا يگەرىلدى. بەكىتىلگەن مەجەدەگى ينديكاتور 98 پايىزعا جوسپرالانىپ، ناقتى ورىندالۋى 1،2 پايىزعا ارتقان. ال اۋىلدىق وكرۋگتەر بيۋدجەتىنىڭ شىعىس بولىگى جوسپارداعى 1608،6 ميلليون تەڭگەنىڭ 1593،8 ميلليون تەڭگەسى نەمەسە 99،1 پايىزعا يگەرىلىپ وتىر.