ەلىمىز ەگەمەندىك العالى بەرى اۋىل شارۋاشىلىعىن دامىتۋ ماسەلەسى كۇن تارتىبىنەن تۇسكەن ەمەس. ەلباسى-قازاقستان رەسپۋبليكاسىنىڭ تۇڭعىش پرەزيدەنتى ن.نازاربايەۆ قازاقستان حالقىنا جىل سايىنعى جولداۋلارىندا اگروونەركاسىپ كەشەنىن دامىتۋ ماسەلەسىن نازاردان تىس قالدىرعان جوق. مەملەكەت باسشىسى قاسىم-جومارت توقايەۆ تا سالاعا سەرپىلىس سىيلاۋ ماقساتىندا ستراتەگيالىق ماقساتتار قويىپ وتىر.

اۋىل شارۋاشىلىعىن دامىتۋ ماسەلەسى ايتىلعان جەردە ۆەتەريناريالىق قاۋىپسىزدىكتىڭ دە قاتار جۇرەتىندىگى داۋسىز. ويتكەنى، توسكەيدى ءتورت تۇلىكپەن تولتىرۋ تۇرعىسىندا مال دارىگەرلەرىنە ارتىلاتىن مىندەت تە زور. سوندىقتان دا مەملەكەت كەيىنگى جىلدارى ۆەتەريناريالىق نىسانداردىڭ سانىن ارتتىرۋمەن قاتار سالا ماماندارىن ىنتالاندىرۋعا باعىتتالعان كەشەندى شارالاردى جۇزەگە اسىرۋدا. «ديپلوممەن اۋىلعا» باعدارلاماسى اياسىندا الەۋمەتتىك قولداۋعا يە بولاتىن ماماندىقتارلدىڭ قاتارىنا جاس ۆەتەرينارلاردىڭ ەنگىزىلۋى دە وسى ءسوزىمىزدى نىقتاي تۇسكەندەي.

بۇگىندە قورداي اۋدانىندا دا ۆەتەريناريا سالاسىن دامىتۋعا باعىتتالعان تىندىرىمدى تىرلىكتەر اتقارىلۋدا. بەكىتىلگەن مەجەگە سايكەس اۋدانداعى 5 ۆەتەريناريالىق پۋنكتەردى عيماراتتارمەن قامتۋ جوسپارلانعان. ەسەپتى كەزەڭدە العا جانە نوعايباي اۋىلدىق وكرۋگتەرىنە 10،4 ميلليون تەڭگەگە عيماراتتار ساتىپ الىندى. ال قاراساي، ماسانشى جانە قاراسۋ اۋىلدىق وكرۋگتەرى جالدانعان ۆەتەريناريالىق پۋنكتەرمەن قامتىلدى. قاسىق اۋىلدىق وكرۋگىندە جىلدىن سوڭىنا دەيىن ۆەتەريناريالىق پۋنكت ساتىپ الۋ جوسپارلانۋدا.

سونداي-اق، ءسۇلۋتور، العا، نوعايباي اۋىلدىق وكرۋگتەرى ءىرى قارا مالدارىن ەكتوپارازيتتەرگە قارسى دارىلەۋگە ارنالعان 3 دۋشپەن قامتىلدى. ودان باسقا قاراساي جانە ماسانشى اۋىلدىق وكرۋگتەرىندە جىل سونىنا دەيىن قامتىلۋى جوسپارلانۋدا.

اۋحاتتى جانە سورتوبە اۋىلدارىندا بيوتەرميالىق شۇڭقىر سالىناتىن جەر تەلىمدەرى انىقتالىپ، جوبالىق سمەتالىق قۇجاتتارى ازىرلەندى.

قورداي اۋىلىندا يەسىز يت-مىسىقتاردى ۇستاۋعا ارنالعان پيتومنيككە جەر تەلىمى انىقتالىپ، جوبالىق سمەتالىق قۇجاتتار دايىندالىپ وتىر.

ەپيزووتياعا قارسى ءىس-شارالاردى جۇرگىزۋگە جەرگىلىكتى بيۋدجەتتەن 203،5 ميلليون تەڭگە جانە ەنزووتيالىق اۋرۋلارعا قارسى 1،3 ميلليون تەڭگە ءبولىنىپ، ءىس-شارالار تولىعىمەن ورىندالدى.