قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ «سىندارلى قوعامدىق ديالوگ-قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا ەكونوميكانى دامىتۋعا، شاعىن جانە ورتا كاسىپكەرلىكتى وركەندەتۋگە، اۋىل شارۋاشىلىعى سالاسىن العا باستىرۋعا، ينۆەستيسيا تارتىپ، سالىقتىق تۇسىمدەردى ارتتىرۋعا باسىمدىق بەردى. مۇنىڭ ءمان-ماڭىزى تۇپتەپ كەلگەندە جۇمىس ورىندارىنىڭ سانىن كوبەيتىپ، الەۋمەتتىڭ الەۋەتىن ارتتىرۋمەن ۇشتاسىپ جاتىر.

بۇل تۇرعىدا مەملەكەت باسشىسى: «ازاماتتاردىڭ بارلىق سىندارلى وتىنىش-تىلەكتەرىن جەدەل ءارى ءتيىمدى قاراستىراتىن «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ – بارىمىزگە ورتاق مىندەت.

بيلىك پەن قوعام اراسىندا تۇراقتى ديالوگ ورناتۋ ارقىلى عانا قازىرگى گەوساياسي احۋالعا بەيىمدەلگەن ۇيلەسىمدى مەملەكەت قالىپتاستىرۋعا بولادى.

سوندىقتان ازاماتتىق قوعامعا قولداۋ كورسەتىپ، ونىڭ الەۋەتىن نىعايتا ءتۇسۋ كەرەك. سونداي-اق، اسا ماڭىزدى جالپى مەملەكەتتىك مىندەتتەردى شەشۋ ءۇشىن تالقىلاۋ جۇمىستارىنا ازاماتتىق قوعامنىڭ مۇمكىندىكتەرىن كەڭىنەن قولدانۋ قاجەت.

وسى ماقساتپەن ءبىز بەلگىلى قوعام وكىلدەرىن قامتيتىن ۇلتتىق قوعامدىق سەنىم كەڭەسىن قۇردىق. بۇل كەڭەس روتاسيالىق تارتىپپەن جۇمىس ىستەيدى»،-دەپ اتاپ كورسەتىپ، بۇقارا مەن بيلىكتىڭ بايلانىسى بەكي تۇسەتىندىگىن جەتكىزدى.

الەۋمەتتىڭ الەۋەتىن ارتتىرۋدىڭ ءتيىمدى جولى-جۇمىسپەن قامتۋ شارالارىن جانداندىرۋ. وسى ورايدا جامبىل وبلىسىنداعى قورداي اۋدانىندا تىندىرىمدى تىرلىكتەر تىكتەلۋدە.

جالپى، اۋدان بويىنشا اعىمدى جىلدىڭ 8 ايىندا رەسمي تۇردە جۇمىسسىزدار ەسەبىندە 1035 ادام تىركەلگەن. بەكىتىلگەن مەجەگە سايكەس جۇمىسقا ورنالاسۋ ماسەلەسى بويىنشا جۇگىنگەن ادامداردىڭ ىشىنەن جۇمىسقا ورنالاسقاندارىنىڭ ۇلەسى 65 پايىزعا جوسپارلانىپ، 87 پايىزعا ورىندالۋدا. ياعني جۇمىسپەن قامتۋ ورتالىعىنا قايىرىلعان 2342 ازاماتتىڭ 2021ء-ىن جۇمىسقا ورنالاستىرۋ كوزدەلىپ وتىر.

2019 جىلدىڭ 1 قىركۇيەگىنە اتاۋلى الەۋمەتتىك كومەكپەن اۋدان بويىنشا 2756 وتباسى نەمەسە 15104 ادام قامتىلىپ، 899،0 ميلليون تەڭگەگە جاردەماقى تولەنىپتى. ونىڭ ىشىندە رەسپۋبليكالىق بيۋدجەتتەن 799،5 ميلليون تەڭگە، جەرگىلىكتى بيۋدجەتتەن 99،5 ميلليون تەڭگە قاراستىرىلعان.

سونىمەن قاار 2019 جىلعا 1 قىركۇيەككە ەڭبەككە قابىلەتتى اتاۋلى الەۋمەتتىك كومەك الۋشىلار ۇلەسى 32،4 پايىزدى قۇرايدى. ال اتاۋلى الەۋمەتتىك كومەك الۋشى قاتارىنان شارتتى اقشالاي كومەكپەن قامتىلعان 13943 ازاماتتىڭ 2646-سى جۇمىسپەن قامتۋدىڭ بەلسەندى شارالارىمەن قامتىلدى. ءبىر سوزبەن ايتقاندا مەجەلەردەگى بەكىتىلگەن 6 ينديكاتورلاردىڭ بارلىعى ورىندالۋدا.