مەملەكەت باسشىسى قاسىم-جومارت توقايەۆتىڭ قازاقستان حالقىنا ارناعان جولداۋىنان قاراپايىم حالىقتىڭ كۇتەرى مەن سەمىمى مول بولدى. نەگىزگى بەس باسىمدىققا بولىنگەن ماڭىزدى قۇجاتتا ەل ەكونوميكاسىنىڭ دامۋىنان باستاپ، حالىقتىڭ بىرلىگى، ءال-اۋقاتىن ارتتىرۋىنا، وسكەلەڭ ۇرپاقتىڭ ساپالى ءبىلىم الۋىنا دەيىنگى وزەكتى ماسەلەلەر قامتىلعان دەپ جازادى Qamshy.kz اقپارات اگەنتتىگى. جولداۋداعى «الەۋمەتتىك جاڭعىرۋدىڭ جاڭا كەزەڭى» بولىمىندە ءبىلىم سالاسىنا ۇلكەن سەرىپىلىس بەرىلسە، مادەنيەت، رۋحانيات سالاسى قىزمەتكەرلەرىنە ۇلكەن قولداۋلار كورسەتىلەندىگى كوڭىل قۋانتتى. ءيا، قاي ەلدىڭ بولماسىن تاريحى مەن ەلدىگىن، ءسالت-داستۇرىن تانىتاتىن باستى قۇندىلىعى – سول حالىقتىڭ مادەنيەتى، ءتىلى، ادەبيەتى، رۋحاني بايلىعى ەكەندىگى داۋسىز. ال ونى وسىنداي ۇرپاقتار ساباقتاستىعىن جالعاستىراتىن بۇگىنگى جاستار ەكەنى بەلگىلى. سوندىقتان دا ءبىلىم سالاسى مەن مادەنيەت سالاسىنىڭ دامۋىنا الدىڭعى قاتارعا قويۋ قاشاندا ورىندى دەپ ويلايمىن.

وسىنداي تاريحى تىم تەرەڭنەن تامىر تارتقان كوپۇلتتى جامبىل وبلىسى قورداي اۋدانىندا بۇگىندە ءبىلىم مەن مادەنيەت سالاسىنا ايتارلىقتاي كوڭىل ءبولىنىپ كەلەدى. ماسەلەن سوڭعى جىلدارى اۋداندا قازىرگى زامان تالابىنا ساي جاڭا ءبىلىم بەرۋ نىساندارى ىسكە قوسىلىپ، اپاتتى مەكتەپتەر، ءۇش اۋىسىمدى وقىتۋ جۇيەسى جويىلا باستادى. تەك وتكەن جىلدىڭ وزىندە كوكتوبە جانە سوعاندى اۋىلدارىندا جاڭا مەكتەپ عيماراتى وقۋ جىلىندا قولدانىسقا بەرىلسە، اعىمداعى جىلى قورداي، قاراكەمەر، قاينار اۋىلدارىنداعى ورتا مەكتەپتەرگە كۇردەلى جوندەۋ جۇمىستارىن جۇرگىزۋ ءۇشىن 392 ميلليون 653 مىڭ تەڭگە ءبولىندى.

سونىمەن قاتار ءبىرقاتار اۋىلدىق وكرۋگتەردىڭ ءبىلىم بەرۋ وشاقتارىنداعى ورىن تاپشىلىعى ماسەلەسى ءوز شەشىمىن تابۋدا. اعىمداعى جىلى قالعۇتى اۋىلىندا جاڭا مەكتەپتىڭ قۇرىلىس جۇمىستارى باستالسا، كەلەسى جىلى كۇنباتىس-2 جانە ماسانچي اۋىلىدارىنا دا جاڭا مەكتەپتەر سالىنىپ، وقۋ جىلىندا قولدانىسقا بەرىلەدى دەپ جوسپارلانۋدا.

قازىرگى زامان تالابى ساندىق تەحنولوگيانى مەڭگەرگەن ساۋاتتى ۇرپاق بولماق. سوندىقتان دا 2019 جىلى اۋدان بويىنشا 9 مەكتەپتى روبوتوتەحنيكا كابينەتتەرىمەن قامتاماسىز ەتۋگە 54،6 ميلليون تەڭگە، 2 فيزيكا كابينەتتەرمەن قامتۋعا 14،5 ميلليون تەڭگە بولىنسە، اۋدان مەكتەپتەرىنىڭ وقۋ كابينەتتەرىنە قاجەتتى 359 دانا ينتەراكتيۆتى قۇرىلعىلارمەن (كومپيۋتەر، پروەكتور، ەكران) قامتۋ ءۇشىن 179،5 ميلليون تەڭگە قارالدى. بۇل ءبىلىم سالاسىن سيفرلاندىرۋ ماقساتىندا قولعا الىنعان جۇمىستاردىڭ ناتيجەسى.

وسىلايشا قورداي اۋدانى جولداۋ جۇكتەگەن مىندەتتەردى ءمىنسىز ورىنداۋعا بار كۇشىن سالۋدا.