جامبىل وبلىسى قازاقستان حالقى اسسامبلەياسىنىڭ «جاڭعىرۋ جولى» جاستار قوزعالىسىنىڭ «جاستار جىلىنا» ارنالعان ءىس-شارالار جوسپارىنا سايكەس وبلىستىڭ «جاڭعىرۋ جولى» جاستارى رەسپۋبليكالىق «ەلتانۋ» تۋريستىك-ولكەتانۋ ەكسپەديسياسى اياسىندا تۇركىستان وبلىسىنىڭ تاريحتان سىر شەرتەر كونە جەرلەرىنە ەكسكۋرسيا ۇيىمداستىرىلدى، دەپ جازادى Qamshy.kz اقپارات اگەنتتىگى. شاراعا وبلىستىق اسسامبلەيانىڭ بەلسەندى جاستارى، جامبىل وبلىسى اكىمى اپپاراتىنىڭ «قوعامدىق كەلىسىم» كوممۋنالدىق مەملەكەتتىك مەكەمەسى، «جاڭعىرۋ جولى» جاستار قوزعالىسىنىڭ وڭىرلىك شتابىنىڭ مۇشەلەرى، از قامتىلعان وتباسىنان شىققان مەكتەپ جانە كاسىپتىك-تەحنيكالىق وقۋ ورىندارىنىڭ وقۋشىلارى مەن بىلىمگەرلەرى، اتا-اناسىنىڭ قامقورلىعىنسىز قالعان بالالار بار، بارلىعى 50 ادام قامتىلدى.
ەكسكۋرسيانىڭ باستى ماقساتى – قازاقستانداعى جاستار جىلى اياسىندا تۇركىستان، جامبىل وبلىستارىنىڭ بەلسەندى جاستارىن قازاقستان پرەزيدەنتى جولداۋى جۇكتەگەن مىندەتتەرگە جۇمىلدىرۋ، قوعامدىق كەلىسىم مەن جالپىۇلتتىق بىرلىككە نەگىزدەلگەن قازاقستاندىق پاتريوتيزم قۇندىلىقتارىن ىلگەرلەتۋ بولىپ تابىلادى. سونداي-اق، وسكەلەڭ ۇرپاقتى ەلىمىزدەگى ىشكى ءتۋريزمدى قالىپتاستىرۋ، ولكە تاريحىمەن جانە ونىڭ گەوگرافياسىمەن تانىستىرۋ.
كونە تاراز شاھارىنان ەجەلگى تۇركىستانعا بەت العان جاستاردىڭ كەرۋەنى جول بويىندا ەلىمىزدىڭ وڭتۇستىك استاناسى سانالاتىن شىرايلى شىمكەنت قالاسىنا توقتاپ، جەرگىلىكتى اسسامبلەيانىڭ جاستارىمەن جۇزدەستى.
كەزدەسۋ باسىندا ءسوز سويلەگەن جامبىل وبلىسى اكىمى اپپاراتىنىڭ «قوعامدىق كەلىسىم» كمم باسشىسى رانو ماحسۋد قىزى جەرگىلىكتى اسسامبلەيا قىزمەتكەرەلەرىنە العىسىن ايتىپ، جاستارعا جالىندى سوزدەرىن ارنادى. سونداي-اق ەكسكۋرسيانىڭ الداعى باعىت-باعدارلارىمەن تانىستىرىپ، جاستارمەن بىرگە اتقارىلىپ جاتقان جۇمىستىڭ جۇيەسىنە توقتالدى. كەزدەسۋ بارىسىندا ەكى جاقتىڭ جىل بويى اتقارىلعان جۇمىستارىنىڭ قورىتىندىسى، جولداۋعا قولداۋ بىلدىرگەن جاستار، اباي قۇنانباي ۇلىنىڭ 175 جىلدىعىنا ارنالعان چەللەندجدىڭ جالعاسۋى تۋرالى ويلار مەن پىكىرلەرىن ورتاعا سالدى. سونداي-اق، اتالمىش چەللەنجدى ارى قاراي دامىتۋ ماقساتىندا شىمكەنت قالاسىنىڭ جاستارى جامبىلدىق جاستارعا ەستافەتا جولدادى. جاستار ودان ءارى شىرايلى شىمقالانىڭ قالانىڭ «كورسە كوز تويماس» جەرلەرىن ارالاپ، ەستەلىك-فوتوسەسسيا ۇيىمداستىردى.
