بۇگىندە وبلىستا بۇقارالىق سپورتتى دامىتۋ باعىتىندا از جۇمىستار جاسالىپ جاتقان جوق. جىل سايىن ەل يگىلىگىنە بەرىلىپ جاتقان سپورت نىساندارىنان بولەك، ءارتۇرلى مەكەمەلەر ىرگەسىنەن كىرپىشى قالانعان كەشەندەر دە بارشىلىق. مىنە سونداي سپورت زالىنىڭ ءبىرى – تاراز قالاسىنداعى نۇرعيسا تىلەندييەۆ اتىنداعى كوپبالالى جانە از قامسىزداندىرىلعان وتباسى بالالارىنا ارنالعان مەكتەپ-ينتەرناتى جانىنان بالعىن بالۋاندارعا ەسىگىن ايقارا اشتى، دەپ جازادى Qamshy.kz اقپارات اگەنتتىگى. 

كەشەننىڭ اشىلۋىنا وبلىس اكىمدىگى ءبىلىم باسقارماسى باستىعىنىڭ ورىنباسارى تالعات جامالوۆ، داڭقتى باپكەر احمەت جۇماعۇل جانە ريو وليمپياداسىنىڭ كۇمىس جۇلدەگەرى ەلدوس سمەتوۆ قاتىسىپ، جاڭا سپورت زالدىڭ اشىلۋىمەن كوپشىلىكتى قۇتتىقتادى.

- بۇگىن كەرەمەت مەرەكە بولىپ تۇر. مەكتەپ-ينتەرناتتىڭ بالعىن بالۋاندارىنا ارنالىپ، كۇرەس زالى بەرىلۋدە. بۇنىڭ ءبارى ەل ەرتەڭى سانالعان جاستار ءۇشىن مەملەكەتتىڭ كورسەتىپ جاتقان قامقورلىعى. بارلىقتارىڭىزدى جاڭا جاتتىعۋ زالىنىڭ اشىلۋىمەن قۇتتىقتايمىن!، -دەدى العاش ءسوز العان وبلىس اكىمدىگى ءبىلىم باسقارماسى باسشىسىنىڭ ورىنباسارى تالعات سالقان ۇلى.

بۇدان كەيىن ءسوز تىزگىندەگەن داڭقتى باپكەر احمەت جۇماعۇل مەكتەپ-ينتەرناتتىڭ تاربيەلەنۋشىلەرىنە وقۋدا دا، سپورتتا دا وزات بولۋلارىنا تىلەكتەستىگىن ءبىلدىرىپ، ءومىر جولدارىنا اق باتاسىن بەردى.

ال ريو وليمپياداسىنىڭ كۇمىس جۇلدەگەرى ەلدوس سمەتوۆ بولسا، سيدنەي وليمپياداسىنىڭ چەمپيونى ەرماحان ىبرايىموۆتاي بىلعارى قولعاپ شەبەرلەرى وسىنداي مەكتەپ-ينتەرناتتىڭ قابىرعاسىنان شىققانانىن تىلگە تيەك ەتىپ، بۇل كۇرەس زالىدا تالاي تولاعايلاردى تۋدىراتىنىنا بەك سەنىمدىلىك ءبىلدىردى.

بۇدان سوڭ داڭقتى باپكەر احمەت جۇماعۇل مەن مەملەكەت ماقتانىشى ەلدوس سمەتوۆ كۇرەس زالىنىڭ لەنتاسىن سالتاناتتى تۇردە قيىپ، ارالاپ كوردى.

جالپى ەلباسىنىڭ «رۋحاني جاڭعىرۋ» باعدارلاماسى مەن جاستار جىلى اياسىندا اشىلىپ وتىرعان دزيۋدو جانە بەلدەسۋ كۇرەسىنەن جاتتىعۋ زالى بارلىق قاجەتتى قۇرالدارمەن جابدىقتالعان. مۇندا ءقازىر مەكتەپ-ينتەرناتتىڭ 380 تاربيەلەنۋشىسىنىڭ 80ء-ى ءۇش توپقا ءبولىنىپ جاتتىعۋدا. بالعىن بالۋانداردى وبلىستىق ءبىلىم باسقارماسى جاتتىعۋ قۇرىلعىلارىمەن قامتاماسىز ەتسە، ق ر دزيۋدو سپورتى فەدەراسياسى تاتامي مەن 50 كيمانو الىپ بەرگەن. سونداي-اق وبلىستا ەلىمىز بويىنشا تۇڭعىش رەت قۇرىلعان «بەلدەسۋ»ۇلتتىق سپورت ءتۇرى فەدەراسياسى دا دەمەۋشىلىك كورسەتۋدە. ال وبلىس اكىمدىگى دەنە شىنىقتىرۋ جانە سپورت باسقارماسى بالۋانداردى باپتايتىن 4 جاتتىقتىرۋشىنى سپورت مەكتەپتەرىنەن ءبولىپ بەرىپ وتىر.

كۇرەس زالىنىڭ مەكتەپ-ينتەرناتتىڭ تاربيەلەنۋشىلەرىنە كەلتىرەر ەش زيانى جوق. ولاي دەيتىنىمىز نەگىزگى جاتتىعۋلار ساباقتان كەيىن 16.00-20.30 ۋاقىت ارالىعىندا وتكىزىلەدى.

مىنە، وسىنداي تاماشا كۇرەس زالى بالعىن بالۋاندارعا بازارلىق سىيلاۋدا. جانە نىساننىڭ اشىلۋ سالتاناتىنا وراي حالىق قاھارمانى ر.قوشقاربايەۆتى ەسكە الۋعا ارنالعان قازاق پەن بەلدەسۋ كۇرەسىنەن وبلىستىق تۋرنير تۇندىگىن ءتۇردى. بۇل باسەكەگە وبلىس اكىمدىگى ءبىلىم باسقارماسىنىڭ «عىلىمي-تاجىريبەلىك دەنە شىنىقتىرۋ ورتالىعى» تىكەلەي ۇيىتقى بولىپ وتىر.