گولوۆكين مەن دەريەۆيانچەنكو اراسىنداعى كەزدەسۋ باستى جەكپە-جەك بولاتىن بوكس كەشىن "Qazaqstan" جانە "Qazsport" تەلەارنالارى تىكەلەي ەفيردە كورسەتەدى دەپ جازادى Qamshy.kz اقپارات اگەنتتىگى.
بوكسشىلاردىڭ كەزدەسۋى 5 قازان، سەنبى كۇنى (نۇر-سۇلتان ۋاقىتىمەن 6 قازان) نيۋ-يوركتەگى (اقش) Madison Square Garden ارەناسىندا وتەدى. قارسىلاستار بۇعان دەيىن مەكسيكالىق ساۋل الۆارەسكە تيەسىلى بولعان IBF بەلبەۋى ءۇشىن تالاسادى. بوكس ۇيىمى سەرگەي دەريەۆيانچەنكومەن جەكپە-جەكتى ۋاقىتىندا كەلىسە الماعاندىقتان الۆارەستەن IBF تيتۋلىن تارتىپ العان بولاتىن.
"قازاقستان" تەلەراديوكەشەنى جەكپە-جەكتى ترانسلياسيالاۋ قۇقىعىن ساتىپ الدى. ۋاقىت بەلدەۋلەرىندەگى ايىرماشىلىقتى ەسكەرگەندە، جەكپە-جەكتىڭ تىكەلەي ەفيرى نۇر-سۇلتان ۋاقىتىمەن 6 قازان كۇنى ساعات 05:00-دە باستالادى. كەشتىڭ باستى كەيىپكەرلەرى رينگكە ەلوردا ۋاقىتىمەن تاڭعى 9-دا شىعادى دەگەن بولجام بار.
پىكىر قالدىرۋ