«سيفرلىق قازاقستان» مەملەكەتتىك باعدارلاماسى اياسىندا، تاراز قالاسىندا بۇگىنگى كۇنى تكش، قاۋىپسىزدىك، ءبىلىم بەرۋ، كولىك باعىتتارى بويىنشا جۇمىستار جۇرگىزىلۋدە.
وسى باعىتتاردىڭ ءبىرى «Open-Akimat» فورماتىندا، ءبىر مەزەتتە ءتۇرلى ماسەلەلەردىڭ شەشىمىنە «ءبىر تەرەزە» قاعيداسىمەن ساپالى قىزمەت كورسەتۋ ماقساتىندا قالا اكىمدىگىنىڭ ساۋلەت جانە قالا قۇرىلىسى جانە جەر قاتىناستار بولىمدەرى جۇنىسالييەۆ كوشەسى، №1 مەكەن –جايعا ورنالاسىپ، جۇمىستارىن باستادى.
سونداي-اق، «جاردەم» - 109 ءبىرىڭعاي ديسپەچەرلىك كوممۋنالدىق قىزمەتى ورتالىعىن اشۋ بويىنشا ناقتى ناتيجەگە قول جەتكىزىلىپ، اتالمىش مەكەمە تولە بي داڭعىلى، №35 مەكەن-جايدا ىسكە كىرىسىپ كەتتى.
ال، ءبىلىم سالاسى بويىنشا №41 مەكتەپ گيمنازياسىندا وقۋشىلاردىڭ ساباققا كەلۋ جانە ۇيلەرىنە قايتۋ مەرزىمدەرىن تىركەپ وتىراتىن «ءقاۋىپسىز مەكتەپ» جوباسى ەنگىزىلدى. سونىڭ اياسىندا 16 مەكتەپتە بەينەباقىلاۋ جۇيەسى جاڭارتىلدى. سونداي-اق قالاداعى 41 مەكتەپتە Wi-Fi سىمسىز عالامتور جەلىسى ورناتىلسا، 5 مەكتەپ روبوتوتەحنيكا كابينەتتەرىمەن قامتىلدى. بۇدان باسقا، وبلىس ورتالىعىندا رەسپۋبليكالىق دەڭگەيدە الدىڭعى قاتاردا سانالاتىن «تاراز-Hab» IT-مەكەمەسى 4 مەكتەپكە IT كابينەتىن جابدىقتاۋ جۇمىستارىن باستادى. جىل سوڭىنا دەيىن ورتا مەكتەپتەردە 10 دانا روبوتوتەحنيكا سىنىپتارىن اشۋ كوزدەلۋدە.
سونىمەن قاتار، «نازاربايەۆ زياتكەرلىك مەكتەبى» ااق-نىڭ بازاسىندا 67 ينفورماتيكا مۇعالىمدەرىن باعدارلامالاۋ، روبوتوتەحنيكا، 3D مودەلدەۋ بويىنشا وقىتۋ جانە كاسىبي دامىتۋ، مەكتەپتەرگە 706 دانا كومپيۋتەر جانە مۋلتيمەديالىق تەحنيكامەن جابدىقتاۋ، مەكتەپكە دەيىنگى ءبىلىم مەكەمەلەرىنە كەزەككە قويۋ مەن جولداما بەرۋ قىزمەتىن اۆتوماتتاندىرۋدى ىسكە اسىرۋ، فوتو جانە بەينەجازۋ جۇيەسىن جانە مەكتەپ اسحانالارىندا قولما-قول اقشاسىز تولەم جۇيەسىن ەنگىزۋ، ۆيرتۋالدى جانە تولىقتىرىلعان شىندىق زەرتحاناسىن اشۋ، 2019-2020 وقۋ جىلدارىندا 4-سىنىپقا «اقپاراتتىق-كوممۋنيكاسيالىق تەحنولوگيالار نەگىزدەرى» ءپانىن ەنگىزۋ جوسپارلانۋدا.
بۇدان باسقا كىتاپحانا وقىرماندارىمەن بىرلەسە شىعارماشىلىق ىس-ارەكەت جاساۋ ماقساتىندا 2019 جىلعى 2ء-شى جارتىجىلدىقتا م.شولوحوۆ كىتاپحاناسىنان «كوۆوركينگ» ورتالىعىن اشۋ كوزدەلۋدە.
بيزنەسكە قولايلى جاعداي جاساۋ ماقساتىندا «ە-ارحيتەكتۋرا» جۇيەسىن قالىپتاستىرۋ جولىمەن ەلەكتروندى كارتاسىن جۇيەلەندىرۋ باستالادى.
كولىك سالاسىن سيفرلاندىرۋ بويىنشا قالاداعى جولاۋشىلار مارشرۋتتارىن ۇزدىكسىز قوزعالىس كەستەلەرىنىڭ جانە جىلدامدىق رەجيمدەرىنىڭ ساقتالۋى ۇنەمى قاداعالانىپ وتىراتىن online رەجيمىندە GPS-ناۆيگاسيالاۋ taraz-bus.kz سايتى جەتىلدىرىلدى. سونىمەن قاتار، اعىمداعى جىلى 43 باعىتتاعى 670 قوعامدىق كولىكتەرگە ەلەكتروندى بيلەتتەندىرۋ قۇرىلعىسىن ەنگىزۋ جۇمىستارى باستالىپ، 2020 جىلى اياقتالاتىن بولادى.
پىكىر قالدىرۋ