ەلباسى-قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆ بۇعان دەيىن قازاقستاندىقتاردىڭ 30 پايىزىن بۇقارالىق سپورتپەن قامتۋ تۋرالى مەجە قويعان بولاتىن. ماڭىزدى مىندەت ءوز وزەكتىلىگىن جويعان جوق. وسى ورايدا بارلىق ەلدى مەكەندەردە جاڭا سپورت الاڭدارى بوي كوتەرىپ، شەبەرلىكتى شىڭداۋعا باعىتتالعان جارىستاردىڭ قاتارى ارتۋدا. بۇل ارينە، قۇپتارلىق قادام.

مەملەكەت باسشىسى قاسىم-جومارت توقايەۆ تا بۇگىندە سپورت سالاسىن دامىتۋعا ۇلكەن كوڭىل بولۋدە. پرەزيدەنت وتانداستارىمىزدى سوزبەن جىگەرلەندىرىپ قانا قويماي، تەننيس ويىنىن جەتىك مەڭگەرگەن تۇلعا رەتىندە كوپكە ۇلگى كورسەتە بىلۋدە. سونىمەن قاتار سپورت سالاسىن ودان ءارى جەتىلدىرۋگە باعىتتالعان تىڭ تاپسىرمالار جۇكتەۋدە.

بۇگىندە ەلباسى مەن مەملەكەت باسشىسى العا قويعان مىندەتتەر جامبىل وبلىسىندا دا ءوز جەمىسىن بەرىپ وتىر. بۇل تۇرعىدا تاراز قالاسىندا دا ناقتى مىسالدار جەتەرلىك.

جالپى، قالا تۇرعىندارىن دەنە شىنىقتىرۋ جانە سپورتپەن شۇعىلدانۋعا تارتۋ جۇمىستارى بويىنشا، اعىمداعى جىلى 96 بۇقارالىق سپورتتىق-كوپشىلىك ءىس-شارالار وتكىزىلىپ، وعان بارلىعى 172 مىڭنان اسا قالا تۇرعىندارى قاتىسىپتى.

قازىرگى تاڭدا، تاراز قالاسىندا جۇيەلى تۇردە سپورتپەن اينالىسۋشى ازاماتتار سانى 106 مىڭنان استام ادام بولسا، بۇل قالا تۇرعىندارىنىڭ 29،6 پايىزىن قۇراپ وتىر. ولاردىڭ ىشىندە 14 جاسقا دەيىن جاسوسپىرىمدەر – 21 912 ادام، 14-29 جاس اراسىنداعى جاستار – 48 254 ادام، 29 جاستان جوعارى ەرەسەكتەر اراسىندا – 35 120 ادام جۇيەلى تۇردە سپورتپەن شۇعىلدانادى.

تاراز قالاسىنىڭ اكىمى قايرات دوسايەۆتىڭ ايتۋىنشا، شاھاردا 515 سپورت نىساندارى جۇمىس اتقارۋدا. ونىڭ 450ء-ى مەملەكەتتىك بولسا، 65ء-ى جەكە مەنشىكتە. ايتا كەتۋ كەرەك، قالادا سپورت سالاسىن دامىتۋ ماقساتىندا 2019 جىلى سپورت الاڭشالارىن قايتا قۇرۋ، قالپىنا كەلتىرۋ جانە قۇرىلىسى بويىنشا جول كارتاسى دايىندالىپ، جۇمىستار جۇرگىزىلۋدە. جالپى بۇل باعىتتا 86 الاڭشا قامتىلادى.

اتاپ ايتقاندا بيۋدجەت قارجاتى ەسەبىنەن 64 الاڭشا ەل يگىلىگىنە ۇسىنىلدى. ونىڭ ىشىندە «قانت زاۋىتى» تۇرعىن القابىنداعى جاۋعاش باتىر كوشەسى جانە دوروجنيك تۇرعىن القابىنداعى جاساندى توسەنىشى بار كىشى فۋتبول الاڭشالارى، 1 «Street Workout» الاڭشاسى «قاراسۋ» مولتەك اۋدانى "بالاۋسا" اۋلا كلۋبىنىڭ ماڭىندا جانە 3 بىرلىك «Street Workout» «قاراسۋ «مولتەك اۋدانىندا، ساتپايەۆ كوشەسىنىڭ بويىنداعى 64 ۇيدە، تاستاق، جانبولات كوشەسىندە پايدالانۋعا بەرىلدى. بۇدان بولەك، 25 سپورتتىق الاڭشالارىنا قالالىق بيۋدجەتتەن 47،3 ميلليون تەڭگە ءبولىندى.

ال دەمەۋشىلەر ەسەبىنەن 7 الاڭشا قامتىلماق. ونىڭ ىشىندە: «سامۇرىق قازىنا ترافت» كورپورايسيالىق قورىنا «مەنىڭ ەلىم» الەۋمەتتىك ينۆەستيسيالىق باعدارلاماسى اياسىندا «اسا» مولتەك اۋدانىندا كىشى فۋتبول الاڭشاسىنا جەر بەلگىلەنگەن. الداعى ۋاقىتتا ءتيىستى جۇمىستار جۇرگىزىلەتىن بولادى. سونىمەن قاتار جەكەمەنشىك 9 الاڭشا بار. ونىڭ ىشىندە «Dostyk-life» 1 سپورت الاڭشاسى پايدالانۋعا بەرىلدى.

بۇدان باسقا وتكەن جىلى قالالىق تۇرعىن-جاي كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمى ارقىلى الاڭشالاردى سوققان جاۋاپكەرشىلىگى شەكتەۋلىك سەرىكتەستىكتەر ءوز قاراجاتى ەسەبىنەن 6 الاڭشانى قالپىنا كەلتىرۋ جۇمىستارىن جۇرگىزۋدە.