ەلباسى نۇرسۇلتان ءابىش ۇلى نازاربايەۆتىڭ «بەس الەۋمەتتىك باستاماسىندا» ەلدى مەكەندەردى گازبەن قامتاماسىز ەتۋدى جالعاستىرۋعا ايرىقشا كوڭىل بولىنگەنى بەلگىلى. باياندى باستامالار اياسىندا جامبىل وبلىسىندا دا ءىس-شارالار جوسپارى بەكىتىلىپ، اتقارىلاتىن جۇمىستاردىڭ اۋقىمى كەڭەيىپ كەلەدى.

بۇگىندە اۋليەاتا وڭىرىندە 377 ەلدى مەكەن بار. ونىڭ ىشىندە 181 گازداندىرىلعان. ياعني، كوگىلدىر وتىنمەن قامتاماسىز ەتىلگەن ەلدى مەكەندەردىڭ كورسەتكىشى 48 پايىزدى قۇراپ وتىر. بولاشاقتا، دالىرەك ايتقاندا 2019-2027 جىلدارى 196 ەلدى مەكەن گازداندىرىلادى دەپ كۇتىلۋدە. سوندا وبلىس بويىنشا قامتىلۋ كورسەتكىشى 100 پايىزدى قۇراماق.

جامبىل وبلىسى اكىمدىگى ەنەرگەتيكا جانە كوممۋنالدىق شارۋاشىلىق باسقارماسىنىڭ مالىمەتىنە سۇيەنسەك، سوڭعى 10 جىل ىشىندە وڭىردە 133 ەلدى مەكەن گازداندىرىلعان. .

2019 جىلى ەلدى مەكەندەرگە گاز كەلتىرۋ قۇبىرىنىڭ قۇرىلىسىنا رەسپۋبليكالىق جانە وبلىستىق بيۋدجەتتەن 6،1 ميلليارد تەڭگە ءبولىنىپ وتىر. بۇل جوبالار تولىق ىسكە اسقان كەزدە 5 اۋداننىڭ 81 ەلدى مەكەنىندە تۇراتىن 101 مىڭ ادامنىڭ جاعدايى جاقساراتىن بولادى. اتاپ ايتقاندا شۋ اۋدانىنىڭ 18 ەلدى مەكەنىندە 22 130 ادام، جامبىل اۋدانىنىڭ 13 ەلدىمەكەنىندە 12 631 ادام، جۋالى اۋدانىنىڭ 15 ەلدى مەكەنىندە 9 457 ادام كوگىلدىر وتىنعا قول جەتكىزبەك. سونىمەن قاتار سارىسۋ اۋدانىنىڭ ورتالىعى- جاڭاتاس قالاسىنا دەيىن سالىناتىن گاز كەلتىرۋ قۇبىرىنىڭ قۇرىلىسىنا 3 ميلليارد تەڭگە ءبولىنىپ وتىر. ناتيجەسىندە 14 ەلدىمەكەندەگى 39 539 ادام جۇل اۋقىمدى جۇمىستىڭ يگىلىگىن كورمەك. وسى ورايدا جاڭاتاس قالاسىنا دەيىن تارتىلاتىن قۇبىر قۇرىلىسىنا 2020 جىلى قالعان 4،7 ميلليارد تەڭگە جوسپارلانعانىن ايتا كەتۋ كەرەك. ونىڭ ىشىندە تەك قانا رەسپۋبليكاعا قاراماي، بايزاق اۋدانىنىڭ 21 ەلدى مەكەنىنە گاز كەلتىرەتىن قۇبىر قۇرىلىسىنا وبلىستىق بيۋدجەتتەن 1،3 ميلليارد تەڭگە ءبولىندى.

ەلدى مەكەندەردىڭ ىشىندە گاز تاراتاتىن قۇبىر قۇرىلىسىنا جوبالىق-سمەتالىق قۇجاتتاردى دايىنداۋعا 2019 جىلى وبلىستىق بيۋدجەتتەن 52 820 مىڭ تەڭگە ءبولىنىپ، 5 238 ادامدى ورتالىقتاندىرىلعان گاز تورابىنا قوسۋ قاراستىرىلۋدا. بۇل تىزىمگە جامبىل اۋدانىنان – 5 ەلدى مەكەن، جۋالى اۋدانىنان 7 ەلدى مەكەن، شۋ اۋدانىنان 2 ەلدى مەكەن ەنىپ وتىر. جىل سوڭىنا دەيىن تالاس جانە سارىسۋ اۋداندارىنان 9 ەلدى مەكەندى ورتالىقتاندىرىلعان گاز تورابىنا قوسىپ، گازداندىرىلعان ەلدى مەكەن سانىن 190-عا جەتكىزۋ بويىنشا جۇمىس جۇرگىزىلۋدە. بۇل تۇرعىدا ەلدى مەكەندەردى گازبەن قامتۋدىڭ ۇلەستىك سانى 50 پايىزدى قۇرايتىن بولادى.