مەملەكەت باسشىسى ق.توقايەۆ «سىندارلى قوعامدىق ديالوگ-قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا «مەن سايلاۋ الدىنداعى باعدارلامامدا ءبىرىڭعاي تۇرعىن ءۇي ساياساتىن ازىرلەۋ قاجەتتىگىن ايتقان بولاتىنمىن.
نەگىزگى قاعيدات – تۇرعىندار، اسىرەسە، الەۋمەتتىك تۇرعىدان ءالسىز توپتار ءۇشىن باسپانانىڭ قولجەتىمدىلىگىن ارتتىرۋ.
ۇكىمەت جۇيەسىز باعدارلامالار قابىلداۋ تاجىريبەسىن توقتاتىپ، تۇرعىن ءۇي ساياساتىن جەتىلدىرۋدىڭ ءبىرىڭعاي مودەلىن ازىرلەۋى قاجەت»دەپ اتاپ كورسەتىپ، بۇل باعىتتا ءبىرقاتار مىندەتتەردى ايقىنداپ بەرگەن بولاتىن.
راسىندا دا بۇقارانى باسپانامەن قامتۋدى بيلىك نازاردان تىس قالدىرعان ەمەس. بۇل باعىتتا تاراز قالاسىندا دا جۇيەلى جۇمىستار اتقارىلۋدا.
قازىرگى تاڭدا پايدالانۋعا بەرىلگەن تۇرعىن ءۇي كولەمىنىڭ جالپى اۋماعى 181،5 مىڭ شارشى مەتردى نەمەسە ناقتى كولەم يندەكسى 117،1 پايىزدى قۇرادى. بۇل كورسەتكىش وتكەن جىلى 155،0 مىڭ شارشى مەتر دەڭگەيىندە قالىپتاسقان بولاتىن. ەسەپتى كەزەڭدە قالا بويىنشا تۇرعىن ءۇي كەزەگىندە تۇرعان ازاماتتاردىڭ سانى – 17 643 ادام بولىپ وتىر. ونىڭ ىشىندە: كوپ بالالى وتباسىلار – 1489 بولسا، 29 جاسقا تولماعان جەتىم جانە اتا-اناسىنىڭ قامقورىنسىز قالعان بالالار سانى – 1935. سونىمەن قاتار الەۋمەتتىك جاعىنان قورعالاتىن توپتار 8513 بولسا، مەملەكەتتىك، بيۋدجەتتىك جانە اسكەري قىزمەتكەرلەر – 5706.
بۇگىندە سۇلەيمەنوۆ كوشەسىنىڭ سوڭىنداعى تۇرعىن القاپتا رەسپۋبليكالىق بيۋدجەت ەسەبىنەن جارتىلاي ارەندالىق جانە جارتىلاي از قامتىلعان كوپبالالى وتباسىلار ءۇشىن 80 پاتەرلى 4 تۇرعىن ۇيلەردىڭ جانە وبلىستىق بيۋدجەت ەسەبىنەن 80 پاتەرلى 1 ارەندالىق تۇرعىن ءۇيدىڭ قۇرىلىسى جۇرگىزىلۋدە. بۇدان بولەك، ۇستىمىزدەگى جىلى 15ء-شى مولتەك اۋدانىندا 80-پاتەرلى 10 نەسيەگە بەرىلەتىن تۇرعىن پايدالانۋعا بەرىلدى. سونداي-اق، اتالعان القاپتا، جەرگىلىكتى اتقارۋشى ورگانداردىڭ وبليگاسيالار شىعارۋ جولىمەن 60-پاتەرلى 11 كرەديتتىك ۇيلەردىڭ قۇرىلىستارى جۇرگىزىلىپ جاتسا، تاعى دا 80 پاتەرلى 11 ارەندالىق تۇرعىن ءۇيدىڭ قۇرىلىسىن باستاۋعا قالالىق بيۋدجەتتەن 22،0 ملن. تەڭگە قارجى قاراستىرىلدى. بۇدان بولەك، كەزەكتە تۇرعان كوپ بالالى انالارعا ارنالعان «اراي» تۇرعىن القابى مەن «قاراسۋ» مولتەك اۋدانىندا 45 پاتەرلى 8 شاعىن جاتاقحانالاردىڭ قۇرىلىسىن وبلىستىق بيۋدجەت ەسەبىنەن قارجىلاندىرىپ، اعىمدى جىلى پايدالانۋعا بەرۋ كوزدەلۋدە.
پىكىر قالدىرۋ