كەيىنگى جىلدارى جامبىل وبلىسىنىڭ ورتالىعى-تاراز قالاسى ادام تانىماستاي وزگەردى. ايماق باسشىسى اسقار مىرزاحمەتوۆتىڭ تىڭ تاپسىرمالارىنىڭ ناتيجەسىندە كونە شاھاردا كوز تويىپ، كوڭىل تولاتىنداي كوپ جۇمىس اتقارىلۋدا. ءساندى سۋبۇرقاقتار، كەلىستى كوشەلەر، اجارلى اللەيالار-وسى ءسوزىمىزدىڭ ءبىر دالەلى. ايتا كەتۋ كەرەك، بۇل باعىتتاعى جۇمىستاردىڭ ءبىر ساتكە دە تولاستاعان ەمەس.

مىسالى، بيىلدىڭ وزىندە قالانى اباتتاندىرۋ، كوگالداندىرۋ جانە سانيتارلىق تازالىق جۇمىستارىنا 1 ميلليارد 870،8 ميلليون تەڭگە ءبولىندى.

ەسەپتى كەزەڭدە 27 دانا قۋراعان اپاتتى تالدار تۇبىنەن جانە 11 086 اعاشتىڭ قۋراعان بۇتاقتارى كەسىلسە، 298 تال اعاشتارى بالاقتالدى.

بۇدان بولەك، قالا كوشەلەرىنىڭ بويىنداعى 11640 تالدار اكتەلسە، 2004 ەلەكتر باعانالارى، 170 گۇل ساۋىتتارى، 396 قوعامدىق ورىندىقتار، 290 قوقىس تاستايتىن جاشىكتەر، 200 مىڭ شارشى مەتر ايالدامالار جانە 4836 شارشى مەتر قورشاۋلارمەن تۋرنيكەتتەر سىرلاندى. اۆتوكولىكتەرمەن كوشە بويىنداعى 5240 تەكشە مەتر تۇرمىستىق قاتتى قالدىقتار جانە 3040 تەكشە مەتر كەزدەيسوق كۇل-قوقىستار شىعارىلسا، 5،8، مىڭ شارشى مەتر جەر قولمەن تازالاندى.

2019 جىلى يرريگاسيا جۇيەلەرىن تازالاۋ جۇمىستارىنا 148،0 ميلليون تەڭگە قاراستىرىلعان. ەسەپتى كەزەڭدە ساڭىراق باتىر كوشەسىنەن بايزاق باتىر كوشەسى ارالىعىنداعى درەناجدىق كانالىنىڭ 1700 مەتر ارناسى، ى.دۇكەن ۇلى كوشەسىنەن بايزاق باتىر كوشەسىنە دەيىنگى اشىمبايەۆ كوشەسى بويىنداعى «قاراسۋ-2» كانالىنىڭ 980 مەتر ارناسى، اسقاروۆ كوشەسىنەن «بۋرىل» ستانساسىنا دەيىنگى ارالىقتاعى «قاپال» كانالىنىڭ 650 مەتر ارناسى مەحانيكالىق تازالاندى.

قالا بويىنشا جالپى 8 كانال بار. ولاردىڭ ۇزىندىعى - 82،55 شاقىرىمدى قۇرايدى. ونىڭ ىشىندە: «سەڭكىباي» كانالى 10 شاقىرىم، «قاپال» كانالى 10 شاقىرىم، «ءۇشبۇلاق» كانالى 13،9 شاقىرىم، «قاراسۋ-1» كانالى 3،35 شاقىرىم، «قاراسۋ-2» كانالى 12،4 شاقىرىم، «تورەگەلدى» كانالى 5،7 شاقىرىم، «بازارباي» كانالى 3،2 شاقىرىم، «تۇيتە» كانالى 24 شاقىرىمدى قۇرايدى.

درەناج كانالىنىڭ سانى ەكەۋ. ولاردىڭ ۇزىندىعى 12،7 شاقىرىم شاماسىندا. مىسالى، «وڭتۇستىك قۇرعاتۋ» كانالى 10 شاقىرىم، «تايۆان القابىن قۇرعاتۋ» كانالى 2،7 شاقىرىم.

قالانىڭ يرريگاسيالىق ارىق جۇيەلەرىنىڭ جالپى ۇزىندىعى - 164 شاقىرىم. ونىڭ ىشىندە: لوتوك جۇيەسى - 21،4 شاقىرىم، سۋارمالى جەرلەردىڭ كولەمى – 9،1 شاقىرىم. گيدروتەحنيكالىق قۇرىلعىلار سانى - 24 دانا، قۇبىر وتكەلدەردىڭ سانى - 560 دانا، كانالداعى سۋ قالقانشاسىنىڭ (شليۋز) سانى - 71 دانا، ارىق جۇيەسىندەگى سۋ قالقانشاسىنىڭ سانى - 120 دانا.