پرەزيدەنت ق.توقايەۆتىڭ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا ينفراقۇرىلىمدى دامىتۋ جايىنا دا ايرىقشا نازار اۋداردى. وسى ورايدا مەملەكەت باسشىسى «الداعى ءۇش جىل ىشىندە تۇرعىنداردى تازا اۋىز سۋمەن جانە سۋ جەتكىزۋمەن قامتاماسىز ەتۋگە شامامەن 250 ميلليارد تەڭگە بولىنەدى.
اتقارۋشى بيلىك ورگاندارى «نۇرلى جول» باعدارلاماسىن تولىق جانە ساپالى ىسكە اسىرۋعا باسا ءمان بەرۋى كەرەك.
بۇل – ستراتەگيالىق جوبا. سونىڭ ارقاسىندا بۇكىل كولىك ينفراقۇرىلىمى جاڭعىرتىلادى.
وسى ماقساتقا وراي، مەملەكەت 2022 جىلعا دەيىن 1،2 تريلليون تەڭگەدەن استام ينۆەستيسيا سالادى» دەپ اتاپ كورسەتتى.
قازىرگى تاڭدا تاراز قالاسىندا ينفراقۇرىلىمدى دامىتۋ ماسەلەسى شاھاردىڭ 2010 جىلى بەكىتىلگەن باس جوسپارىمەن سايكەستەندىرىلە جۇرگىزىلۋدە.
بۇگىنگى كۇنگە، باس جوسپارداعى قايتا جاڭعىرتىلاتىن اۋماقتار 55،7 پايىزعا ەگجەي-تەگجەيلى جوسپارلاۋمەن قامتىلعان. بولاشاقتا باس جوسپاردى تولىق ورىنداۋ ماقساتىندا جالپى 7 072 گەكتار كولەمىن ەگجەي-تەگجەيلى جوسپارىمەن قامتۋ قاجەت. وسى جۇمىستار ءۇش كەزەڭگە ءبولىنىپ، ۇستىمىزدەگى جىلى 2 960 گەكتار اۋماق ەگجەي-تەگجەيلى جوسپارلاۋ جوبالارىمەن قامتىلاتىن بولادى.
2018 جىلى، العاشقى كەزەڭدەرگە قۇرىلىس جۇمىستارىن جوبالاۋ ماقساتىندا قالا ورتالىعىنىڭ 102 گەكتارىنا، «تەكتۇرماس» تاريحي-مەموريالدىق كەشەنىنىڭ 59 گەكتارىنا، «اراي» تۇرعىن القابىنىڭ 241 گەكتارىنا جانە «كولتوعان»، «جيدەلى»، «قاراساي»، «قىزىل-اباد» تۇرعىن القاپتارىنىڭ 556 گەكتارىنا، جالپى 958 گەكتارىنا ەگجەي-تەگجەيلى جوسپارلاۋ جوبالارى ازىرلەندى.
قالاداعى وزەكتى ماسەلەلەردىڭ ءبىرى «قۇمشاعال»، «ءشولدالا» تۇرعىن القاپتارىنىڭ اۋماعىندا ورنالاسقان 28 ساياجايعا «تۇرعىن القابى» مارتەبەسىن بەرۋ ماقساتىندا جالپى 1028 گەكتارعا ەگجەي-تەگجەيلى جوسپارلاۋ جوباسى بەكىتىلىپ، ساياجاي تۇرعىندارى جەر بولىمىنە وتىنىشتەرىن بەرۋدە.
كەلەسى كەزەكتە، قالاداعى 6 418 گەكتار قۇرىلىس جۇرگىزىلگەن اۋماقتاردا ينجەنەرلىك گەودەزيالىق جۇمىستارىن جۇرگىزۋگە كوڭىل بولىنۋدە. 2019 جىلى ونىڭ 3086 گەكتارى قالا بيۋدجەتى جانە «قالا كاداستر» كاسىپورىنى ەسەبىنەن توپو تۇسىرىلىممەن قامتىلاتىن بولادى. بۇل جۇمىستار كەزەڭ-كەزەڭىمەن جۇرگىزىلەدى. وسىلايشا تاراز قالاسىنداعى تىندىرىمدى تىرلىكتەر رەت-رەتىمەن ىسكە اسۋدا.
پىكىر قالدىرۋ