مەملەكەت باسشىسى ق.توقايەۆ قازاقستان حالقىنا جاساعان العاشقى جولداۋىندا باسىم باعىتتاردىڭ ءبىرى رەتىندە ءبىلىم بەرۋ سالاسىن دامىتۋعا باسا نازار اۋدارعانى بەلگىلى. بۇل تۇرعىدا وقۋشىلاردىڭ ءوي-ورىسىن دامىتۋ مەن مۇعالىمدەردىڭ بىلىكتىلىگىن ارتتىرۋدان بولەك مەكتەپتەردىڭ ماتەريالدىق-تەحنيكالىق بازاسىن نىعايتۋدىڭ دا ماڭىزى زور. بۇگىندە تاراز قالاسىندا بۇل باعىتتا اۋىز تولتىرىپ ايتارلىقتاي جۇمىستار اتقارلىلۋدا.

ايتا كەتۋ كەرەك، بيىل قالاداعى مەكتەپتەردىڭ ماتەريالدىق-تەحنيكالىق جاعدايىن نىعايتۋ ماقساتىندا №41 گيمنازياعا بيولوگيا كابينەتىن الۋعا 5،7 ملن. تەڭگە، №11 مەكتەپكە فيزيكا كابينەتىن الۋعا 7،1 ملن. تەڭگە، №18 مەكتەپكە حيميا كابينەتىن الۋعا 6،6 ملن. تەڭگە، 28 مەكتەپتىڭ پاندۋستارىن تالاپتارعا سايكەستەندىرۋگە 31،2 ملن. تەڭگە، 10 مەكتەپكە روبوتتەحنيكا كابينەتىن الۋعا 87،8 ملن. تەڭگە جانە 16 مەكتەپتىڭ بەينەباقىلاۋىن جاڭارتۋعا 55،2 ملن. تەڭگە قاراجات قاراستىرىلىپ، كونكۋرستىق جۇمىستار جۇرگىزىلۋدە. سونىمەن قاتار، №5، 45، 51، 54 مەكتەپتەردەن IT سىنىپتارىن اشۋعا جەرگىلىكتى بيۋدجەتتەن 44،6 ملن. تەڭگە قاراستىرىلدى. مەكتەپتەن تىس تەحنيكالىق شىعارماشىلىق ورتالىعىنان تەحنوپارك اشۋعا 14،8 ملن. تەڭگە ءبولىندى.

ەسەپتى جىلى №№8، 12، 14، 39، 52، 50، 57، 15، 23 مەكتەپتەردى اعىمداعى جوندەۋدەن وتكىزۋگە 26،9 ملن. تەڭگە قاراستىرىلىپ، جوندەۋ جۇمىستارى جۇرگىزىلدى.

قازىرگى تاڭدا، كەيبىر مەكتەپتەردە باسقا دا كۇردەلى ماسەلەلەر شەشۋدى قاجەت ەتەدى. ولار، №22 مەكتەپكە اكت زالى مەن اسحاناعا ارنالعان جانە №7 مەكتەپكە اكت زالى مەن 5 سىنىپ بولمەلەرگە ارنالعان جاپسارلاس عيماراتتارىنىڭ قۇرىلىستارىن جۇرگىزۋ كەرەك. بۇل ماسەلەلەر بويىنشا جوبالىق سمەتالىق قۇجاتامالاردى ازىرلەۋ جۇمىستارى وسى جىلى باستالىپ، قۇرىلىستى 2021 جىلى جۇرگىزۋ كوزدەلۋدە.

سونىمەن قاتار وبلىس دەڭگەيىندە بەكىتىلگەن ءبىلىم نىساندارى قۇرىلىسىنىڭ جول كارتاسىنا سايكەس، «شالعاي-قاراسۋ» جانە «بارىسحان» تۇرعىن القاپتارىندا ءارقايسىسى 600 ورىندى مەكتەپتەردىڭ جانە «كازارما» القابىندا 180 ورىندى مەكتەپتىڭ قۇرىلىستارى، 2021 جىلى «اراي» جانە «قاينار» القاپتارىندا ءارقايسىسى 600 ورىندى مەكتەپتەردىڭ قۇرىلىستارى جوسپارلانۋدا.

اتالعان نىساندار بويىنشا قازىرگى تاڭدا جوبالىق-سمەتالىق قۇجاتامالارى ازىرلەنۋدە.

ال، №1 ليسەيگە 300 ورىنعا ارنالعان جاپسارلاس عيماراتتىڭ جوبالىق سمەتالىق قۇجاتتامالارى ازىرلەنىپ، مەملەكەتتىك ساراپتامادان شىقتى. 2020 جىلى جوعارى تۇرعان بيۋدجەتكە ۇسىنىلاتىن بولادى.