قازاقستان رەسپۋبليكاسى پرەزيدەنتى اكىمشىلىگى جانىنداعى بالالاردىڭ قۇقىقتارى مەن زاڭدى مۇددەلەرىن قورعاۋدى قامتاماسىز ەتۋ جۇيەسىن جەتىلدىرۋ تۋرالى ۇسىنىستاردى زەردەلەۋ جانە جيناقتاۋ ماسەلەلەرى جونىندەگى جۇمىس توبىن جامبىل وبلىسىنا باستاپ كەلگەن «Nur Otan» پارتياسىنىڭ كونسۋلتانتى مانسيا يسكازينا جۋالى اۋدانىندا جۇمىس ساپارىمەن بولدى، دەپ جازادى Qamshy.kz اقپارات اگەنتتىگى. 

جۋالى اۋدانىنا كەلگەن قۇرامىندا جۇمىس توبىنىڭ باسشىسى، «Nur Otan» پارتياسىنىڭ كونسۋلتانتى مانسيا يسكازينا، ق ر ءبىلىم جانە عىلىم مينيسترلىگى بالالار قۇقىقتارىن قورعاۋ كوميتەتىنىڭ مامانى ءاليا جەكەنوۆا بار جۇمىس توبىن اۋدان اكىمى نارباي ەرگەبەكوۆ قابىلدادى. مانسيا اياپبەرگەن قىزى وڭىرلەردە اتالعان باعىتتا «باقىتتى وتباسى» پارتيالىق جوباسىنىڭ تابىسپەن ىسكە اسىرىلىپ جاتقانىن ەسكە سالا كەلە، ايماق باسشىسىن جوبانىڭ ءبىرقاتار باعىتتارىنىڭ ورىندالۋ بارىسىنان حاباردار ەتتى. نارباي ءابىلقاسىم ۇلى ءوز كەزەگىندە اۋداندا بالالاردىڭ قۇقىقتارى مەن زاڭدى مۇددەلەرىن قامتاماسىز ەتۋ باعىتىندا اتقارىلىپ جاتقان جۇمىستاردىڭ بارىسىمەن تانىستىرا كەلە، توپ جۇمىسىنا ساتتىلىك تىلەدى. ول سونداي-اق، بالالاردىڭ جازعى دەمالىسىن ۇيىمداستىرۋدا ءبىر عانا لاگەردىڭ ازدىق ەتەتىنىن ايتىپ، اۋدان اۋماعىندا ورنالاسقان، الايدا بۇرىن كورشىلەس تالاس اۋدانىنىڭ مەنشىگىنە وتكەن «جۇرىندىساي» ساۋىقتىرۋ لاگەرىن اۋدان مەنشىگىنە الۋدى قاراستىرۋ، وقۋشى جاستاردىڭ بوس ۋاقىتىن ءتيىمدى وتكىزۋ جانە ءتۇرلى قابىلەتتەرگە بەيىمدەۋ ماقساتىندا وقۋشىلار سارايىن سالۋ، جاقىندا اشىلعان مۇمكىندىگى شەكتەۋلى بالالاردى وڭالتۋ ورتالىعىن قارجىلاي دەمەۋ ماسەلەلەرىن شەشۋ تۋرالى ۇسىنىسىن جەتكىزدى. بالالار جانە جاسوسپىرىمدەر سپورت مەكتەبىندە بولعاندا جۇمىس توبىنىڭ مۇشەلەرى مەكەمەدە بالالاردىڭ جاتتىعۋىنا جانە سپورتپەن شۇعىلدانۋىنا جاسالعان جاعدايمەن تانىستى. ولار ءجاسوسپىرىم سپورتشىلار جۋىناتىن، شەشىنەتىن بولمەلەردى ارالاپ، جابدىقتالۋىنا، سپورت قۇرال-سايماندارىنىڭ جۇمىسىنا نازار اۋداردى. جۇمىس توبىمەن بىرگە جۇرگەن اۋدان اكىمىنىڭ ورىنباسارى ەربول جاڭابايەۆقا، «Nur Otan» پارتياسى اۋداندىق فيليالى ءتوراعاسىنىڭ ءبىرىنشى ورىنباسارى انار احمەتوۆاعا، دەنە شىنىقتىرۋ جانە سپورت ءبولىمىنىڭ باسشىسى ماقسۇتبەك ارزىمبەتوۆكە مىنەزى قيىن بالالاردى سپورتقا تارتۋ ارقىلى تۇزەۋ شارالارىنا، سونىمەن بىرگە مۇمكىندىگى شەكتەۋلى بالالاردىڭ دا سپورتپەن شۇعىلدانۋىنا جاعداي جاساۋ قاجەتتىگىنە باسا كوڭىل ءبولۋ قاجەتتىگىن ەسكەرتتى.