جولداۋ تالقىلاۋدى ەمەسە، ناقتىلاۋدى، بەلگىلەنگەن مىندەتتى ءمىنسىز ورىنداۋدى تالاپ ەتەدى. وسىعان وراي بۇگىندە جولداۋ جۇكتەگەن تاپسىرمالاردى ورىنداۋ باعىتتارى بارلىق قۇرىلىمدىق سالادا جۇرگىزىلۋدە. جامبىلدىق توتەنشە جاعدايلار قىزمەتى دە قۇندى قۇجاتتىڭ باعدارىن باعامداپ باس قوستى، دەپ جازادى Qamshy.kz اقپارات اگەنتتىگى.  جامبىل وبلىسى توتەنشە جاعدايلار دەپارتامەنتى ءورت ءسوندىرۋ قىزمەتىنىڭ 2018-2020 جىلدىرعا ارنالعان جەمقورلىققا قارسى باعدارلاماسىنا وراي جانە وفيسەرلىك قۇرام جينالىسىنىڭ 2 حاتتاماسىن ورىنداۋ ماقساتىندا، جامبىل وبلىسى تجد اسا ماڭىزدى ىستەر جونىندەگى اعا جەدەل ۋاكىلى، پوليسيا پودپولكوۆنيگى ساگينوۆ ديدار ساتباي ۇلى تجد جانە ءورت ءسوندىرۋ قىزمەتىنىڭ كادر ساياساتى بولىمىمەن بىرلەسىپ، بايزاق اۋدانى «نۇر وتان» پارتياسى فيليالىنىڭ ءماجىلىس زالىندا، اتالعان پارتيانىڭ جانە «اتامەكەن» كاسىپكەرلەر پالاتاسىنىڭ، حالىققا قىزمەت كورسەتۋ ورتالىعىنىڭ، اۋداندىق اۋرۋحاناسىنىڭ وكىلدەرىمەن، تج ءبولىمىنىڭ جانە بايزاق اۋدانى №8 ءورت ءسوندىرۋ ءبولىمىنىڭ جەكە قۇرامىمەن «زاڭدىلىقپەن ءتارتىپتى، جول ءجۇرۋ ەرەجەسىن، قازاقستان رەسپۋبليكاسى مەملەكەتتىك قىزمەتشىلەرىنىڭ ادەپ كودەكسىن ساقتاۋ، ازاماتتىق قورعاۋ قىزمەتكەرلەردىڭ جۇمىستارىندا سىبايلاس جەمقورلىقتىڭ قۇرامىن بولدىرماۋى ماسەلەسى بويىنشا جانە ق ر پرەزيدەنتىنىڭ جولداۋى» تاقىرىبىندا دوڭگەلەك ۇستەل وتكىزىلدى.

تجد كادر ساياساتى ءبولىمىنىڭ باس مامانى، ازاماتتىق قورعاۋ مايورى دجۋماتايەۆ الماز باۋىرجان ۇلى، جيىنعا قاتىسۋشىلاردى جامبىل وبلىسى گارنيزونىنىڭ 2019 جىلعى 9 اي ىشىندەگى زاڭدىلىق پەن ءتارتىپ بويىنشا شولۋ جاسادى. بايزاق اۋدانى «نۇر وتان» پارتياسى فيليالىنىڭ ءتوراعاسى بايتاكوۆا شولپان قايرات قىزى توتەنشە جاعداي بولىمشەلەرىنىڭ جۇمىستارىنىڭ كۇردەلى قىزمەت ەكەندىگىن تىلگە تيەك ەتىپ، تج ينسپەكتورلارىمەن ءبىلىم بەرۋ جۇيەسىندە، ياعني مەكتەپتەر مەن بالاباقشالاردا تەكسەرۋ جۇرگىزىلگەندىگىن، سونداي-اق ولاردىڭ ۇيعارىمدارىنىڭ سايكەستەندىرىلگەندىگىن ايتىپ، اۋداندا قوعام تاراپىنان تج قىزمەتىنە قازىرگى ۋاقىتتا ەشقانداي ارىز-شاعىمنىڭ جوقتىعىن العا تارتتى. ول ءوز سوزىندە ق ر پرەزيدەنتىنىڭ ءورت سوندىرۋشىلەردىڭ جالاقىلارىن ارتتىرۋ جانە ءتۇرعىنۇي ماسەلەسى بويىنشجولداۋىنان تۋىندايتىن ءتۇرعىنۇي تولەمدەرىن تولەۋ ماسەلەسىن دە اتاپ ءوتىپ، اۋداندا شتات سانى مەن تەحنيكالاردىڭ جەتىسپەۋشىلىگىن دە تىلگە تيەك ەتتى. «اتامەكەن» كاسىپكەرلەر پالاتاسىنىڭ وكىلى اتالعان قىزمەتكە كاسىپكەرلەر تاراپىنان دا ەشقانداي ارىز-شاعىمنىڭ تۇسپەگەندىگىن اتاپ ءوتتى. پوليسيا پودپولكوۆنيگى ساگينوۆ

ديدار ساتپايەۆيچ جيىنعا قاتىسۋشىلاردى رەسپۋبليكادا ورىن العان قۇقىق بۇزۋشىلىقتارمەن تانىستىرا كەلە تج بولىمدەرىنىڭ ينسپەكتورلارىنا جانە جەكە قۇرامعا كۇندەلىكتى قىزمەت بارىسىندا جەمقورلىق ارەكەتتەرىنە جول بەرمەۋ قاجەتتىگىن باسا ايتتى. ازاماتتىق قورعاۋ مايورى الماس دجۋماتايەۆ ق ر پرەزيدەنتىنىڭ جولداۋىنداعى «كونتسرۋكتيۆتى قوعامدىق ديالوگ – قازاقستاننىڭ تۇراقتىلىعى مەن گۇلدەنۋىنىڭ نەگىزى» بويىنشا ءسوز قوزعادى.

دوڭگەەلك ۇستەل سوڭىندا ديدار ءساتباي ۇلى تج بولىمدەرى مەن ءورت ءسوندىرۋ بولىمدەرىنىڭ باستىقتارىنا وزدەرىنە باعىنىستى قىزمەتكەرلەردى جۇمىستا نەمەسە جۇمىستان تىس ۋاقىتتا دا ءتيىستى دەڭگەيدە باقىلاۋ قاجەتتىگىن تاپسىردى.