ق ر پرەزيدەنتى اكىمشىلىگى جانىنان قۇرىلعان جۇمىسشى توپ مۇشەلەرى ر.س.قۇتتىبايەۆ پەن ش.ب بايكۋبەكوۆ جامبىل وبلىسى قۇلان اۋىلىنا جۇمىس ساپارىمەن كەلىپ، ءبىرقاتار الەۋمەتتىك نىسانداردى ارالادى، دەپ جازادى Qamshy.kz اقپارات اگەنتتىگى.  جۇمىسشى توپتىڭ باستى ماقساتى - بالالاردىڭ قۇقىعىن قورعاۋ جۇيەسى مەن اۋدانداعى بالالاردىڭ زاڭ اياسىندا قۇقىقتارىنىڭ تالاپقا ساي قورعالۋىن زەردەلەۋ. جۇمىس ساپارىن العاش قۇلان اگروتەحنيكالىق كوللەدجىنەن باستاپ، اتالمىش وقۋ ورنىنىڭ وقۋ-تاربيە ۇردىسىمەن، تىنىس-تىرشىلىگىمەن تانىستى. كوللەدج ديرەكتورىنىڭ مىندەتىن اتقارۋشى م.س.باگىلبەكوۆا ارناۋلى ورتا وقۋ ورنىنىڭ ماتەريالدىق-تەحنيكالىق بازاسىمەن،وقۋ-تاربيە پروسەسىنىڭ ۇيىمداستىرىلۋىمەن تانىستىردى. كوللەدج وقىتۋشىلارىنىڭ شەت مەملەكەتتە بىلىكتىلىگىن ارتتىرۋى، جالپى بىلىكتىلىكتى ارتتىرۋ جۇمىستارىنىڭ كەدەرگىسىز وتكىزىلۋى، كوللەدجدىڭ سەرىكتەس كوللەدجدەرى جايلى سۇراقتار قويىلىپ، ناقتى جاۋاپتار بەرىلدى. كوللەدج وقىتۋشىلارى گەرمانيا،بەلورۋسيا،رەسەي،چەحيا،مالايزيا،انگليادا بىلىمدەرىن جەتىلدىرگەن. وقىتۋشىلاردىڭ بىلىكتىلىگىن ارتتىرۋى كەدەرگىسىز جۇرگىزىلەدى. كوللەدج وڭتۇستىك ايماقتاعى 3 كوللەدجبەن كەلىسىم -شارت نەگىزىندە بىرلەسكەن ءىس-شارالار اتقارادى. ودان كەيىن وقۋ كابينەتتەرىن، دانەكەرلەۋ سەحى ، ۆەتەرينارلىق-كلينيكا جۇمىسىمەن تانىستى. «ۆەتەريناريا» ماماندىعى بويىنشا كوللەدج كۇتىمىندەگى مالدىڭ جاي-كۇيىمەن،ونى باعۋ، ستۋدەنتتەردىڭ تاجىريبە جۇمىستارىمەن تانىستى. كوللەدج يەلىگىندەگى مال وقۋ پروسەسىندە پايدالانىلاتىنى،ولاردىڭ كۇتىمىمەن وندىرىستىك وقىتۋ شەبەرلەرى اينالىساتىنى تۋرالى،اۋىرعان جاعدايدا ۆەتەريناريا ماماندىعىنىڭ وقىتۋشىلارى ەمدەيتىنى تۋرالى اقپاراتقا قانىقتى. جاتاقحاناداعى ستۋدەنتتەردىڭ تۇرمىس -تىرشىلىگىمەن تانىسىپ،كوللەدج مەيىربيكەسىنىڭ جۇمىسىمەن تانىسىپ، كوللەدجدىڭ اۋداندىق ورتالىق ەمحانامەن كەدەرگىسىز جۇمىس اتقارۋى، رۇقسات ەتىلگەن مەديسينالىق دارى-دارمەكتەردى الۋ مۇمكىندىگى تۋرالى سۇراقتار قويىپ،ناقتى فاكتىلەرمەن اقپاراتتار بەرىلدى.

وسى كۇنى جۇمىسشى توپ مۇشەلەرى اۋدانداعى سپورت سالاسى بويىنشا №1 بالالار مەن جاسوسپىرىمدەر سپورت مەكتەبى قىزمەتكەرلەرىنىڭ جۇمىس جوسپارىمەن تانىستى.

كەزدەسۋدە قىزمەتكەرلەر تاراپىنان سپورت نىسانىنىڭ ماتەريالدىق بازاسىن نىعايتۋ، سپورتتىق قۇرال-جابدىقتارمەن قامتاماسىز ەتۋ جانە جاتتىقتىرۋشىلاردىڭ جالاقىسىن كوتەرۋ قاجەتتىگى تۋرالى ۇسىنىستار ايتىلىپ، ءوز پىكىرلەرىمەن ءبولىستى.