جامبىل وبلىسىنا اسقار مىرزاحمەتوۆ اكىم بولىپ كەلگەلى ەلدى مەكەندەگى شەندىلەردىڭ جۇمىس الگوريتمى بەكىتىلىپ، اكىم قارالار وسى سىزبا بويىنشا جۇمىس جاساي باستاعان بولاتىن. جانە ءار ەسەپتى توقساندا ولاردىڭ جۇمىس جۇيەسى وسى الگوريتم ارقىلى باعالانىپ، جاڭىلعاندار جازادان قاشىپ قۇتىلماعان-دى. سوندىقتان جىل سوڭىنا قاراي اۋدان اكىمدەرى كورسەتكىشىن تۇزەۋ ءۇشىن اۋىل-اۋىلداردى ارالاۋدا. جۋالى اۋدانىنىڭ اكىمى نارباي ەرگەبەكوۆ تە بۇل ۇردىستەن اينىماي وتىر، دەپ جازادى Qamshy.kz اقپارات اگەنتتىگى. 

اۋدان اكىمى جۇمىس ساپارىمەن ەڭ الدىمەن بيلىكول اۋىلدىق وكرۋگىنە باردى.اۋدان باسشىسىنىڭ جۇمىس ساپارى وكرۋگكە قاراستى ءابدىقادىر جۇرگەن ۇلى اۋىلىنان باستاۋ الدى. وندا نارباي ەرگەبەكوۆ №36 شوقان ءۋاليحانوۆ اتىنداعى نەگىزگى مەكتەپتىڭ جۇمىسىمەن تانىسىپ، قىسقى جىلىتۋ ماۋسىمىنا دايىندىق بارىسىمەن تانىستى.نارباي ءابىلقاسىم ۇلىنىڭ وكرۋگكە جاساعان ساپارى جىلىبۇلاق اۋىلىندا ءوز جالعاسىن تاپتى. وندا جىلىبۇلاق باستاۋىش مەكتەبىنىڭ جۇمىسى، اۋىلدىق مەديسينالىق پۋنكتتىڭ، اۋىلدىق كلۋبتىڭ جاي-كۇيى نازارعا الىندى. اۋىلداعى جالعىز اعارتۋ مەكەمەسى 2001 جىلدان بەرى جۇمىس ىستەپ كەلەدى ەكەن. ءبىلىم وشاعىندا 1 جانە 4 سىنىپ ارالىعىندا 23 وقۋشى ءبىلىم الۋدا. ال دايارلىق توبىندا جەتى بالا بار. ءبىلىم وشاعى كۇردەلى جوندەۋدى قاجەت ەتىپ وتىر. شاعىن مەكتەپتىڭ باسقا دا پروبلەمالارىن مەكەمە باسشىسى كۇلبالا وماروۆا ايتىپ بەردى. ايتا كەتۋ كەرەك، اۋدان باسشىسى داربازا اۋىلىندا دا بولىپ، اۋىلدىق مەدپۋنكتتىڭ جۇمىسىمەن تانىستى.

اۋدان اكىمىنىڭ جۇمىس ساپارى كەلەسى كەزەكتە اۋىلدىق وكرۋگتىڭ ورتالىعى قاراباستاۋ اۋىلىندا ءوز جالعاسىن تاپتى. وندا ءبىرقاتار الەۋمەتتىك نىساندار مەن اۋىلدىق مەشىتتىڭ كۇندەلىكتى جۇمىستارى مەن ماسەلەلەرى نازارعا الىندى. سونىمەن بىرگە ق.قوشمامبەتوۆ اتىنداعى ورتا مەكتەپكە جىلىتۋ قازاندىعى سالىنۋدا. اۋدان باسشىسى نارباي ەرگەبەكوۆ بۇل جۇمىستاردى دا ءوز كوزىمەن كورىپ، جۇمىستاردى جۇرگىزىپ جاتقان ءتيىستى مەردىگەر كومپانيا باسشىلارىنا جۇمىستى ساپالى ءارى بەلگىلەنگەن ۋاقتىسىندا اياقتاۋدى تاپسىردى.

اۋدان باسشىسىنىڭ بيلىكول اۋىلدىق وكرۋگىنە جاساعان جۇمىس ساپارى قاراباستاۋ اۋىلىنداعى مادەنيەت ۇيىندە قورىتىندىلانىپ، وندا ءبىرقاتار وزەكتى ماسەلەلەر تالقىلاندى. جيىندى نارباي ەرگەبەكوۆ اشىپ، باسقوسۋدى اشىق ءارى ەركىن فورماتتا وتكىزۋدى ۇسىندى. العاش بولىپ اۋىلدىق وكرۋگتىڭ جاڭادان سايلانعان اكىمى تالعات امىرالييەۆ اعىمدىعى جىلدىڭ توعىز ايىندا اتقارىلعان جۇمىستار جونىندە بايانداما جاسادى.

– اعىمداعى جىلدىڭ سەگىز ايىندا وكرۋگتە «وڭىرلەردى دامىتۋ» باعدارلاماسى شەڭبەرىندە داربازا اۋىلىنداعى داربازا كوشەسىن اعىمداعى جوندەۋ جۇمىستارى جۇرگىزىلىپ، تولىعىمەن اياقتالدى. سونىمەن بىرگە جىلىبۇلاق اۋىلىنداعى جىلىبۇلاق كوشەسى دە ورتا جوندەۋدەن وتكىزىلدى. شاعىن كاسىپكەرلىك سالاسىنداعى جۇمىستار ءوز دەڭگەيىندە اتقارىلۋدا،- دەدى تالعات پەرنەبەك ۇلى.

كەلەسى كەزەكتە اۋدان اكىمى نارباي ەرگەبەكوۆ ءسوز الىپ، ءبىرقاتار ماسەلەلەردى ءسوز ەتتى.

-بيىلعى جىلى وبلىس اكىمى اسقار مىرزاحمەتوۆتىڭ تىكەلەي باستاماسىمەن «قاراپايىم زاتتار ەكونوميكاسى» قاناتقاقتى جوباسى قولعا الىنىپ وتىر. سىزدەردى وسى جوبا اياسىنداعى جۇمىستارعا بەلسەندى قاتىسۋعا شاقىرامىن. قازىرگى تاڭدا كاسىپكەرلىككە بەت بۇرۋ ماڭىزدى. جۇمىستىڭ كوزىن تاۋىپ، ەرىنبەگەن ادامعا كاسىپ كوپ. ەڭ الدىمەن كاسىپكەرلىكتى دامىتۋعا كۇش سالىڭىزدار دەگىم كەلەدى، - دەدى اكىم.