«ءبىز وقۋشىلاردىڭ قابىلەتىن ايقىنداپ، كاسىبي باعىت-باعدار بەرۋ ساياساتىنا كوشۋىمىز قاجەت.

بۇل ساياسات ورتا ءبىلىم بەرۋدىڭ ۇلتتىق ستاندارتىنىڭ نەگىزى بولۋى ءتيىس.

ەكونوميكامىزدا تەحنيكا سالاسىنىڭ ماماندارىنا سۇرانىس وتە جوعارى، ءبىراق مۇمكىندىكتەر از. كاسىپورىندار ءتيىستى مامانداردى شەتەلدەن شاقىرۋعا ءماجبۇر. وسىنداي كەلەڭسىز جاعدايدى جەدەل تۇزەتۋىمىز كەرەك». مەملەكەت باسشىسى قاسىم-جومارت توقايەۆ «سىندارلى قوعامدىق ديالوگ-قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىندا وسىلاي دەگەن بولاتىن.

راسىندا دا ءبىلىم برۋ سالاسىن دامىتۋ كۇن تارتىبىنەن تۇسكەن ەمەس. باعدارلى باستامالار اياسىندا تاراز قالاسىندا دا تىندىرىمدى تىرلىكتەر تىكتەلۋدە.

بۇگىندە قالاداعى جالپى ءبىلىم بەرەتىن كۇندىزگى 60 مەكتەپ پەن 1 كەشكى مەكتەبىندە جالپى 70 969 بالا جاڭا وقۋ جىلىن باستاسا، ونىڭ ىشىندە كۇندىزگى مەكتەپتەردە 70 717 وقۋشى جانە كەشكى مەكتەپتە 252 وقۋشى ءتالىم تەرۋدە. ونىڭ ىشىندە ارنايى سىنىپتاردا تۇزەتە-دامىتۋ وقىتۋ باعدارلاماسىمەن – 265، ينكليۋزيۆتى بىلىممەن –171، ءۇي جاعدايىندا 647 وقۋشى بىلىممەن قامتىلعان. وتكەن جىلمەن سالىستىرعاندا وقۋشىلار سانى 3814 بالاعا وسكەن ال مۇعالىمدەر سانى 5911 بىرلىكتى قۇرايدى. سونىمەن قاتار، 186 مەكتەپ الدى دايارلاۋ سىنىپتارىندا 3672 بالا ءبىلىم الۋدا

-2019 جىلى جالپى ءبىلىم سالاسىنا 28 ميلليارد 308،0 ميلليون تەڭگە ءبولىندى. بۇل 2018 جىلمەن سالىستىرعاندا 18،4 پايىزعا جوعارى بولىپ وتىر. جالپىعا مىندەتتى ءبىلىم بەرۋ قورى شىعىندارى ەسەبىنەن از قامتاماسىز ەتىلگەن وتباسىنىڭ بالالارىنا 2019 جىلعا 1 ميلليارد 273،8 ميلليون تەڭگە قاراجات قاراستىرىلعان. ونىڭ ىشىندە از قامتاماسىز ەتىلگەن وتباسىلاردىڭ 11566 بالاسىنىڭ تەگىن ىستىق تاماعىنا – 722،2 ميلليون تەڭگە، كيىم-كەشەككە 375،3 ميلليون تەڭگە، جازعى مەكتەپ جانىنداعى لاگەرلەرگە 35،8 ميلليون تەڭگە، جازعى ساۋىقتىرۋ لاگەرىنە 140،4 ميلليون تەڭگە قاراستىرىلعان،-دەيدى تاراز قالاسىنىڭ اكىمى قايرات دوسايەۆ.

ايتا كەتۋ كەرەك، تاراز قالاسى اكىمدىگىنىڭ 2019 جىلعى 14 ناۋرىزداعى №810 قاۋلىسىمەن تەگىن ىستىق تاماقتىڭ قۇنى، ءبىر بالاعا 450 تەڭگە بولىپ بەكىتىلدى. ال مەكتەپتەردەگى موديفيكاسيالى سىنىپتاردىڭ سانى 115 بىرلىكتى قۇرادى. ونىڭ ىشىندە حيميا – 22، فيزيكا – 24، بيولوگيا – 24، لينگافوندىق نەمەسە مۋلتيمەديالىق سىنىپتار – 45. سونداي-اق 60 مەكتەپ بەينە باقىلاۋمەن، 59 ءبىلىم مەكەمەسى 393 ينتەراكتيۆتى تاقتالارمەن قامتاماسىز ەتىلگەن. قالاداعى 60 مەكتەپتىڭ بارلىعى كەڭ جولاقتى ينتەرنەت جەلىسىمەن قامتىلعان. سونداي-اق، قالا ماڭىنداعى ارا قاشىقتىعى 3 شاقىرىمنان اساتىن ساياجايلاردان 2232 وقۋشى 7 مەكتەپكە 17 اۆتوكولىكپەن تاسىمالدانادى. وسى مەكتەپتەردەگى وقۋشىلار سانى وتكەن جىلمەن سالىستىرعاندا 452-گە ءوسىپ وتىر. وسىعان بايلانىستى، 2 مەكتەپكە 2 اۆتوبۋس ساتىپ الۋعا 28،9 ميلليون تەڭگە قارجى قاراستىرىلىپ، اۆتوبۋستار ساتىپ الىندى.