ەلباسى نۇرسۇلتان ءابىش ۇلى نازاربايەۆ حالىقتى جۇمىسپەن قامتۋ جانە جاپپاي كاسىپكەرلىكتى دامىتۋعا ايرىقشا نازار اۋدارىپ، ۇكىمەتكە تىڭ تاپسىرمالار بەرگەن بولاتىن. وسى ورايدا ەلىمىزدە «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى قابىلدانعان-دى.

بۇگىندە اتالمىش باعدارلاما تاراز قالاسىندا دا جۇيەلى جۇزەگە اسۋدا. سونىڭ ناتيجەسىندە الەۋمەتتىڭ الەۋەتى ارتىپ، كاسىپكەرلىك كوكجيەگى كەڭەيىپ كەلەدى. باعدارلاما اياسىندا بيىل 217،6 ميلليون تەڭگە قارجى قاراستىرىلىپ، 1571 ادامدى جۇمىسپەن قامتۋ جوسپارلانعان ەدى. اعىمداعى جىلدىڭ 8 ايىندا 1305 ادام قامتىلىپ، كورسەتكىش 55،8 پايىزدى قۇرادى. بۇل باعىتتاعى جۇمىستار الداعى ۋاقىتتا دا جالعاسا بەرەتىن بولادى.

باعدارلامانىڭ ءبىرىنشى باعىتى-«جۇمىسشى كادرلاردى ەڭبەك نارىعىندا سۇرانىسقا يە بىلىكتىلىكتەر جانە داعدىلارعا بەيىمدەۋ» بويىنشا وبلىستىق بيۋدجەت ەسەبىنەن 136،6 ميلليون تەڭگە ءبولىنىپ، 960 ادامدى قىسقا مەرزىمدى كاسىپتىك وقۋ تەتىگى بويىنشا وقىتۋ جوسپارلانعان. قازىرگى تاڭدا سۇرانىسقا يە 30 ماماندىق بويىنشا 987 ادامنىڭ ءتىزىمى جيناقتالىپ، قىسقا مەرزىمدى كاسىپتىك وقۋعا 517 ادام جولدانىپتى.

ال، ەكىنشى باعىت بويىنشا 2019 جىلعا رەسپۋبليكالىق بيۋدجەتتەن شاعىن نەسيەلەندىرۋگە 801،0 ميلليون تەڭگە قاراجات ءبولىنىپ، بۇگىنگى كۇنى 9 ازاماتقا 113،9 ميليلون تەڭگەنىڭ شاعىن نەسيەسى بەرىلگەن.

جالپى، «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى بىرنەشە كەزەڭدى قامتيدى. باعدارلامانىڭ ءۇشىنشى باعىتى بويىنشا تاراز قالاسىندا جاستار تاجىريبەسىن ۇيىمداستىرۋ ءۇشىن رەسپۋبليكالىق بيۋدجەتتەن 75،7 ميلليون تەڭگە قاراستىرىلىپ، 200 جاس تۇلەك تارتىلۋى جوسپارلانعان. ولارعا تولەنەتىن ايلىق جالاقىلاردىڭ كولەمى 63،1 مىڭ تەڭگەنى قۇرايدى. ايتا كەتۋ كەرەك، جىل باسىنان بۇگىنگى كۇنگە دەيىن 323 جاس مامان جولدانىپتى. سونىمەن قاتار الەۋمەتتىك جۇمىس ورنىنا رەسپۋبليكالىق بيۋدجەتتەن 5،3 ميلليون تەڭگە ءبولىنىپ، 25 ادامدى قامتۋ جوسپارلانسا، اعىمداعى جىلدىڭ باسىنان 31 ادام جولدانعان.

سونىمەن قاتار بۇگىندە شاھار بويىنشا جاڭا نىسانداعى اتاۋلى الەۋمەتتىك كومەك اۋماقتىق ۋچاسكەلىك كوميسسياسىنىڭ شەشىمىمەن تاعايىندالىپ تولەنۋدە. 2019 جىلدىڭ ماۋسىم ايىنا تابىستارى كەدەيشىلىك دەڭگەيىنەن تومەن 7438 وتباسىنىڭ 37 184 ادامىنا 2 ميلليارد 333،0 ميلليون تەڭگە مەملەكەتتىك اتاۋلى الەۋمەتتىك كومەگى تاعايىندالىپ تولەندى. وتكەن جىلدىڭ وسى مەرزىمىمەن سالىستىرعاندا تاعايىندالعان اتاۋلى الەۋمەتتىك كومەگىنىڭ ورتاشا مولشەرى 4 ەسە ءوسىپ، ءوتىنىش بەرۋشىلەردىڭ سانى 10،5 ەسەگە كوبەيدى.