بۇگىندە ەگەمەن ەلىمىز دامۋدىڭ داڭعىل جولىنا اياق باسىپ، الەمدەگى ەڭ وزىق وتىز مەملەكەتتىڭ قاتارىنان كورىنۋگە كۇش سالۋدا. ارينە، بۇل بيىكتى بەرەكەلى بىرلىگىمىز بەن جاراسىمدى تىرلىگىمىزدىڭ ارقاسىندا باعىندىراتىندىعىمىز داۋسىز. ەڭ باستىسى ەلباسى نۇلسۇلتان ءابىش ۇلى نازاربايەۆ ايقىنداپ بەرگەن ستراتەگيالىق ماقساتتار ءوز دەڭگەيىندە ورىلدالسا بولعانى. وسى ورايدا مەملەكەت باسشىسى قاسىم-جومارت توقايەۆ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا بۇل باعىتتاعى جۇمىستاردىڭ باعدارىن نىقتاپ بەردى.

بۇگىندە جولداۋ جۇكتەگەن مىندەتتەر تاراز قالاسىندا جۇيەلى ورىندالۋدا. اسىرەسە، ينۆەستيسيا تارتۋ باعىتىندا اتقالىرىپ جاتقان جۇمىستارعا كوز تويىپ، كوڭىل سۇيسىنگەندەي. مىسالى، بيىل نەگىزگى كاپيتالعا سالىنعان ينۆەستيسيالاردىڭ جالپى كولەمى 48 ميلليارد 131،5 ميلليون تەڭگەنى مەجەلەپ، ناقتى كولەم يندەكسى 112،7 پايىزدى قۇرادى. ال بۇل كورسەتكىش 2018 جىلى – 41 ميلليارد 59،1 ميلليون تەڭگە كولەمىندە قالىپتاسقان بولاتىن. حالىقتىڭ جان باسىنا شاققانداعى نەگىزگى كاپيتالعا سالىنعان ينۆەستيسيا كولەمى 134،5 مىڭ تەڭگە بولىپ وتىر. مۇندا دا ەداۋىر ءوسىم بار. ناقتىراق ايتقاندا بۇل كورسەتكىش 2018 جىلى – 115،2 مىڭ تەڭگە بولعان.

ينۆەستيسيالاردىڭ جالپى كولەمىندەگى بيۋدجەتتىك سالىمدار - 22 ميلليارد 873،5 ميلليون تەڭگەنى قۇراپ، 30،5 پايىزعا، شارۋاشىلىق سۋبەكتىلەرىنىڭ وزىندىك قاراجاتتارى 23 ميلليارد 568،3 ميلليون تەڭگە نەمەسە 2،7 پايىزعا، بانكتەردەن نەسيەلەر جانە باسقا دا قارىزعا الىنعان قاراجاتتار – 1 ميلليارد 689،7 ميلليون تەڭگەنى قۇراپ، 2،9 ەسەگە وسكەن

ەسەپتى كەزەڭدە بولشەك ساۋدا تاۋار اينالىمى 141 ميلليارد 766،9 ميلليون تەڭگە نەمەسە ناقتى كولەم يندەكسى 101،3 پايىزدى قۇرادى. كوتەرمە ساۋدا تاۋار اينالىمى 108 ميلليارد 621،3 ميلليون تەڭگە نەمەسە ناقتى كولەم يندەكسى 113،2 پايىزعا ورىندالدى.

تاعى ءبىر ايتا كەتەرلىگى، قالادا قازىرگى ۋاقىتتا 35 273 كاسىپكەرلىك سۋبەكتىلەرى تىركەلعان. 2018 جىلى بۇل كورسەتكىشتىڭ 31 829-دى قۇراعانىن ەسكەرسەك، بيزنەسكە بەت بۇرۋشىلار سانىنىڭ ەداۋىر ارتقانىن اڭعارۋ قيىن ەمەس. ونىڭ ىشىندە 28947 جەكە كاسىپكەر، 6164 شاعىن، 30 ورتا جانە 132 شارۋا قوجالىعى بار. تىركەلگەن سۋبەكتىلەردىڭ ىشىندە جۇمىس ىستەيتىنى – 26 950، ونىڭ ىشىندە جەكە كاسىپكەر – 22757، شاعىن – 4045، ورتا – 29 جانە شارۋا قوجالىعى – 119 بىرلىكتى قۇرايدى.

مەملەكەتتىك بيۋدجەتكە تۇسكەن سالىقتار مەن باسقا دا مىندەتتى تولەمدەر بويىنشا شاعىن جانە ورتا بيزنەس سۋبەكتىلەرىنىڭ ۇلەسى 21،4 پايىز نەمەسە 6 ميلليارد 463،8 ميلليون تەڭگەنى قۇرادى. ال قالا بيۋدجەتى بويىنشا شاعىن جانە ورتا بيزنەس سۋبەكتىلەرىنىڭ ۇلەسى 21،2 پايىز نەمەسە 2 ميلليارد 333،4 ميلليون تەڭگەنى قۇراپ وتىر.