ەلباسى ن.نازاربايەۆتىڭ قازاقستان حالقىنا جىل سايىنعى جولداۋلارىندا الەۋمەتتىك سالا نازاردان تىس قالعان ەمەس. مەملەكەت باسشىسى قاسىم-جومارت توقايەۆ تا قازاقستان رەسپۋبليكاسىنىڭ پرەزيدەنتى قىزمەتىنە كىرىسكەن بويدا وسى باعىتتاعى جۇمىستارعا باسا كوڭىل ءبولىپ كەلەدى. راسىندا دا تۇرعىنداردىڭ تۇرمىسىن تىكتەۋدە بۇل باعىتتاعى شارۋالاردى شيراتۋدىڭ ماڭىزى زور.

بيىل تاراز قالاسىندا الەۋمەتتىك سالاعا 35 ميلليارد 775،7 ميلليون تەڭگە بولىنگەن. ياعني، قالا بيۋدجەتىنىڭ 49،9 پايىزى باعىتتالىپ. ونىڭ ىشىندە جۇمىسپەن قامتۋ جانە الەۋمەتتىك قامتاماسىز ەتۋ شىعىندارىنا 4 ميلليارد 319،6 ميلليون تەڭگە قاراستىرىلعان.

-2019 جىلدىڭ قاڭتار - تامىز ايلارىندا 2 ميلليارد 446،2 ميلليون تەڭگەگە 10242 وتباسىنا الەۋمەتتىك كومەك كورسەتىلدى. ونىڭ ىشىندە 2804 وتباسىنا 113،2 ميلليون تەڭگەگە تۇرعىن ءۇي كومەگى، 7438 وتباسىنىڭ 37184 ادامىنا 2 ميلليارد 333،0 ميلليون تەڭگەگە اتاۋلى الەۋمەتتىك كومەگى تاعايىندالىپ، تولەندى. جىل باسىنان بەرى بەلسەندى جۇمىسپەن قامتۋ شارالارىمەن 3875 ازامات قامتىلدى. ونىڭ ىشىندە مەملەكەتتىڭ قولداۋىنسىز بوس ورىندارعا 1727 ادام، الەۋمەتتىك جۇمىس ورىندارىنا 31 ادام، جاستار تاجىريبەسى بويىنشا 323 ادام جانە قوعامدىق جۇمىس ورىندارىنا 709 ادام، قىسقا مەرزىمدى كاسىپتىك كۋرستارعا 905 ادام، شاعىن نەسيە بەرۋ بويىنشا 9 ادام جانە ينفراقۇرىلىمدىق جوبالار بويىنشا 171 ادام ورنالاسقان. وسى جۇمىسپەن قامتىلعانداردىڭ ىشىندە 1727 ادام تۇراقتى جۇمىس ورىندارىنا ورنالاستى،-دەيدى تاراز قالاسىنىڭ اكىمى قايرات دوسايەۆ.

ەسەپتى كەزەڭدە ۋاكىلەتتى جۇمىسپەن قامتۋ ورگانىنا رەسمي تۇردە جۇمىسقا ورنالاسۋعا 4615 ادام ءوتىنىش بىلدىرسە، ونىڭ 2961ء-ى جۇمىسپەن قامتىلىپتى. بۇدان بولەك 2019 جىلعا قوعامدىق جۇمىستارىنا 186،3 ميلليون تەڭگە ءبولىنىپ، 630 ادام جولدانۋى جوسپارلانعان. وسى جىلى قوعامدىق جۇمىسشىلاردىڭ جالاقىسى 56350-63750 تەڭگەنى قۇرايدى. اعىمداعى جىلدىڭ باسىنان اقىلى قوعامدىق جۇمىسقا جۇمىسسىزدار قاتارىنان 709 ازامات قاتىستىرىلدى.

بۇگىنگى كۇنگە زەينەتكەرلەر سانى 45 898 ادامدى قۇراسا، مۇگەدەكتەردىڭ سانى 16 330 ادام. ونىڭ ىشىندە I- توپ – 1473، II - توپ – 6675، III توپ – 5523 جانە 18 جاسقا دەيىنگى مۇگەدەك بالالار سانى – 2659 ادامدى قۇرايدى.

تاعى ءبىر ايتا كەتەرلىگى، بيىل مۇمكىندىگى شەكتەۋلى 75 ازاماتتى جۇمىسپەن قامتۋ جوسپارلانسا، قاڭتار-تامىز ايلارىندا 176 ازامات جۇمىسپەن قامتىلدى. ونىڭ ىشىندە: اقىلى قوعامدىق جۇمىستارمەن – 37 ادام، جاستار تاجىريبەسىمەن – 12 ادام، 76 ادام تۇراقتى جۇمىسپەن جانە قىسقا مەرزىمدى وقۋمەن – 51 ادام قامتىلدى.

قازىرگى ۋاقىتتا قالا بويىنشا جۇمىسسىزدىق دەڭگەيى 5،8 پايىزدى، ەڭ تومەنگى كۇن كورىس دەڭگەيى 27 840 تەڭگەنى، ورتاشا نومينالدى ايلىق جالاقى 131 458 تەڭگەنى قۇرادى.