كەيىنگى ونجىلدىقتا ەلىمىزدە جەكە تۇرعىن ءۇي قۇرىلىسى ەرەكشە قارقىن العانى بەلگىلى. «نۇرلى جول»، «نۇرلى جەر»، «باقىتتى وتباسى» سىندى باعدارلامالار بۇل باعىتتاعى جۇمىستارعا جان ۇرلەگەنى تاعى بەلگىلى. وسى ورايدا جامبىل وبلىسىندا Iجەكە تۇرعىن ءۇي قۇرىلىسى ءۇشىن بەرىلەتىن جەر تەلىمدەرى دە جۇيەلى تاپسىرىلۋدا، دەپ جازادى Qamshy.kz اقپارات اگەنتتىگى. 

وبلىس بويىنشا بۇگىنگى تاڭدا جەكە تۇرعىن ءۇي قۇرىلىسى ءۇشىن بەرىلەتىن جەر تەلىمدەرىنە تاراز قالاسى مەن اۋداندار اكىمدىكتەرىندە 115 859 (01.10.2019 جىلعى جاعدايعا) ازامات كەزەككە تىركەلگەن.

2019 جىلدىڭ 1 قازانداعى مالىمەتكە ساي وبلىس بويىنشا جەكە تۇرعىن ءۇي قۇرىلىسى ءۇشىن كەزەكتە تۇرعان ازاماتتارعا 2005-2019 جىلدارى ارالىعىندا 31 755 جەر تەلىمدەرى بەرىلگەن، ونىڭ ىشىندە 2019 جىلى 1125 جەر تەلىمى.

وبلىس بويىنشا بەكىتىلگەن باس جوسپار جانە وڭايلاتىلعان سىزبا نەگىزىندە جەكە تۇرعىن ءۇي قۇرىلىسىنا 81 تۇرعىن القاپ (تاراز قالاسى -7، بايزاق-16، جامبىل -12، جۋالى -10، قورداي -12، مەركى -14، ت.رىسقۇلوۆ -4، شۋ -6 ) قاراستىرىلدى.

وبلىس اكىمدىگىنىڭ جەر قاتىناستارى باسقارماسىنان جيناقتالعان مالىمەتكە سايكەس، وبلىس كولەمىندە جەكە تۇرعىن ءۇي قۇرىلىسىن جۇرگىزۋ ءۇشىن ازىرلەنگەن القاپتارعا تالداۋ جۇرگىزىلىپ، ەلدى مەكەندەردەگى القاپتاردىڭ جاعدايىنا قاراي ءۇش توپقا ءبولۋ قاراستىرىلدى.

1 توپ. القاپتارعا قاجەتتى ينجەنەرلىك ينفراقۇرىلىمدارمەن قامتىلعان القاپتار. بۇگىنگى كۇنگە حالىققا بەرىلۋگە ءازىر 3073 جەر ۋچاسكەسى بەلگىلەندى. ەندىگى كەزەكتە كەزەكتەگى ازاماتتارعا تابىستالادى.

2 توپ. ق ر جەر كودەكسىنىڭ تالاپتارىنا سايكەس سۋ جۇيەسىمەن ورتالىقتاندىرىلماعان ەلدىمەكەندەرگە تەك ەلەكتر جەلىسىن تارتۋ ارقىلى 3722 جەر ۋچاسكەسىن تاراتۋعا جاتادى.

3 توپ. ينجەنەرلىك ينفراقۇرىلىمداردى جۇرگىزۋدى جانە جەر ۋچاسكەسىن مەملەكەت مۇقتاجىنا الۋ ارقىلى 29547 جەر ۋچاسكەسىن (كولەمى 6143 گا) تاراتۋعا جاتادى.

ەلدى مەكەندەردىڭ باس جوسپارلارىنا سايكەس انىقتالعان 81 القاپقا قوسىمشا، جەكە تۇرعىن ءۇي قۇرىلىسىنا بولۋگە بولاتىن القاپتاردى، ينجەنەرلىك ينفراقۇرىلىمدارمەن قامتىلعان ەلدى مەكەندەر ىشىنەن (اينالاسىنان) 169 بوس جەر ۋچاسكەلەرى انىقتالدى. اتالعان جەر ۋچاسكەلەرى كەزەكتەگى ازاماتتارعا 2019 جىلدىڭ سوڭىنا دەيىن تاراتىلاتىن بولادى. وسىلايشا جامبىلدىقتار جەكە تۇرعىن ءۇي سوعۋعا مول مۇمكىندىك الىپ وتىر.