مەملەكەتتىك قالا قۇرىلىسى كاداسترىن قۇرۋدىڭ وزىندىك ماڭىزدىلىعى بار. سەبەبى ءاربىر نارسەنىڭ ناقتى ايقىنداۋىشى بار سەكىلدى، قۇرىلىستىڭ دا كاداستىرلىق ءنومىرى بولعانى ابزال. بۇل رەتتىك پەن تياناقتىلىق، سونداي-اق قاي جەردە قۇرىلىس ءجۇرىپ جاتقانىن، ال قاي ماڭ بوس جاتقانىن دالدەپ بەرەدى. بۇل جۇمىستاردى جامبىلدىقتار ۇقىپتى اتقارۋدا، دەپ جازادى Qamshy.kz اقپارات اگەنتتىگى.
وبلىس اۋماعىندا قالا قۇرىلىسى كاداسترىن قۇرۋ جانە وزەكتەندىرۋ ماسەلەسى اياسىندا 22.10.2018 جىلى جامبىل وبلىسى اكىمدىگى جانە «رەسپۋبليكالىق مەملەكەتتىك قالا قۇرىلىسىن جوسپارلاۋ جانە كاداستر ورتالىعى» رمك اراسىندا ءوزارا ارەكەكتتەستىك مەموراندۋمى جاسالىپ، 2019-2021 جىلدارعا تاراز، شۋ قالالارىنىڭ جانە 10 اۋدان ورتالىعىنىڭ ينجەنەرلىك كوممۋنيكاسيالار جۇيەسىن تۇگەندەۋ جۇمىستارىن جۇرگىزۋ بويىنشا ءىس-شارالار جوسپارى بەكىتىلگەن. بۇگىنگى كۇنگە ءىس-شارا جوسپارىنا سايكەس جۇمىستاردى «مەمقالاقۇرىلىسكاداسترى» رمك-نىڭ جامبىل فيليالى اتقارۋدا.
تاراز قالاسىنىڭ جالپى اۋماعى 18 787 گەكتار، ونىڭ ىشىندە قۇرىلىس سالىنعان اۋماق 13 765 گەكتاردى قۇرايدى.
تاراز قالاسىنىڭ 2011-2017 جىلدار ارالىعىندا 4956 گەكتار اۋماعىنا ينجەنەرلىك-گەودەزيالىق ىزدەنىستەر جۇرگىزىلگەن بولاتىن. 2018 جىلى تاراز قالاسىنىڭ 2391 گەكتار اۋماعىنا تۇگەندەۋ جۇمىستارى جۇرگىزىلدى. 2018 جىلدىڭ ناتيجەسى بويىنشا تۇگەندەۋ جۇرگىزىلگەن اۋماقتىڭ ۇلەسى 53،4 پايىز.
2019 جىلى قالانىڭ 3085 گەكتار اۋماعىنا تۇگەندەۋ جۇمىستارى جۇرگىزىلۋدە. 2020 جىلعا جوسپار بويىنشا تاراز قالاسىنىڭ قالعان 3333 گەكتار اۋماعىنا تۇگەندەۋ جۇمىستارىن جۇرگىزۋ جوسپارلانعان. اۋدان ورتالىقتارى بويىنشا 2018 جىلى 2 اۋدان ورتالىعىنا (اسا، قورداي ەلدى مەكەنى) جەرگىلىكتى بيۋدجەتتەن قاراستىرىلعان قاراجاتقا 1014 گا اۋماققا تۇگەندەۋ جۇمىستارى جۇرگىزىلدى. 2019 جىلى 7 اۋدان ورتالىعى (قورداي، مەركە، مويىنقۇم، تولە بي، قۇلان، سارىكەمەر، باۋىرجان مومىش ۇلى اۋىلدارى)، جاڭاتاس جانە شۋ قالالارىنىڭ بارلىعى 4809 گەكتار اۋماعىنا تۇگەندەۋ جۇمىستارى جۇرگىزىلۋدە.
2020 جىلعى وسى ەلدى مەكەندەردىڭ قالعان 4515 گەكتار اۋماعىنا تۇگەندەۋ جۇمىستارىن جۇرگىزۋ جوسپارلانعان. ناتيجەسىندە 2020 جىلعا تاراز، شۋ قالاسى مەن اۋدان ورتالىقتارىنىڭ اۋماعىنداعى ينجەنەرلىك جەلىلەردى تۇگەندەۋ جۇمىستارى تولىعىمەن اياقتالادى.
پىكىر قالدىرۋ