ارىس قالاسىنداعى جاعداي تالايعا ساباق بولعانى داۋسىز. ءبىر كۇندە بۇكىل بۇقارا ۇيلەرىن تاستاپ، باس ساۋعالاپ كەتتى. ارينە اپات ايتىپ كەلمەيتىنى بەلگىلى. دەسە دە مەملەكەت باسشىسى قاسىم-جومارت توقايەۆ حالىققا ارناعان جولداۋىندا قانداي توتەنشە جاعداي بولماسىن وعان ساقاداي ساي دايىن بولۋ قاجەتتىگىن باسا ايتتى. مۇنداعى ەڭ باستى ماقسات – تۇرعىنداردىڭ قاۋىپسىزدىگى مەن ءومىرى. وسى ورايدا جامبىل وبلىسىندا قارا حالىقتىڭ قاۋىپسىزدلىگى ءۇشىن بارلىق جاعداي جاسالۋدا، دەپ جازادى Qamshy.kz اقپارات اگەنتتىگى. 

وبلىسىمىزدىڭ ەگجەي-تەگجەيلى سەيسميكالىق اۋدانداستىرۋ كارتالارىنىڭ جيىنتىعىن ازىرلەۋ جانە تاراز، جاڭاتاس، قاراتاۋ، شۋ قالالارىنا سەيسميكالىق شاعىناۋدانداۋ كارتالارىنىڭ جيىنتىعى دايىندالعان. جامبىل وبلىسىنىڭ سەيسموتۇراقتىلىعى 7 بالدى قۇرايدى. وبلىس بويىنشا سەيسموقاۋىپتىلىگى جوعارى ايماقتاردى تاراز، جاڭاتاس، قاراتاۋ، شۋ قالالارى جانە ت. رىسقۇلوۆ، جۋالى، بايزاق، قورداي، جامبىل، مەركى، تالاس، شۋ اۋداندارىن قامتيدى. 2018-2020 جىلدارعا ارنالعان «قازاقستان رەسپۋبليكاسىنىڭ سەيسميكالىق قاۋىپسىزدىگىن ارتتىرۋ بويىنشا شارالار كەشەنى» جول كارتاسىنىڭ جامبىل وبلىسى بويىنشا ءىس-شارالار جوسپارىنا سايكەس، الەۋمەتتىك، تۇرعىن ءۇي جانە كوممەرسيالىق باعىتتاعى سەيسميكالىق تەكسەرۋدى قاجەت ەتەتىن نىسانداردى انىقتاۋ ماقساتىندا 2018 جىلدىڭ 12 قازانىندا جۇمىس توبى قۇرامى بەكىتىلدى، پاسپورتتاۋعا جاتاتىن وبەكتىلەردىڭ ءتىزىمى قالىپتاستىرىلىپ، وبەكتىلەردى سىرتتاي (ۆيزۋالدى) قاراپ، تەحنيكالىق جاعدايىن، سەيسميكالىق توزىمدىلىگىن زەردەلەۋ ناتيجەسىندە 140 نىسان انىقتالدى. قازىرگى ۋاقىتتا، وبلىس بويىنشا 26 نىسانعا (بايزاق – 4 نىسان (كۇشەيتۋ)، جۋالى – 3 نىسان(بۇزۋ)، ت.رىسقۇلوۆ -1 نىسان (بۇزۋ)، 1 نىسان (كۇشەيتۋ)، تالاس – 2 نىسان (كۇشەيتۋ)، سارىسۋ -6 نىسان (5 كۇشەيتۋ)، (1 بۇزۋ)، مەركى – 3 نىسان (1 كۇشەيتۋ)، (2 بۇزۋ) شۋ – 2 نىسان(كۇشەيتۋ)، - 4 نىسان(بۇزۋ)) سەيسميكالىق قورىتىندى الىندى، ونىڭ ىشىندە، جالپى بۇزۋدى قاجەت ەتەتىن نىساندار سانى – 11، سەيسموكۇشەيتۋگە جاتاتىن نىساندار سانى – 15.ءۇش نىساننىڭ سەيموكۇشەيتۋ ءۇشىن جوبالىق-سمەتالىق قۇجاتتارى ازىرلەندى.

بەتى اۋلاق الايدا الدا-جالدا ءبىر توتەنشە جاعداي ورىن الىپ قالىپ جاتسا، ەڭ ءبىرىنشى ۇيلەردىڭ وسى سەيسموتۇراقتىلىعىنا كۇش تۇسەتىنى بەلگىلى. سوندىقتان جامبىل وبلىسىندا جاسالىپ جاتقان مۇنداي زەردەلەۋ مەن ناقتىلاۋ جۇمىستارى وزگە وڭىرلەرگە دە ۇلگى بولارلىق. سەبەبى ءبىزدىڭ باستى قازىنىمىز – ادام ءومىرى.