ۇلتتىق ناقىشتارعا قۇرمەت – ۇلتتىق قۇرمەتىمىزدى دارىپتەۋ. اتا زاڭىمىز بويىنشا ءاربىر ازامات ءانۇرانىن، ەلتاڭباسىن جانە تۋىن قاستەرلەۋى قاجەت. جانە ونى كەيىنگى ۇرپاقتىڭ سانىسىنا ءسىڭىرىپ، جادىندا جاتتاتۋ ابزال. مىنە، وسى ماقساتتى تۇتقان جامبىل وبلىسى تالاس اۋدانىندا اۋقىمدى جيىن ءوتتى، دەپ جازادى Qamshy.kz اقپارات اگەنتتىگى. تالاس اۋدانى اكىمدىگى ىشكى ساياسات ءبولىمىنىڭ الەۋمەتتىك تاپسىرىسى شەڭبەرىندە «تالاس عۇمىرى» جاستار قوعامدىق بىرلەستىگىنىڭ ۇيىمداستىرۋىمەن «قازاقستان رەسپۋبليكاسىنىڭ مەملەكەتتىك رامىزدەرىنە قۇرمەت كورسەتۋ ماقساتىندا ءىس-شارالار ۇيىمداستىرۋ» تاقىرىبى بويىنشا «مەملەكەتتىك رامىزدەر – ۇلتتىق ماقتانىشىمىز» اتتى كونفەرەنسيا شىمىلدىعىن ءتۇردى.

تالاس اۋدانى اكىمدىگى ىشكى ساياسات ءبولىمىنىڭ الەۋمەتتىك تاپسىرىسى شەڭبەرىندە «تالاس عۇمىرى» جاستار قوعامدىق بىرلەستىگىنىڭ ۇيىمداستىرۋىمەن «قازاقستان رەسپۋبليكاسىنىڭ مەملەكەتتىك رامىزدەرىنە قۇرمەت كورسەتۋ ماقساتىندا ءىس-شارالار ۇيىمداستىرۋ» تاقىرىبى بويىنشا «مەملەكەتتىك رامىزدەر – ۇلتتىق ماقتانىشىمىز» اتتى كونفەرەنسيا قاراتاۋ قۇرىلىس تەحنولوگيا كوللەدجىندە ۇيىمداستىرىلدى.

اتالعان ءىس-شارادا «تالاس عۇمىرى» جاستار قوعامدىق بىرلەستىگىنىڭ مۇشەسى كولبايەۆا جازيرا ءابدىراسىل قىزى كوللەدج ۇجىمىنا جانە جاستارىنا مەملەكەتتىك رامىزدەردى قولدانۋ ءتارتىبى جانە قۇرمەتتەۋگە شاقىرىپ، قازاقستان رەسپۋبليكاسىنىڭ مەملەكەتتىك رامىزدەرىنىڭ شىعۋ تاريحى جايلى، ولاردىڭ اۆتورلارى تۋرالى ايتىپ ءوتتى. تاراز مەملەكەتتىك پەداگوگيكالىق ۋنيۆەرسيتەتىنىڭ جاستار ءىسى جونىندەگى كوميتەتتىڭ ءتوراعاسى قادىرالييەۆ ايبەك امانسەيىت ۇلى جاستاردى مەملەكەتتىك رامىزدەردى قۇرمەتتەۋ جانە قاستەرلەۋ پاتريوتتىقتان باستالاتىندىعى، ولاردى قادىرلەۋ ەلىمىزدەگى ازاماتتاردىڭ مەملەكەت تاۋەلسىزدىگىن قۇرمەتتەۋدى نىعايتىپ، جاسوسپىرىمدەردىڭ وتانسۇيگىشتىك سەزىمىن قالىپتاستىراتىندىعى تۋرالى ايتتى. ءسوزىن مەملەكەتتىك رامىزدەرگە ارنالعان ءوزىنىڭ ولەڭ جولدارىمەن اياقتادى. تاراز مەملەكەتتىك پەداگوگيكالىق ۋنيۆەرسيتەتىنىڭ بىلىمگەرى، بەلسەندى جاس الپىسباي اقنۇر جاستاردى بەلسەندى جاستاردىڭ قاتارىندا بولۋعا شاقىردى. ءىس-شارا سوڭى قازاقستان رەسپۋبليكاسىنىڭ مەملەكەتتىك گيمنىن ورىنداۋمەن اياقتالدى.

ءيا، مۇنداي جيىندار جاستار ءۇشىن قاجەت-اق. سەبەبى مۇنداي باسقوسۋلاردىڭ ارتىندا ۇلتتىق تاربيە مەن سارقىلماس وتاندىق پاتريوتيزم جاتىر.