ءدال ءقازىر قازاقستان سيفرلىق داۋىرگە قارىشتى قادام باستى. ونى وبلىس ورتالىقتارى مەن مەگاپوليستەر عانا ەمەس، شالعايداعى ەلدى مەكەندەر دە سەزۋدە. بۇرناعى كەزى تەك تەلەديداردان كورەتىن ەلەكتروندى قىزمەت تۇرلەرى بۇگىندە الىستاعى اۋىلدارعا جەتىپ، قارا حالىق وركەنيەت كوشىنەن ءبىر ەلى قالماۋدا. ءارى «سيفرلىق قازاقستان» جوباسى بارلىق سالادا قارقىندى قولدانىلۋدا، دەپ جازادى Qamshy.kz اقپارات اگەنتتىگى.  وعان دالەل، قازىرگى تاڭدا جامبىل وبلىسىندا حالىق ساناعىن جۇرگىزۋ ءۇشىن ەلەكتروندىق كارتانى جاڭارتۋ بويىنشا اۋقىمدى ىستەر اتقارىلۋدا. تاراز قالاسى مەن اۋدان اكىمدىكتەرىنىڭ ەلدى مەكەندەردىڭ ەلەكتروندى كارتوگرافيالارىنا جاڭارتۋ تۇزەتۋ ەنگىزۋ ءۇشىن تاراز قالاسى مەن اۋدان اكىمدىكتەرىنە قاجەتتى قارجى كولەمىنىڭ ەسەبى جاساقتالىپ، ساۋلەت، قالا قۇرىلىسى جانە قۇرىلىس سالاسىنداعى قىزمەتتى جۇزەگە اسىراتىن ليسەنزياسى بار 5 مەردىگەر مەكەمەلەرىنىڭ سالاعا قاتىستى قۇجاتتارىن ءبىر كوزدەن مەملەكەتتىك ساتىپ الۋدى الۋ تاسىلىمەن مەردىگەر ۇسىنعان «تاراز تاۋ جوبا» ج ش س ، «سيمۆول-پليۋس» ج ش س، «گيس» ج ش س، تاراز قالاسىنىڭ «جەر كاداستر ورتالىعى» ج ش س ۇلگىلىك كەلىسىم-شارت، جاڭارتۋ جۇمىستارىنا قاجەت ەتىلەتىن العاشقى دەرەكتەر تىزبەسى، باعا ۇسىنىستارى، تەحنيكالىق ەرەكشەلىكتەرى ليسەنزيا قۇجاتتارىن كوممەرسيالىق ۇسىنىستارىن زەردەلەپ تيپتىك تەحنيكالىق شارت جانە ۇلگىلىك كەلىسىم-شارت جوبالارى ازىرلەنىپ، تاراز قالاسى مەن اۋدان اكىمدىكتەرىنە 2016 جىلى ازىرلەنگەن قىلمىستىق قۇقىق بۇزۋ كارتاسىن قايتا جاڭعىرتۋعا جانە 2019 جەرگىلىكتى بيۋدجەتتەن قارجى كوزدەرىن قاراستىرىپ، قايتا جاڭارتۋ جۇمىستارى جۇرگىزىلۋدە.

بۇل ارينە تىرلىكتىڭ باسى عانا. ەلەكتروندىق كارتانىڭ جامبىلدىقتارعا بەرەرى مول ەكەنى داۋسىز. ودان بولەك، حالىق ساناعىن جۇرگىزۋدە دە ەلەكتروندى كارتاعا سۇيەنە وتىرىپ، ءتىزىمدى تۇزەۋگە دە مۇمكىندىك تۋماق. ءبىز ءسوز ەتىپ وتىرعان سيفرلىق ءداۋىر بۇل عانا ەمەس، بۇگىندە قۇقىق سالاسىندا دا كەڭىنەن قولدانىلۋدا. اتاپ ايتساق، ءقازىر بارلىق ەلدى مەكەندەر مەن شالعايداعى اۋىلداردىڭ اۋلاسىنا دەيىن بەينە باقىلاۋ جۇيەسى جەتىپ جاتسا، زاماناۋي قوندىرعىلارمەن جابدىقتالعان پوليسيا كولىكتەرى جولدارىمىزبەن جۇيتكىپ ءجۇر. ول از دەسەڭىز، بۇرناعى كەزى جول ساقشىلارى ءتارتىپ بۇزعان جۇرگىزۋشىلەرگە ايىپپۇلدى قاعازبەن جازىپ بەرەتىن بولسا، ءقازىر كومپتەرلىك باعدارلاما سىزگە ايىپپۇل جازۋ كەرەك پا، الدە جوق پا، سوعان دەيىن شەشىپ بەرەدى. ياعني جۇرگىزۋشى بۇعان دەيىن جول ەرەجەسىن بۇزباعان بولسا، وعان ءبىر جولعا ەسكەرتۋ تۇرىندەگى جازا بەلگىلەنۋى مۇمكىن. مىنە بۇگىنگى سيفرلىق ءداۋىر وسى بيىككە دەيىن جەتىپ وتىر. بۇل ارينە كەلەشەگىمىزدىڭ قانداي بولارىنىڭ باستاپقى كورىنىسى.