سارىسۋ اۋدانى، جايىلما اۋىلىنداعى بورىبەك توعىزاقبايەۆ اتىنداعى سپورت كەشەنىندە «وڭتۇستىك قازاقستان»، «يۋجنىي كازاحستان» گازەتتەرىنىڭ جارتىلاي اۋىر سالماقتاعى جەڭىمپازى (1963 جىل) بورىبەك توعىزاقبايۇلىن ەسكە الۋ ماقساتىندا قازاق كۇرەسىنەن 2004-2005 جىلى تۋىلعان جاسوسپىرىمدەر اراسىندا جارىس وتكىزۋ يگى داستۇرگە اينالعان. بيىل VI رەت جالاۋىن جەلبىرەتكەن رەسپۋبليكالىق تۋرنير ەكى كۇنگە سوزىلدى. پالۋاندار باسەكەسىنە 5 وبلىس، 10 اۋداننان 175 ءجاسوسپىرىم قاتىستى.

جارىستىڭ اشىلۋ سالتاناتىندا سارىسۋ اۋداندىق ءماسليحاتىنىڭ حاتشىسى ساعىمبەك بەگەيەۆ ءسوز سويلەدى. ول ءوز سوزىندە ەلباسىمىز العا قويعان 30 پايىزعا جۋىق قازاقستاندىقتاردىڭ بۇقارالىق سپورتپەن شۇعىلدانۋى تۋرالى تاپسىرماسىنىڭ ءمان-ماڭىزىنا توقتالىپ، قاتىسۋشىلارعا ساتتىلىك تىلەدى.

بەلدەسۋلەر قىزىقتى دا تارتىستى ءوتىپ، جاس پالۋاندار وزدەرىنىڭ باقتارىن سىنادى. وسى ورايدا جەتكىنشەكتەر 10 سالماق دارەجەسى بويىنشا جۇلدەلەردى ساراپقا سالىپ، ءبىرقاتار جەتىستىكتەرگە قول جەتكىزدى.

مىسالى، 35 كەلى سالماق دارەجەسىندە شۋ اۋدانىنان كەلگەن ە.ساعىمبەك قارسىلاس شاق كەلتىرمەي، ءبىرىنشى ورىندى يەلەندى. ال 38 كەلى سالماق دارەجەسىندە شىمكەنت قالاسىنىڭ سپورتشىسى م.الييەۆ ەشكىمگە دەس بەرمەدى. 42 كەلى سالماق دارەجەسىندەگى جارىس تا تارتىستى بولدى. بۇل سىندا تۇركىستان وبلىسىنىڭ نامىسىن قورعاعان ا.بەردىقۇلوۆتىڭ اسىعى الشىسىنان ءتۇسىپ، التىن مەدالعا قول جەتكىزدى.

سونىمەن قاتار 46 كەلى سالماق دارەجەسىندە دە كىل مىقتىدار سىنعا ءتۇستى. بۇل باسەكەدە تۇركىستان وبلىسىنىڭ تاعى ءبىر سپورتشىسى ي.قوجامبەك ەشكىمگە دەس بەرمەي، جەڭىمپاز اتاندى. ال شۋ اۋدانىنىڭ وكىلى م.قارتايعان ەكىنشى ورىندى ەنشىلەسە، ۇزدىك ۇشتىكتى تارازدىق ە.بيزاق پەن ساۋداكەنتتىك ج.قايرات ۇلى تۇيىندەدى.

50 كەلى سالماق دارەجەسىندەگى سايىس تا جانكۇيەرلەردىڭ ءجىتى نازارىندا بولدى. بۇل سىندا تۇركىستان وبلىسىنىڭ سپورتشىسى ق.كەمەلحان دارا شاۋىپ، داڭققا بولەندى. 55 كەلى سالماق دارەجەسىندە بولسا شىمكەنت قالاسىنىڭ پالۋانى ب.ورالبايدىڭ باعى جاندى.

سول سياقتى 60 كەلى سالماق دارەجەسىندە تاراز قالاسىنداعى №7 مەكتەپتىڭ اتىنان قاتىسقان ج.جوسپاردىڭ ابىرويى اسقاقتادى. ال سوزاق اۋدانىنىڭ سپورتشىسى ج.اقاش 66 كەلى سالماق دارەجەسىندە باعى مەن بابىنىڭ قاتار كەلىسىپ تۇرعاندىعىن ايقىن اڭعارتىپ، التىن مەدالدى قانجىعاعا بايلادى. 73 كەلى سالماق دارەجەسىندە تۇركىستان وبلىسىنىڭ وكىلى ا.ماحاماتوۆ توپ جارسا، + 73 كەلى سالماق دارەجەسىندە بوزكىلەم يەلەرى- جايىلما اۋىلىنىڭ ۇكىلەپ قوسقان ءۇمىتى ن.جۇمابەك 1-ورىندى يەلەندى.

جاسوسپىرىمدەر سايىسى اياعىنان ەرەسەكتەر اراسىندا «جايىلما بارىسى» تۇيە پالۋان باسەكەسى وتكىزىلدى. تۇيە پالۋان بەلدەسۋىنە جايىلما اۋىلى تۇرعىندارىنىڭ اراسىنان 10 پالۋان قاتىسىپ، ب ا ق سىنادى.

جارىس سوڭىنان سارىسۋ اۋدانىنىڭ اكىمدىگىنىڭ دەنە شىنىقتىرۋ جانە سپورت ءبولىمىنىڭ مەدالدارى، گراموتالارى جانە ق ر پرەزيدەنتىنىڭ «پارىز»

سىيلىعىنىڭ جەڭىمپازى، سارىسۋ اۋدانىنىڭ قۇرمەتتى ازاماتى جەڭىس توعىزاقبايەۆتىڭ دەمەۋشىلىگىمەن كىشى ءجاسوسپىرىم جەڭىمپاز پالۋاندارعا باعالى سىيلىقتار جانە ەرەسەكتەر اراسىندا وتكەن تۇيە پالۋان جەڭىمپازدارىنا باس جۇلدەگە موتوسيكل، تەلەديدار جانە قارجىلاي سىيلىقتار تابىس ەتىلدى.