قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقايەۆ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا بۇقارامەن بەرىك بايلانىس ورناتۋعا ايرىقشا باسىمدىق بەرگەن بولاتىن. وسى ورايدا مەملەكەت باسشىسى: «قوعامدىق ديالوگ، اشىقتىق، ادامداردىڭ مۇڭ-مۇقتاجىنا جەدەل نازار اۋدارۋ مەملەكەتتىك ورگاندار قىزمەتىنىڭ نەگىزگى باسىمدىقتارى سانالادى» دەپ ەرەكشە اتاپ ءوتتى.
سونىمەن قاتار قاسىم-جومارت كەمەل ۇلى «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» تۋرالى ايا كەلە: .
«ءبىز بۇل ماقساتقا ءالى دە جەتە قويعان جوقپىز. سوندىقتان وسى باعىتتاعى جۇمىسقا بار كۇش-جىگەرىمىزدى سالۋىمىز قاجەت.
ساياسي جۇيەنىڭ بۇل فورمۋلاسى مەملەكەت تۇراقتىلىعىنىڭ نەگىزى سانالادى.
ازاماتتاردىڭ بارلىق سىندارلى وتىنىش-تىلەكتەرىن جەدەل ءارى ءتيىمدى قاراستىراتىن «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ – بارىمىزگە ورتاق مىندەت.
بيلىك پەن قوعام اراسىندا تۇراقتى ديالوگ ورناتۋ ارقىلى عانا قازىرگى گەوساياسي احۋالعا بەيىمدەلگەن ۇيلەسىمدى مەملەكەت قالىپتاستىرۋعا بولادى.
سوندىقتان ازاماتتىق قوعامعا قولداۋ كورسەتىپ، ونىڭ الەۋەتىن نىعايتا ءتۇسۋ كەرەك. سونداي-اق، اسا ماڭىزدى جالپى مەملەكەتتىك مىندەتتەردى شەشۋ ءۇشىن تالقىلاۋ جۇمىستارىنا ازاماتتىق قوعامنىڭ مۇمكىندىكتەرىن كەڭىنەن قولدانۋ قاجەت.
وسى ماقساتپەن ءبىز بەلگىلى قوعام وكىلدەرىن قامتيتىن ۇلتتىق قوعامدىق سەنىم كەڭەسىن قۇردىق. بۇل كەڭەس روتاسيالىق تارتىپپەن جۇمىس ىستەيدى» دەگەن بولاتىن.
بۇل تۇرعىدا جامبىل وبلىسىندا جەمىستى جۇمىستار اتقارىلۋدا. مىسالى، حالىقپەن كەرى بايلانىس ورناتۋ، جەرگىلىكتى اتقارۋشى ورگانداردىڭ جۇمىس ءتارتىبىن جۇيەلەندىرۋ جانە ونىڭ تيىمدىلىگىن ارتتىرۋ ماقساتىندا وبلىس اكىمىنىڭ اعىمداعى جىلدىڭ 13 ناۋرىزداعى №70ء-و وكىمىمەن بەكىتىلگەن الگوريتمگە سايكەس، بارلىق 14 اۋىلدىق وكرۋگتە حالىقپەن كەزدەسۋلەر وتكىزىلۋدە.
سونىمەن قاتار مەملەكەتتىك قىزمەت كورسەتۋدىڭ بارىنشا اشىق بولۋىن قامتاماسىز ەتۋ، تۇرعىندارعا قولايلى جاعداي جاساۋ ماقساتىندا ءتورت مەملەكەتتىك ورگان باسشىسىنىڭ جۇمىس كابينەتتەرى عيماراتتىڭ ءبىرىنشى قاباتىنا كوشىرىلگەن.
راسىندا دا كوپشىلىكتىڭ تىلەگى ەسكەرىلمەي، كوسەگەمىزدىڭ كوگەرمەيتىنى بەلگىلى. بۇل تۇرعىدا جولداۋدا جۇكتەلگەن مىندەتتەر جەرگىلىكتى بيلىك پەن جۇرتشىلىقتىڭ اراسىنداعى بايلانىستى ودان ءارى نىعايتا تۇسكەندىگى داۋسىز.
پىكىر قالدىرۋ