قازاقستان رەسپۋبليكاسىنىڭ پرەزيدەنتى ق.توقايەۆ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىنىڭ ءتورتىنشى مىندەتىندە الەۋمەتتىك جاڭعىرۋدىڭ جاڭا كەزەڭىن ايقىنداعان بولاتىن. وسى ورايدا جامبىل وبلىسىنداعى جۋالى اۋدانىنىڭ بيۋدجەتى ەكونوميكانى دامىتۋ، ادامي كاپيتالدىڭ ساپاسىن جاقسارتۋ جانە باسقا دا الەۋمەتتىك ماسەلەلەردى شەشۋگە باعىتتالعان.

-ساپالى ءبىلىم بەرۋ – وقىتۋ مەن تاربيەلەۋدىڭ ۇزدىكسىز ءۇردىسى. ءبىلىم بەرۋ سالاسىنىڭ ماتەريالدىق-تەحنيكالىق بازاسىن جاقسارتۋ ماقساتىندا اۋداندا سوڭعى ءۇش جىلدا جاڭادان ءبىر مەكتەپ سالىنىپ، پايدالانۋعا بەرىلسە، سەگىز مەكتەپتە كۇردەلى جوندەۋ جۇمىستارى جۇرگىزىلدى. جالپى ءبىلىم سالاسىنا وتكەن جىلى 5،6 ميلليارد تەڭگە بولىنسە، بيىل 5،8 ميلليارد تەڭگە ءبولىنىپ وتىر،-دەيدى بۇل تۇرعىدا جۋالى اۋدانىنىڭ اكىمى نارباي ەرگەبەكوۆ.

ايتا كەتۋ كەرەك، وتكەن جىلى اۋداندا ءبىر IT سىنىپ اشىلعان. ال اعىمداعى جىلدىڭ سوڭىنا دەيىن تاعى دا وسىنداي ءۇش IT سىنىپ اشۋ جوسپارلانۋدا. اۋدانداعى 13 (33%) مەكتەپ روبوتوتەحنيكاسى كابينەتتەرىمەن جابدىقتالعان. وسى وقۋ جىلىندا تاعى 10 مەكتەپتى جابدىقتاۋدى جوسپارلانىپ وتىرعان كورىنەدى.

اۋداندا قالا مەن اۋىل مەكتەپتەرى اراسىنداعى الشاقتىقتى ازايتۋ ماقساتىندا اقتوبە ورتا مەكتەبىنىڭ جانىنان «تىرەك» مەكتەبى (رەسۋرستىق ورتالىق) اشىلىپ، جۇمىسىن جۇرگىزۋدە.

جولداۋدا اتالعانداي، «ديپلوممەن – اۋىلعا!» باعدارلاماسىنىڭ اياسى كەڭەيتىلىپ، جۇمىس جاڭا دەڭگەيدە جالعاستىرىلۋدا. وسىعان وراي، اۋداندا ءبىرىنشى كەزەكتە قاجەتتى ماماندىقتارعا باسىمدىق بەرىلۋدە.

2019 جىلدىڭ ماۋسىم ايىنان باستاپ بيۋدجەت سالاسىنىڭ ايلىعى تومەن قىزمەتكەرلەرىنىڭ جالاقىسىن كوتەرۋگە مەكتەپتەرگە رەسپۋبليكالىق بيۋدجەتتەن 383 213 مىڭ تەڭگە ءبولىنىپ، 1754 پەداگوگ قىزمەتكەردىڭ جالاقىسى 15-25 پايىز ارالىعىندا ءوستى. جوعارعى ءبىلىمدى ءمۇعالىمنىڭ ەڭ تومەنگى جالاقىسى 72 557 تەڭگەدەن 90 697 تەڭگەگە 25 پايىز كوتەرىلسە، ەڭ جوعارعى جالاقى 103 970 مىڭ تەڭگەدەن 119 676 مىڭ تەڭگەگە 15 پايىز كوتەرىلدى (15 706-18 140 تەڭگە ارالىعىندا قاراجات قوسىلدى). ورتا ءبىلىمدى ءمۇعالىمنىڭ ەڭ تومەنگى جالاقىسى 60 833 تەڭگەدەن 71 230 تەڭگەگە 17 پايىز كوتەرىلسە، ەڭ جوعارعى جالاقى 86 052 مىڭ تەڭگەدەن 99 988 مىڭ تەڭگەگە 16 پايىز كوتەرىلىپ وتىر. ياعني، 10 397-13 936 تەڭگە ارالىعىندا قاراجات قوسىلعان.