جامبىل وبلىسىندا قوعامدىق كەلىسىم مەن ساياسي تۇراقتىلىق، ەتنوسارالىق جانە كونفەسسياارالىق بەيبىتشىلىك، بىرلىك پەن ىنتىماق، ۇلتتىق قۇندىلىقتاردى جاڭعىرتۋ ماقساتىندا، ءوڭىر تاريحىنىڭ اسا ماڭىزدى كەزەڭى – جامبىل وبلىسىنىڭ قۇرىلعانىنا 80 جىل تولۋى قارساڭىندا «رۋحاني جاڭعىرۋ» باعدارلاماسى اياسىندا وتكەن «ەلدىك ەلگە بايلانىستى» قوعامدىق فورۋمى سارىسۋ اۋدانىندا جالعاسىن تاپتى. بۇل تۋرالى سارىسۋ اۋدانى اكىمدىگىنىڭ باسپا ءسوز قىزمەتى حابارلادى.

باسقوسۋعا ارداگەر قاريا اسكەربەك جۇماتايەۆ مودەراتورلىق ەتتى. فورۋم بارىسىندا تۇيىتكىلدى ماسەلەلەر، ۇلتتىق ءداستۇر مەن ادەت-عۇرىپتىڭ ۋاقىت اعىمىمەن وزگەرۋى، ىسىراپشىلدىق پەن داڭعازالىققا جول بەرمەۋ، جاستار تاربيەسىنىڭ وزەكتىلىگى تۋرالى اۋدانىمىزدىڭ اقساقالدارى مەن ەل اعالارى، ءبىلىمدى ءارى پاراساتتى ازاماتتارى ءسوز سويلەدى. مىسالى، اۋداندىق ءماسليحاتتىڭ دەپۋتاتى اسانباي سەينالييەۆ بەرەكەلى بىرلىكتىڭ بەرەرىر مول ەكەنىن كەڭىنەن تارقاتا اڭگىمەلەدى.

ال اۋداندىق "القا بيلەر" كەڭەسىنىڭ ءتوراعاسى قالمىرزا جانداربەكوۆ «قارتى بار ءۇيدىڭ، قازىناسى بار!» اتتى بايانداما جاساپ، ۇلكەندى سىيلاۋدىڭ ونەگەسى تۋرالى ءسوز قوزعادى. كەلەسى كەزەكتە اۋداندىق مەشىتتىڭ باس يمامى عالىمجان قوناقبايەۆتىڭ «ءدىني جورالعىلاردى جاساۋدا ىسىراپشىلدىققا جول بەرمەۋ» تاقىرىبىنداعى ءسوزى كوپ كوپكە وي سالارلىقتاي بولدى. سونىمەن قاتار ءبىلىم بەرۋ سالاسىنىڭ ارداگەرى رىزىقيا ءسماعۇلوۆا «تاربيە تال بەسىكتەن باستالادى» اتتى بايانداماسى ارقىلى جاستاردىڭ ۇيالى تەلەفون ينتەرنەتتەن گورى كوبىرەك ۋاقىتتارىن كىتاپحانادا وتكىزسە دەگەن ۇسىنىسىن ايتتى.

مەديسينا سالاسىنىڭ ارداگەرى زاۋال-ماحان ابزالبەكوۆ بولسا «توي مادەنيەتىن جاڭعىرتۋ كەرەك. اس تا، توكتىكتى دوعارايىق اعايىن!،-دەپ بۇگىنگى زامانداعى ورىن الىپ جاتقان ىسىراپشىلدىققا توقتالىپ ءوتتى. مادەنيەت سالاسىنىڭ ارداگەرى، جايىلما اۋىلدىق وكرۋگى ارداگەرلەر ۇيىمىنىڭ ءتوراعاسى سەرىكبەك ساتقىنتەگى دە «اقساقالدىقتىڭ ابىروي-بەدەلىن بيىكتەتۋ – ۋاقىت تالابى» دەپ، كەيىنگى جاستارعا ۇلگى-ونەگە كورسەتۋ الدىڭعى لەك مىندەتى ەكەندىگىنە توقتالدى. سونداي-اق، جاڭاتاس قالاسىنىڭ تۇرعىنى، ەڭبەك ارداگەرى شاكيزات ساپاربايەۆا «اناعا قاراپ، قىز وسەر... ءبىز دە كەلىن بولعانبىز...ەنە بولدىق مىنەكەي! ءتاتۋ-تاتتى قازاق وتباسىلارىندا وسكەن قىز بالالار بابالارىمىزدان دارىعان اسىل قاسيەتتەردىڭ ارقاسىندا اقىلدى دا كورىكتى بولىپ ءوسىپ كەلەدى. تالاپشىلدىقتىڭ ناتيجەسىندە قانداي ءىستى قولعا السا دا تياناقتى ەتىپ اتقارادى. بالالىق شاقتا العان جاقسى تالىم-تاربيە ومىرلىك ازىق بولارى حاق. اس ىشەردە تازالىقتى، كيىم كيەردە تياناقتىلىقتى، اڭگىمە تىڭداۋدا زەيىندىلىكتى، ءجۇرىپ-تۇرۋدا ۇقىپتىلىقتى ەڭ الدىمەن ايەل زاتى باقىلاپ وتىراتىنى شىندىق. بالالارى اقىلدى، العىر، جاۋاپكەرشىلىگى مول بولىپ وسسە، ايەل قاشاندا ولاردىڭ قۋانىشتى كەلبەتىنەن قۋات الىپ، ءوزىن سەرگەك سەزىنەدى،-دەي كەلە بۇگىنگى تاربيە ماسەلەسى جونىندە جەتكىزە ايتتى.

كەلەسى ءسوز جاڭاتاس قالاسىنىڭ كاسىپكەرى، «ايانحولل» مەيرامحاناسىنىڭ يەسى رايىمبەكوۆا قۋانىشقا بەرىلدى. كوتەرىلگەن ماسەلەگە بايلانىستى، اسىرەسە مىنا مەيرامحانالار مەن تويحانالاردىڭ تۇنگى ساعات 23:00-دەن كەشىكپەي توي-جيىنداردى توقتاتۋ ماسەلەسى ورىندى ەكەندىگىنە توقتالعان كاسىپكەر قاشاندا ورىندى ۇسىنىستاردى قولدايتىنىن ايتتى.