«Nur Otan» پارتياسى جۋالى اۋداندىق فيليالىنىڭ ۇيىمداستىرۋىمەن اۋداندىق ورتالىق ستاديوندا ۇلتتىق سپورت تۇرلەرىنەن اۋداندىق تۋرنير بولىپ ءوتتى. باس پارتيانىڭ ساياسي دوكتريناسىن ىسكە اسىرۋ اياسىندا وتكىزىلىپ وتىرعان بۇل تۋرنيرگە اۋداننان 500-گە جۋىق ادام قاتىستى. سونداي-اق، اتالمىش ءتۋرنيردىڭ وتۋىنە دەمەۋشىلىك جاساپ، قولداۋ تانىتقان «Nur Otan» پارتياسىنىڭ جامبىل وبلىستىق ءماسليحاتىنداعى دەپۋتاتتىق فراكسياسىنىڭ مۇشەسى الىمبەك اسەمبەك ۇلى جۇمابايەۆ، اۋداندىق ءماسليحاتتىڭ دەپۋتاتتارى، باستاۋىش پارتيا ۇيىمدارىنىڭ جەتەكشىلەرى، اۋداندىق مادەنيەت ءۇيىنىڭ ونەرپازدارى، ب ا ق وكىلدەرى قاتىستى.

سالتاناتتى كەزدەسۋدى «قىزعالداق» ءان-بي ءانسامبلىنىڭ بيشىلەرى «قازاق بيىمەن» اشتى. اۋداندىق ءتۋرنيردىڭ اشىلۋ سالتاناتىندا الىمبەك جۇمابايەۆ ءسوز سويلەدى. ول ءوز سوزىندە: «كەز-كەلگەن ەل، ءسالت-داستۇرىن ساقتاعاندا عانا دامىعان ەلدەر قاتارىنا قوسىلادى. ۇلتتىق ويىنداردى ۇلىقتاۋداعى باستى ماقسات تا وسى ەدى. ەرتەدەن كەلە جاتقان ۇلتتىق ويىندارىمىز ءبىر كەزدە ۇمىت بولىپ، كەيىنگى جىلدارى قايتا جاڭعىرىپ، ەل اراسىندا كەڭىنەن تارالىپ كەلەدى. قازاقتىڭ ۇلتتىق ويىندارى حالقىمىزدىڭ مادەني اسىل مۇراسى. بۇگىنگى وتكىزىلىپ جاتقان ۇلتتىق ويىندار بايگەسىن داستۇرگە اينالدىرۋ كەرەك»،- دەدى. ال، «Nur Otan» پارتياسى جۋالى اۋداندىق فيليالى ءتوراعاسىنىڭ ءبىرىنشى ورىنباسارى ا.احمەتوۆا ءوز تاراپىنان جينالعان سپورتسۇيەر قاۋىمدى قۇتتىقتاپ، وتكىزىلىپ وتىرعان ءتۋرنيردىڭ ماقسات-مىندەتتەرىمەن تانىستىرىپ، دەمەۋشىلىك جاساپ وتىرعان ازاماتقا العىسىن ءبىلدىرىپ، سپورتشىلارعا ساتتىلىك تىلەدى.

سودان سوڭ، ءتۋرنيردىڭ باس تورەشىسى، پارتيا مۇشەسى ارزىمبەتوۆ ماقسۇتبەك ءابدى ۇلى جارىس ەرەجەسىمەن تانىستىرىپ، تۋرنير باستاۋ الدى. جارىسقا قاتىسۋشىلار ۇلتتىق ويىنداردىڭ 7 تۇرىنەن سىنعا ءتۇستى. اتاپ ايتساق، اۋدارىسپاق، تەڭگە ءىلۋ، قوشقار كوتەرۋ، اسىق اتۋ، قاتىن كۇرەس جانە ارقان تارتۋدان شەبەرلىك بايقاستى. العاشىندا كورەرمەن-جانكۇيەرلەر «تەڭگە ءىلۋ» ۇلتتىق ويىنىن تاماشالادى. «اتتىڭ قۇلاعىندا ويناعان» ءار اۋىلدان كەلگەن جىگىتتەر ستاديون الاڭىندا بىردەي اراقاشىقتا اق ورامالعا تۇيىلگەن تەڭگەنى شاۋىپ كەلىپ، الۋ كەرەك. ءبىرى جارىستىڭ ەرەجەسىن ورىنداي السا، ەكىنشىلەرى اتتىڭ جەتەگىندە كەتىپ، تۇيىنشەكتى ۇستاي الماي جاتتى. ەكىنشى كەزەكتە وتكەن «اۋدارىسپاق» ۇلتتىق ويىنىندا اۋىل ازاماتتارى كۇشتىلىك، تاپقىرلىق مەن شىدامدىلىق تانىتتى. اقتوبە، قاراساز، جەتىتوبە، بورالداي، قوشقاراتا، كۇرەڭبەل اۋىلدارىنان كەلگەن پالۋاندار ەكىنشى اينالىمعا جەتىپ، ءۇشىنشى ورىندى كۇرەڭبەلدىك الماس قادىروۆ السا، قوشقاراتالىق راۋان نۇرپەيىس ەكىنشى جانە جەتىتوبەلىك باقىت داۋرەنبەكوۆ جۇلدەلى ءبىرىنشى ورىندى يەلەندى. «ارقان تارتۋ»، «قاشپا دوپ»، «قاتىن كۇرەس»، «اسىق اتۋ» ۇلتتىق ويىندار بارىسىندا اۋىلدىق وكرۋگتەردەن كەلگەن كوماندالار ءوز ەپتىلىگى مەن تاپقىرلىعىن تانىتىپ، كۇش سىناستى. جارىسقا قاتىسۋشىلار بىرىنەن-بىرى وزىپ، ءوز ونەرلەرىن ورتاعا سالدى. جارىستىڭ تورەشىلەرى اۋىلدىق وكرۋگتەردەن كەلگەن كوماندالارعا جالپى كوماندالىق

باعا بەرەتىن بولعاندىقتان، ولاردىڭ ءار مۇشەسى جاناشىرلىق تانىتىپ، جان-تانىمەن ويىندارعا قاتىسىپ وتىردى.

جارىستىڭ ەڭ سوڭعى ەرەكشە ويىنى - «قوشقار كوتەرۋ» ۇلتتىق ويىن بارىسىندا كۇشتىلىگى مەن ەپتىلىگىگىن تانىتىپ، ەڭ كوپ رەت 60 كەلىلىك قوشقاردى كوتەرگەن قايرات اۋىلىنىڭ تۇرعىنى نۇرسەيىت ماحانبەتجان جەڭىمپاز اتانىپ، سول كوتەرگەن قوشقارىن قانجىعاسىنا بايلاپ كەتتى. وسى جەردە وتكەن اۋدان ونەرپازدارىنىڭ كونسەرتى دە مەرەكەنىڭ شىرايىن اشتى. ءان ايتىلىپ، كۇي تارتىلدى. اۋدان ونەرپازدارىنىڭ ونەرى دە كوپشىلىكتىڭ نازارىن اۋداردى. تورەشىلەردىڭ بەرگەن باعاسىنىڭ قورىتىندىسىمەن كوماندالىق ءبىرىنشى ورىندى اقساي اۋىلدىق وكرۋگى، ەكىنشى ورىندى كۇرەڭبەل اۋىلدىق وكرۋگى جانە ءۇشىنشى جۇلدەلى ورىندى جەتىتوبە اۋىلدىق وكرۋگىنىڭ سپورتشىلارى جەڭىپ الدى. تۋرنير سوڭىندا دەمەۋشى بولعان حالىق قالاۋلىسى الىمبەك جۇمابايەۆ سالتاناتتى تۇردە ءبىرىنشى ورىن العان جەڭىمپازدارعا 200 مىڭ تەڭگە، ەكىنشى ورىنعا – 150 مىڭ تەڭگە جانە ءۇشىنشى ورىنعا - 100 مىڭ تەڭگە تاپسىردى. سونىمەن قاتار، قاتىن كۇرەسكە مىڭبۇلاق اۋىلدىق وكرۋگى اتىنان شىعىپ، ءوز ونەرىمەن ەرەكشە كوزگە تۇسكەن جاسى 60-قا تاياپ قالعان اپامىز التىناي بايعابىلوۆاعا 20 مىڭ تەڭگە تابىس ەتتى. ءتۋرنيردىڭ سوڭى اۋداندىق مادەني دەمالىس جانە حالىق شىعارماشىلىعى ورتالىعى ارتىستەرىنىڭ كونسەرتتىك باعدارلاماسىنا ۇلاستى.