جامبىل وبلىسىندا جۇمىسكەرلەردىڭ ەڭبەك شارتتارىنىڭ بۇزىلماۋى ماقساتىندا جوسپارلى جۇمىستار جۇرۋدە. بۇل رەتتە، جاۋاپتى مەكەمە – وبلىس اكىمدىگىنىڭ ەڭبەك ينسپەكسياسى باسقارماسى اتالعان زاڭبۇزۋشىلىقتاردىڭ ورىن الماۋىن قىراعى قاداعالاپ، شاعىم ايتۋشىلاردىڭ ماسەلەلەرىن شەشۋگە كۇش سالىپ كەلەدى.

باسقارما جۇمىسشىلار قۇقىعىن قورعاۋداعى جۇمىسىنىڭ نەگىزگى باعىتتارىنىڭ ءبىرى – ۇجىمدىق شارتتار قابىلداۋ. بۇل رەتتە، وبلىستا ارەكەت ەتىپ تۇرعان زاڭدى تۇلعانىڭ 4545 نەمەسە 52 پايىزى ۇجىمدىق شارتتارمەن قامتىلعان. ناقتىسىن ايتقاندا، 1559 مەملەكەتتىك، 2985 جەكە سەكتورداعى كاسىپورىندار. بۇل وبلىستار اراسىنداعى 7 كورسەتكىش.

سونداي-اق، جۇمىسكەرلەردىڭ جۇمىستان قىسقارتىلۋىنا جانە ەڭبەك قۇقىقتارىنىڭ بۇزىلۋىنا جول بەرمەۋ باعىتىندا دا شارالار قابىلدانۋدا. ماسەلەن، بۇل ءۇشىن وبلىستا اكىمدىكتەر مەن كاسىپورىندار اراسىندا وندىرىستىك پروسەستەردى تۇراقتاندىرۋ ماسەلەلەرى بويىنشا 8052 مەموراندۋمدار قابىلدانعان. بۇل وبلىستا ارەكەت ەتىپ تۇرعان زاڭدى تۇلعالاردىڭ 92،6 پايىزىن قۇرايدى. بۇل وڭىرلەر اراسىنداعى 5 كورسەتكىش.

بۇدان بولەك، الەۋمەتتىك ەڭبەك سالاسىن سيفرلاندىرۋ جۇمىستارى جوعارى دەڭگەيدە جۇزەگە اسىرىلۋدا. قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگىمەن 2019 جىلعا بەكىتىلگەن جوسپارعا سايكەس وبلىستىڭ 1247 كاسىپورنىندا 49880 ەڭبەك شارتتارىن ەنگىزۋ ءتيىس بولسا، بۇگىنگى كۇنگە وبلىستىڭ 1397 كاسىپورىنى 56 653 ەڭبەك شارتتارىن ەنگىزدى. ياعني، جىلدىق مەجە 112 پايىزعا ورىندالىپ وتىر. بۇل جۇمىستا جامبىل وبلىسى ەل كولەمىندە العاشقى ورىنعا شىعىپ وتىر.

بەيرەسمي جۇمىسپەن قامتىلعان تۇلعالاردىڭ ەڭبەك قاتىناستارىن زاڭداستىرۋ دا اسا ماڭىزدى ىستەر قاتارىندا. بۇل رەتتە قۇزىرلى باسقارمامەن 2018-2019 جىلدارعا ارنالعان «ەڭبەك شارتىن جاسايىق» اتتى اكسياسى جاريالانىپ، ەڭبەك قاتىناستارىن زاڭداستىرماي جۇرگەن تۇلعالاردىڭ وزەكتەندىرۋ الگوريتمى بەكىتىلىپ، ءتيىستى جۇمىستار اتقارىلۋدا. وسىنىڭ ناتيجەسىندە وبلىستىڭ 63828 تۇلعاسى وزەكتەندىرىلىپ، 4275 تۇلعانىڭ ەڭبەك شارتتارى جاسالىنىپ، زاڭداستىرىلدى.

اعىمداعى جىلدىڭ 8 ايىندا وبلىس اۋماعىندا 37 جازاتايىم وقيعا ورىن الىپ، 47 ادام جاپا شەكتى. ونىڭ 7 ادام ولىمىمەن اياقتالىپ، 21 اۋىر جاراقات، 19 جەڭىل جارقات العان.

جامبىل وبلىسى رەسپۋبليكا بويىنشا جازاتايىم وقيعادا جاپا شەككەندەردىڭ پايىزدىق ۇلەسى بويىنشا بىلتىرعى جىلمەن سالىستىرعاندا جوعارعى كورسەتكىشتى كورسەتۋدە، ال جاپا شەككەندەردىڭ سانىمەن 7 ورىندا.