جامبىل وبلىسىندا جاسوسپىرىمدەر قىلمىسىمەن كۇرەستى كۇشەيتۋ جانە وكىلەتتى ورگاندار اراسىندا وسى جۇمىستى ۇيىمداستىرۋ تاسىلدەرىن ساپالى وزگەرتۋ اياسىندا قاداعالاۋشى ورگاندار قامقورلىعىمەن جاسوسپىرىمدەر قىلمىسىنىڭ پروفيلاكتيكاسى بويىنشا موبيلدىك توپتار قۇرىلعان بولاتىن. اتاپ ايتقاندا، پروكۋراتۋرا ورگاندارىندا الدىن الۋ جانە يدەولوگيالىق جۇمىستاردى وتكىزۋ ءۇشىن ەڭ پروبلەمالىق ورتا ءبىلىم بەرەتىن مەكتەپتەرگە بەكىتىلگەن ۆەدومستۆوارالىق بەس موبيلدىك توپتار قۇرىلىپ، وسى جۇمىسقا قوعامدىق ۇيىمدار وكىلدەرى دە تارتىلعان بولاتىن.
جۋىردا بايزاق اۋدانى اكىمدىگىنىڭ ءماجىلىس زالىندا اۋدان پروكۋرورى رۋستام ءابىلحايروۆتىڭ توراعالىعىمەن موبيلدىك توپ مۇشەلەرى، مەكتەپ ديرەكتورلارىنىڭ تاربيە ءىسى جانە قۇقىقتىق تاربيە ءىسى جونىندەگى ورىنباسارلارى مەن پەداگوگ - پسيحولوگتار، اۋداندىق پوليسيا ءبولىمىنىڭ باسشىسى جانە قىزمەتكەرلەرىنىڭ قاتىسۋىمەن جيىن بولىپ ءوتتى.
جيىندا اۋەلى بەس موبيلدىك توپتىڭ ۇستىمىزدەگى جىلى اتقارعان جۇمىستارى تۋرالى اۋداندىق پروكۋراتۋرانىڭ پروكۋرورى جۇلدىز قويكەنوۆا، كامەلەتكە تولماعاندار اراسىندا 2019 جىلى ورىن العان قۇقىق بۇزۋشىلىقتار جانە اتقارىلعان جۇمىستار جونىندە اۋداندىق پوليسيا ءبولىمى جپقب يۋپت ينسپەكتورى اسحات راپىلبەكتىڭ ەسەبى تىڭدالدى. سونىمەن قاتار، اۋدان اكىمدىگى ءبىلىم ءبولىمىنىڭ ادىسكەرى ينديرا سپانالييەۆا اتا-اناسىنىڭ ىقپالىمەن ءداستۇرلى ەمەس ءدىني اعىمعا تارتىلعان كامەلەتكە تولماعاندار جانە ءبىرىڭعاي مەكتەپ فورماسىنىڭ تالاپتارىن ورىندامايتىن وقۋشىلاردىڭ اتا-انالارىمەن جۇرگىزىلگەن جۇمىستار تۋرالى، ادىسكەر رازيا سابيتبەكوۆا كامەلەتكە تولماعاندار اراسىندا زورلىق - زومبىلىقتىڭ جانە وزىنە - ءوزى قول جۇمساۋدىڭ الدىن الۋ باعىتىندا اعىمداعى جىلى اتقارىلعان جۇمىستار تۋرالى بايانداما جاسادى. بۇدان بولەك، اتالعان كەڭەستە اۋدان اكىمدىگى جانىنداعى كامەلەتكە تولماعاندار ءىسى جونىندەگى كوميسسيا، ءبىلىم بەرۋ، پوليسيا ءبولىمىنىڭ جۇمىسىنداعى زاڭ بۇزۋشىلىقتار مەن كەمشىلىكتەر دە نازاردان تىس قالمادى.
جيىن بارىسىندا ءبىرقاتار ۇسىنىستار ورتاعا سالىنىپ، ناتيجەسىندە ۋاكىلەتتى مەملەكەتتىك جانە جەرگىلىكتى اتقارۋشى ورگاندارعا جاسى كامەلەتكە تولماعاندارمەن جاسالعان قىلمىس پەن قۇقىقبۇزۋشىلىقتىڭ، ولاردىڭ اراسىنداعى وزىنە قول جۇمساۋدىڭ الدىن – الۋعا ءتيىستى شارالار قولدانۋ حاتتاماعا ەنگىزىلىپ، ءتيىستى تاپسىرمالار بەرىلدى.
جيىن سوڭىندا موبيلدىك توپتاردىڭ قۇرامىنا وزگەرىستەر ەنگىزىلدى.
