ءوز ومىرلەرىن ادام ءومىرىن قۇتقارۋعا ارناعان ادامداردىڭ ەڭبەگىن اسىرا باعالاۋ مۇمكىن ەمەس. كوپ ادامعا كومەك كورسەتىپ، ولاردى امان الىپ قالۋ ءۇشىن قالتارىس پەن جاڭىلىس بولماۋى كەرەك. ءدال وسى قىزمەت توتەنشە جاعدايلار كوميتەتىنىڭ اپاتتار مەديسيناسى قىزمەتىنىڭ مىندەتىنە جاتادى.

قازاقستان تمد-نىڭ العاشقى ەلدەرىنىڭ ءبىرى بولىپ رەسپۋبليكالىق شۇعىل مەديسينالىق كومەك ورتالىعىن قۇردى. 1994 جىلى ورتالىق ءوزىنىڭ اپاتتار مەديسيناسى ورتالىعى بولىپ قازىرگى زاماناۋي اتاۋىن الدى.

جامبىل وبلىسى بويىنشا اپاتتار مەديسيناسى ورتالىعى فيليالى قىزمەتىنىڭ ماقساتى تابيعي جانە تەحنوگەندىك سيپاتتاعى توتەنشە جاعدايلار ايماعىندا زارداپ شەككەندەرگە شۇعىل مەديسينالىق كومەك كورسەتۋ، جكو، اۆاريالىق-قۇتقارۋ قىزمەتتەرىنىڭ قىزمەتكەرلەرىنە امبۋلاتوريالىق-مەديسينالىق كومەك كورسەتۋ بويىنشا ءىس-شارالاردى جۇزەگە اسىرۋ جولىمەن ادامي شىعىنداردى تومەندەتۋ، جامبىل وبلىسى بويىنشا اپاتتار مەديسيناسى سالاسىندا مەملەكەتتىك دەنساۋلىق ساقتاۋ ورگاندارى مەن ۇيىمدارىنىڭ ۇيلەستىرۋى مەن ءوزارا ءىس-قيمىلىن قامتاماسىز ەتۋ بولىپ تابىلادى.

بۇگىنگى كۇنى اپاتتار مەديسيناسى ورتالىعىنىڭ فيليالى – جامبىل وبلىسى بويىنشا توتەنشە جاعدايلاردىڭ الدىن الۋ جانە جويۋدىڭ ءبىرىڭعاي مەملەكەتتىك جۇيەسىنە كىرەتىن كاسىبي مەديسينالىق اۆاريالىق-قۇتقارۋ قىزمەتى.

توتەنشە جاعدايلارعا دەن قويۋ بويىنشا ورتالىقتىڭ نەگىزگى جەدەل بىرلىگى كۇرە جولدىق مەديسينالىق-قۇتقارۋ پۋنكتتەرىنىڭ شۇعىل مەديسينالىق كومەك بريگادالارى جانە فيليالدىڭ شۇعىل مەديسينالىق كومەك بريگادالارىنا بولىنگەن. شۇعىل مەديسينالىق كومەك بريگادالارى تۇرار رىسقۇلوۆ اۋدانى قۇلان اۋىلىندا، شۋ اۋدانى تولە بي اۋىلىندا، مويىنقۇم اۋدانى بۋرىلبايتال اۋىلىندا ورنالاسقان.

شۇعىل مەديسينالىق كومەك بريگادالارى زارداپ شەككەندەرگە ۋاقتىلى مەديسينالىق كومەك كورسەتۋگە ارنالعان زاماناۋي مەديسينالىق جابدىقتارمەن جانە دارى-دارمەكتەرمەن جابدىقتالعان.

اپاتتار مەديسيناسى ورتالىعى فيليالىنىڭ قىزمەت اتقارۋ بارىسىندا بولىمشەلەرى بارلىق ءىرى توتەنشە جاعدايلاردى مەديسينالىق-سانيتارلىق قامتاماسىز ەتۋگە بەلسەندى قاتىسىپ، زارداپ شەگۋشىگە بىلىكتى مەديسينالىق كومەك كورسەتتى.

اپاتتار مەديسيناسى ورتالىعىنىڭ فيليالى ەمدەۋ ۇيىمدارىندا قۇرىلعان جانە جوسپارلانعان وقۋ-جاتتىعۋلاردا پىسىقتالاتىن تۇراقتى دايىندىق رەجيمىندە تۇرعان دەنساۋلىق ساقتاۋ جۇيەسىنىڭ مەديسينالىق قۇرىلىمدارىمەن ءوزارا ءىس-قيمىل جاساۋ ماسەلەلەرىنە كوپ كوڭىل بولىنەدى.

بۇگىنگى تاڭدا جامبىل وبلىسى بويىنشا اپاتتار مەديسيناسى ورتالىعىنىڭ فيليالى ءوزىنىڭ قىزمەت وبەكتىسى جانە وعان ءتان جۇمىس ادىستەرى بار وبلىستىڭ دەنساۋلىق ساقتاۋ سالاسىنىڭ دەربەس سالاسى رەتىندە ءوزىن كورسەتە ءبىلدى.