جامبىل وبلىسىندا جۇمىسكەرلەردىڭ ەڭبەك بارىسىنداعى قۇقىقتارىنىڭ ساقتالۋى ءجىتى قاداعالاۋدا. بۇل ماقساتتا ايماقتا ارنايى ورگان – وبلىس اكىمدىگىنىڭ ەڭبەك ينسپەكسياسى باسقارماسى قالتقىسىز قىزمەت ەتۋدە.
اتالعان باسقارمانىڭ بەرگەن مالىمەتى بويىنشا، جىل باسىنان بەرى وبلىستا 21 كاسىپورىندا 4872 جۇمىسكەر الدىندا 788،5 ميلليون تەڭگە جالاقى قارىزدارى انىقتالىپ، ونىڭ 660،1 ميلليون تەڭگەسى نەمەسە 87،1 پايىزى وندىرىلگەن. ناتيجەسىندە 4113 جۇمىسكەردىڭ قۇقىقتارى قورعالدى.
مەملەكەتتىك ەڭبەك ينسپەكتورلارىمەن 8 ايدا جەكە جانە زاڭدى تۇلعالاردىڭ 753 ارىز-شاعىمدارى قارالىپ، 122 تەكسەرۋلەر اشىلىپ، 163 زاڭ بۇزۋشىلىق فاكتىلەرى انىقتالعان. ولار بويىنشا 4 ميلليون 810 مىڭ 125 تەڭگە كولەمىندە 30 اكىمشىلىك ايىپپۇلدار، 17 ەسكەرتۋ تۇرىندەگى اكىمشىلىك شارالار قولدانىلىپ، 68 ورىندالۋى مىندەتتى نۇسقامالار بەرىلدى.
ناتيجەسىندە 705 ارىزدانۋشىنىڭ قۇقىقتارى قورعالىپ، قاناعاتتاندىرىلدى.
جالپى، وبلىس اكىمدىگىنىڭ ەڭبەك ينسپەكسياسى باسقارماسى الەۋمەتتىك-ەڭبەك قاتىناستارىن رەتتەۋ بارىسىندا نەگىزگى بەس باعىت ايقىندالىپ، جوسپارلى جۇمىستار اتقارىلۋدا. اتاپ ايتقاندا، مەكەمە تومەنگى جالاقىنى كوتەرۋ، ۇجىمدىق شارتتار قابىلداۋ، مەموراندۋمدار قابىلداۋ، الەمەتتىك-ەڭبەك سالاسىن سيفرلاندىرۋ جانە بەيرەسمي جۇمىسپەن قامتىلعان تۇلعالاردىڭ ەڭبەك قاتىناستارىن زاڭداستىرۋ باعىتىندا ناقتى جۇمىستار جۇرگىزۋدە.
وسى رەتتە، ايماقتا تومەنگى جالاقىنى كوتەرۋ جۇمىستارى جۇيەلى جۇزەگە اسۋدا. اتاپ ايتقاندا، وبلىستىڭ 7297 نەمەسە 82،8 پايىز كاسىپورىنى 72،9 مىڭ جۇمىسكەردىڭ جالاقىسىن ورتا ەسەپپەن 39،8 مىڭنان 50،2 مىڭ تەڭگەگە نەمەسە 26،1 پايىزعا كوتەردى. بۇل ەلىمىزدىڭ وڭىرلەرى اراسىنداعى 6 كورسەتكىش بولىپ وتىر.
ونىڭ ىشىندە، 91 ءىرى كاسىپورىن 43300 جۇمىسكەرگە، 42 ورتا كاسىپورىن 3877 جۇمىسكەرگە، 7164 شاعىن كاسىپورىن 25763 جۇمىسكەرگە جالاقىلارىن كوتەردى. وسىلايشا، ورتاشا نومينالدى جالاقى مولشەرى 112،3 مىڭ تەڭگەنى قۇراپ، ورتاشا رەسپۋبليكالىق مولشەردەن 33،4 پايىزعا تومەن بولدى.
بۇل ورايدا جۇمىس بەرۋشىلەرمەن جالاقى تولەۋ جۇيەسىن رەتتەيتىن 4046 اكتى قابىلداندى. ونىڭ ىشىندە، 2427 بۇيرىق، 467 ۇجىمدىق شارت، 1134 ءۇشجاقتى كەلىسىمدەر، 3 حاتتاما جانە 15 ۇجىمدىق شارتقا وزگەرىس ەنگىزۋ جانە ءبىر اۋماقتىق ءۇشجاقتى كەلىسىمدەر قابىلدانعان. بۇل وڭىرلەر اراسىنداعى 6 كورسەتكىش.
