سىبايلاس جەمقورلىقتىڭ الدىن الۋ ءۇشىن ەلىمىزدە ينستيتۋسيونالدىق جانە قۇقىقتىق بازا قالىپتاسقان. ماسەلەن، «100 ناقتى قادام» ۇلت جوسپارى شەڭبەرىندە 2015 جىلدىڭ 18 قاراشاسىندا «سىبايلاس جەمقورلىققا قارسى ءىس-قيمىل تۋرالى» زاڭى قابىلداندى.

تىكەلەي پرەزيدەنتكە باعىناتىن جاڭادان قۇرىلعان سىبايلاس جەمقورلىققا قارسى ءىس-قيمىل اگەنتتىگى قىزمەت ەتۋدە. اتاۋلارى كورسەتىپ وتىرعانداي، زاڭنىڭ دا، اگەنتتىكتىڭ دە باستى ماقساتى – الەۋمەتتىك دەرتتىڭ الدىن الۋ بولىپ تابىلادى.

وسى ماقساتتا سارىسۋ اۋدانى اكىمدىگىنىڭ ەكونوميكا جانە بيۋدجەتتىك جوسپارلاۋ بولىمىندە "ادالدىق ساعاتى" ءوتتى. وندا ءبولىم باسشىسى ا.تويشىبەكوۆا :

– تۇرمىستىق جەمقورلىقتى جويۋ ماقساتىندا بارلىق وڭىردە «ادالدىق الاڭى» جوبالىق كەڭسەلەرى قۇرىلعان بولاتىن. جامبىل وبلىسىندا قۇرىلعان «جامبىل – ادالدىق الاڭى» جوبالىق كەڭسەسى جىل باسىنان بەرى بەكىتىلگەن جوسپارعا سايكەس ءبىلىم، دەنساۋلىق ساقتاۋ، جۇمىسپەن قامتۋ، الەۋمەتتىك قامتاماسىز ەتۋ، اۆتوموبيل جولدارى، پوليسيا جانە وزگە سالالاردا جۇيەلى جۇمىستار جۇرگىزۋدە.

اتالعان جۇمىستارعا ارنايى مونيتورينگتىك توپ وكىلدەرى، «جامبىل – ادالدىق الاڭى» جوبالىق كەڭسەسىنىڭ مۇشەلەرى، دەپارتامەنت پەن اكىمدىك قىزمەتكەرلەرى، زيالى قاۋىم وكىلدەرى مەن قوعامدىق پىكىر كوشباسشىلارى قاتىسۋدا.

سونىمەن قاتار اگەنتتىكتىڭ 1424 Call-center ورتالىعى تۇراقتى تۇردە جۇمىس ىستەۋدە. اعىمداعى جىلى ارالىعىنا Call-center ورتالىعىنا ءار ءتۇرلى قۇقىق بۇزۋشىلىقتار تۋرالى 768 ازاماتتىڭ ءوتىنىشى تۇسكەن، ولاردىڭ ىشىندە 30 جامبىل وبلىسىنىڭ اۋماعىندا جاسالىنعان زاڭ بۇزۋشىلىقتارعا قاتىستى، – دەدى.

جالپى، اۋداندا قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتىمەن قازاقستان رەسپۋبليكاسى ۇكىمەتىنىڭ 2015 جىلعى 30 جەلتوقسانداعى №1131 بەكىتىلگەن «سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلدا وزگە دە جولمەن جاردەمدەسەتىن ادامداردى كوتەرمەلەۋ تۋرالى قاعيداسىنا» سايكەس ازاماتتارمەن ۇنەمى تۇردە جۇمىستار جۇرگىزىلۋدە.

سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلعا وزگە دە جولمەن جاردەمدەسكەن ادامدارعا، ەگەر كىنالى ادامعا قاتىستى اكىمشىلىك جازا قولدانۋ تۋرالى سوت قاۋلىسى نەمەسە ايىپتاۋ ۇكىمى زاڭدى كۇشىنە ەنگەن بولسا، ءبىرجولعى اقشالاي سىياقى تولەنەدى.

وسىلايشا، سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان – 18 ادامعا جالپى سومماسى 2،5 ملن. تەڭگەگە ءبىرجولعى اقشالاي سىياقى تۇرىندە كوتەرمەلەۋ تولەنگەن. بارلىق تىركەلگەن سىبايلاس جەمقورلىق قۇقىق بۇزۋشىلىق دەرەكتەرى بويىنشا، لاۋازىمدى ادامدار ءار ءتۇرلى قىلمىستىق جاۋاپتىلىقتارعا تارتىلعان.