بايزاق اۋدانىندا ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىندا جامبىل وبلىسىنىڭ 80 جىلدىعىنا جانە قارتتار كۇنىنە ورايلاستىرىلعان «اقىلمان اقساقالدار» اۋداندىق بايقاۋى ءوتتى.
اۋدان اكىمدىگى مادەنيەت جانە تىلدەردى دامىتۋ ءبولىمىنىڭ قولداۋىمەن ءال – فارابي اتىنداعى مادەنيەت ءۇيىنىڭ ۇيىمداستىرۋىمەن وتكەن شاراعا 18 اۋىلدىق وكرۋگتىڭ نامىسىن قورعاۋعا، 63 جاستان اسقان 15 قاريا قاتىستى.
شارا ماقساتى – كوپتى كورگەن داناگوي قارتتارىمىزدىڭ ونەگەلى ءومىرىن ۇلگى ەتە وتىرىپ، عيبرات بولارلىق سوزدەرىن جاس ۇرپاقتىڭ بويىنا ءسىڭىرۋ. سونداي – اق، قاريالار بويىنداعى اسىل قاسيەتتەردى دارىپتەۋ ارقىلى جاستاردى اتالى ءسوزدىڭ قۇدىرەتى مەن حالقىمىزدىڭ سالت – داستۇرلەرىن قاستەرلەۋگە ۇيرەتۋ.
بايقاۋ شىمىلدىعى مادەنيەت ءۇيىنىڭ ءانشىسى جانات سالىمبايەۆانىڭ ورىنداۋىنداعى «اعالارعا ارناۋ» انىمەن اشىلدى. ودان سوڭ سايىس شارتتارىنا سايكەس قاريالار وزدەرىن قارا سوزبەن، ولەڭ جولدارىمەن دە، قولدارىنا دومبىرالارىن الىپ، جىراۋلارشا اندەتىپ تانىستىرعاندار دا بولدى. ەكىنشى شارت: جەرەبە بويىنشا ەكراندا شىققان ۇلتتىق سالت – داستۇرگە قاتىستى ساۋالدارعا كوپتەرەكتىك ءابدىراحمان كەنجەبايەۆ پەن تەمىربەك اۋىلدىق وكرۋگىنەن قاتىسقان امانعازى حالىقوۆ مۇدىرمەي جاۋاپ بەرىپ، كوپشىلىكتىڭ ىستىق ىقىلاسىنا بولەندى. ارمەن قاراي اقساقالدار ماقال – ماتەل، ونەگەلى - وسيەت سوزدەر ايتۋدان باقتارىن سىناپ، باتا بەرۋدەن الدارىنا جان سالمادى.
قاريالارىمىزدىڭ ونەرىن قازىلار القاسىنىڭ ءتوراعاسى، اۋداندىق ارداگەرلەر كەڭەسىنىڭ ءتوراعاسى كەمەلبەك بەسپايەۆ، مۇشەلەرى قوعامدىق كەڭەستىڭ ءتوراعاسى جۇمانعالي قۇمعانبايەۆ جانە قازاقستان رەسپۋبليكاسىنىڭ مادەنيەت قايراتكەرى، كسرو مادەني – اعارتۋ ءىسىنىڭ ۇزدىگى كوپجاسار ارىن ۇلىنىڭ شەشىمىمەن باس جۇلدەگە تەمىربەكتىك امانعازى حالىقوۆ لايىق دەپ تانىلدى. ءبىرىنشى ورىندى تۇيمەكەنت اۋىلىنان كەلگەن نيازحان بەيسەنوۆ يەلەندى. ەكىنشى ورىندى قوستوبەلىك مايدانباي بايجانوۆ ەنشىلەسە، ءۇشىنشى ورىندى مىرزاتايلىق ىلەس جۇزبايەۆ ولجالادى. ىنتالاندىرۋ سىيلىعى جاڭاتۇرمىس اۋىلدىق وكرۋگىنىڭ نامىسىن قورعاعان تولەندى باسىقارايەۆقا تابىس ەتىلدى.
بايقاۋدا ءباسى باسىم تۇسكەن جەڭىمپازدار مەن قاتىسۋشىلارعا ۇيىمداستىرۋشىلار تاراپىنان ديپلومدار جانە باعالى سىيلىقتار تابىس ەتىلدى.
